Timati Ramzon Qodirovning shaxsiy samolyoti ichki ko'rinishi tasvirlangan suratni o'chirib tashladi

7 mart kuni rossiyalik xonanda Timati xususiy samolyotdan olingan suratni taqdim etdi: uning so'zlariga ko'ra, laynerga uni Ramzon Qodirov taklif qilgan. Biroq keyinchalik Timati hech qanday tushuntirishsiz suratni o'chirib tashladi.

Instagram’da o'chirib tashlangan surat anonsi Timatining Tvitter’dagi sahifasida qolgan. Siyosatshunos Anna Vellikok uning yozuvi skrinshotini saqlab qo'ygan.

Keyinchalik xonanda “kadrlar ortidagi barcha narsa, hayotining bir yili boshqalarning uch yillik umri bilan bir xilda” kechganini aytib o'tmoqchi ekani, biroq bunga imkoni yo'qligi haqidagi sirli yozuvni e`lon qildi.

Qodirovning Instagram’dagi sahifasida esa so'nggi kunlarda Timati haqida hech qanday izohlar qoldirilmagan. Timati Checheniston rahbarining samolyotida olingan suratdan bir necha kun avval Instagram’da @Kremlin_Russian, @Putin_Leader, @Russia_President_ va @Putin_Forever kabi nomlarda sahifa yurituvchi “rossiyalik blogerlar” bilan uchrashgan.

Timati Qodirov bilan yaqindan muloqot qiladi va buni bir necha bor alohida ta`kidlab o'tgan. 2013 yilning iyunida u Checheniston rahbarining yoniga birga nonushta qilish uchun vertolyotda borgani bilan maqtangandi – keyinchalik blogerlar vertolyot jangovar ekanini aniqlashdi. 2014 yilning noyabrida Qodirov Timatiga Chechenistonda xizmat ko'rsatgan artist unvonini berdi.

Katagoriya:Jamiyat
Joylangan vaqt: March 10, 2017
Loading...
Яндекс.Метрика