Germaniya instituti “Turk dunyosi madaniyatiga xizmati uchun” mukofoti bilan o'zbek ma`naviyat targ'ibotchisini taqdirladi

Germaniyaning Myunxen shahrida joylashgan "İnstitut für die Welt der Türken" - "Turk dunyosi instituti" turkiy xalklar madaniyati, tarixi, adabiyotiga oid ilmiy tadqiqotlar olib boruvchi obro'li xalkaro ilmiy institut sanaladi. 

Ushbu institut rahbari fan doktori, professor Nejati Demirning feysbuk sahifasida xabar berishicha, 2017 yilda birinchi bo'lib Institutning "TURKISH WORLD CULTURAL SERVICE AWARD" - "TURK DUNYoSI MADANIYaTIGA XIZMATI MUKOFOTI"ga O'zbekiston Respublikasi Ma`naviyat targ'ibot Markazi "Ijtimoiy-siyosiy targ'ibot" bo'limi mudiri Said-Abdulaziz Yusupov loyiq deb topilgan.

O'zbekistonning yana bir fukarosi bunday e`tirofga sazovor bo'lishi mamlakat ilmiy-ma`naviy salohiyatining yuksakligidan dalolatdir.

Ma`lum bo'lishicha, Said-Abdulaziz Yusupov hozirgi paytda chet elda jarrohlik amaliyoti o'tkazib, davolanishda ekan.

Ma`lumot uchun, Said-Abdulaziz Yusupov 2016 yilda keng jamoatchilik orasida katta shov-shuvga sabab bo'lgan “Daryo ortidagi topshiriq” - o'zbek razvedka maktabining yorqin vakili, ikkinchi jahon urushi taqdirini hal qilishda muhim rol o'ynagan afsonaviy qahramon Bahrom Ibragimov hakidagi hujjatli film va xalkaro terrorizm mohiyatini ochib bergan “Oq va qora” teleloyihasi muallifidir.

Katagoriya:Jamiyat
Joylangan vaqt: March 10, 2017
Loading...
Яндекс.Метрика