Rossiyada O'zbekiston fuqarosi AYoQShga hujum tashkillashtirdi

Rossiyaning Novosibirsk shahridagi Pervomaysk tumanida do'kon, AYoQSh va lombardga bosqinchilik yo'li bilan hujum qilishda gumonlanganlar qo'lga olindi.

«Do'konni o'marishda gumonlanganlar qo'lga olindi. Bu voqea 18 yanvar, tungi soat 3 da ro'y bergan. Uch shaxs qirqma miltiq bilan kirib kelgan, ulardan biri pullarni berishni talab qilgan. Xullas, 25 mingni olib, qochib ketishdi», - deya xabar berdi Pervomaysk tumani politsiya bo'limi vakili NGS.NOVOSTI muxbiriga.

Ehtimoliy bosqinchilarga qo'shni uylarda o'rnatilgan kuzatuv kameralaridagi videoni o'rganish orqali chiqishgan. «Yozuvlarda jinoyatchilar avvaldan tayyorgarlik ko'rgani, qayerdan kelgani ko'rindi, shuningdek yuz qiyofalarini ham farqlash mumkin. Yana bir juda muhim holat – ulardan biri telefonda gaplashayotganini ko'rdik. Huquq-tartibot idoralari xodimlari yozuvdagi aniq vaqtni ko'rsatib, uyali aloqa operatoriga murojaat etishdi va telefonni yaxshirin ravishda eshita boshladilar. Ma`lum bo'lishicha, jinoyatchilarning 2 nafar hamtovog'i ham bo'lib, AYoQSh va do'konga hujum qilishga tayyorgarlik ko'rishgan», - deya aytib o'tishgan ko'chadagi kuzatuv kameralariga egalik qiluvchi korxona vakillari.

Politsiyachilar bir oy davomida telefon suhbatlarni eshitishdi, biroq AYoQSh va boshqa do'konlarga hujumlar doimiy ravishda ortga surilib kelgan, deya aytib o'tgan politsiyadagi manba.

Yakunda guruh a`zolari o'z turar-joylarida qo'lga olindi.

Politsiya ma`lumotiga ko'ra, guruhning ikki a`zosi mahalliy fuqarolar bo'lib, avval bosqinchilik, o'g'irlik va avtomobil olib qochish uchun sudlanishgan. Ularga O'zbekiston fuqarosi rahbarlik qilgan. Barcha qo'lga olinganlarning yoshi – 30gacha. Politsiyadagi manbaning aytishicha, guruh tarkibida ikkita ma`lumot yetkazib beruvchi yosh qizlar ham bo'lgan.

Pervomaysk tuman politsiyasining xabar qilishicha, guruhning ehtimoliy rahbari AYoQShni tunashda o'z aybini tan olgan, bu holat o'tgan yilning dekabrida Oktyabrsk tumanida ro'y bergan.

Katagoriya:Jamiyat
Joylangan vaqt: March 10, 2017
Loading...
Яндекс.Метрика