Farg'onada o'tkazilayotgan tadbirlar davomida 9,6 mlrd so'mlik aliment pullari undirildi

Farg'ona viloyat prokuraturasi tashabbusi bilan aliment undirish bilan bog'liq sud qarorlarini ijro etish hamda voyaga yetmaganlarning huquq va manfaatlarini himoya qilishga qaratilgan qonunlar ijrosi ustidan nazoratni yanada kuchaytirish maqsadida 2016 yil 1 avgustida viloyat hokimligi, IIB, sud ijro departamenti, “Mahalla" jamoat fondi hamda mehnat bosh boshqarmalari hamkorligida qo'shma farmoyish ishlab chiqilib, ijro uchun joylarga yuborilgan.

Qo'shma farmoyish talablaridan kelib chiqqan holda, har bir tuman (shahar) prokurori o'rinbosarlari raisligida ishchi guruhlari tuzilib, har oyda aliment undirish bilan bog'liq ijro hujjatlari ijrosi to'liq nazorat qilib borilmoqda.

Shu bilan birga aliment undirish bilan bog'liq ijro hujjatlari ijrosini ta`minlashda yo'l qo'yilgan kamchiliklar va kelgusida amalga oshirilishi lozim bo'lgan tadbirlar har chorakda idoralararo yig'ilishda muhokama qilinib, mutasaddi idora rahbarlariga zarur ko'rsatma va topshiriqlar berib kelinmokda.

Nazorat va targ'ibot tadbirlari jarayonida 01.03.2017 yil holatiga 947ta ijro hujjatlari bo'yicha oilalar yarashtirilganligi munosabati bilan tiklanishi, 270ta holatda mavjud qarzdorliklar to'liq bartaraf etilganligi sababli ijro ishlari ish yurituvidan tamomlangan.

Shuningdek, joylarda o'tkazilgan 89ta bo'sh ish o'rinlari mehnat yarmarkalarida 1 629 nafar qarzdorlar ishga joylashtirilib, alimentdan bo'lgan qarzdorlik ish haqlariga qaratilgan.

Tadbirlar jarayonida 12 534ta ijro hujjatlari bo'yicha 9,6 mlrd. so'mlik aliment pullari undirilgan va shu bilan birga 6 987 nafar voyaga yetmaganlarning huquqlari tiklanishga erishilgan.

Mazkur qo'shma farmoyish ijrosi tizimli ravishda ijro etilishi natijasida viloyat prokuraturasiga aliment undirish bilan bog'liq murojaatlar soni sezilarli darajada kamayishga erishilmokda.

Katagoriya:Jamiyat
Joylangan vaqt: March 10, 2017
Loading...
Яндекс.Метрика