Toshkent shahrida niqobli jinoyatchilar ushlandi

Toshkent shahar Yashnobod tumanida ikki noma`lum shaxs yuzlariga niqob  va qo'llariga qo'lqop kiygan holda 1955 yilda tug'ilgan ayolning uyiga ochiq qolgan eshik orqali kirib, uy egasini urib jarohat yetkazganlar. Bu haqda O'zbekiston Ichki ishlar vazirligi matbuot xizmati xabar bermoqda.

Xabarda aytilishicha, ular ayolning qo'l – oyoqlarini skotch bilan bog'lab, ichida 23 000 000 so'm puli, 2 500 AQSh dollari, qiymati 6 000 000 so'm bo'lgan zargarlik buyumlarini va nevaralarining tug'ilganlik haqidagi ikkita guvohnomalari bo'lgan temir seyfni hamda “Nokia” mobil telefonini olib voqea joyidan yashiringanlar.   

Olib borilgan tezkor-surishtiruv tadbirlari natijasida mazkur jinoyatni Toshkent shahar Olmazor tumanida yashovchi 1993 yilda va 1994 yilda tug'ilgan ikki nafar shaxs sodir etganligi aniqlanib ular ushlandilar. 

“Hozirgi paytda ularga nisbatan tergov harakatlari olib borilmoqda”, deyiladi xabarda.

Katagoriya:Jamiyat
Joylangan vaqt: March 10, 2017
Loading...
Яндекс.Метрика