Серкахоним (ҳажвия) [Anvar Obidjon]

Серкахоним (ҳажвия) [Anvar Obidjon]
Серкахоним (ҳажвия) [Anvar Obidjon]
– Серка! Ва-эй, Серка!
Дўқи полвон шу кунлар учинчи болага бўғоз қайнисинглиси эрга текканида ундирган шойи кўйлагини душман байроғидек тутамлагинича томорқага ларзанглаб кириб келди. У гоҳ оғилхонага мўралар, гоҳ тандир томонга бўйланар, тинмай томоқ йиртиб, хотинини чорларди. Кўкракка уриб қолган жуваризор этагидан «шатир-шутур»лар эшитилгач, ўша ёққа йўл солди. Ўқариқ четидаги ўтларни ўраётган хотинини илғаб, тутоққан куйи яқинлаша бошлади.
– Вай-эй! Серка деяпман! Бир соатдан бери азон чақираман, ғинг демайсан. Даминг ичингга тиқилиб қолганми?
– Отам қўйган отим бор, тўғри чақиринг, – хотин ҳам ўз навбатида чойдишдек жиғиллади.
– Ий-яв! Мундоқ биқинимни тароқлаб, оғзимга узум ташлаб ўтирсанг экан, Эркахон деб отингни айтсам. Ўзинг чўчқафеълсан, қўлинг тизгинимда. Йўриғингга бурилмасам, еттита қўшни безовта. Серка бўлмай нимасан, ўжарвачча?
– Ўзиз-чи, ўзиз? Бижиган такадан баттарсиз!
– Ана-а, тўғри гапни энди гапирдинг. Манави кўйлакни қара, ёқаси яғир, нусхаси чағир бўлиб ётибди. Биласан, айтганман, Тиркаш ўғлини уйлантиряпти. Шуни кийиб бораманми? Ўзингни ачиганинг етар, мениям гўнгтепа қилвормагин, серкадан тарқаган.
Хотин қўлидаги ўроқни жаҳл билан уватдаги дарахтга санчди. Ерга таппа оёқ чўзиб, икки қўлида тиззаларини шапатилашга тушди:
– Бу кунимдан серка бўлганим минг марта яхшийди. Авлиёни аразлатган бу касофати уйда қайси бир ишни қилай? Мол-қўй боқайми, кир ювайми, пахта савайми, кўрпа қавийинми, ўрик қуритайми, сабзи ўтайми, токка дори сепайми...
Шу санашда санайверди, саннайверди, қирқ боғ хашак ўришга етадиган вақт ўтса-да, рўйхат тугамади. Дўқи полвон оилага уч маҳал дастурхон ёзиш, уй-ҳовлини супириш, хамир қоришу нон ёпиш, сигир соғишу кувада қаймоқ олиш, идиш-товоқ аралаш болаларниям ювиб тозалашу экин суғориш кабилардан ташқари хотинининг зиммасида пашша ва суваракларни қириш, сичқонларни заҳарлаш, жуварихўр чумчуқларни кесакбўрон қилиш, иғвогар қўшнининг тили тийилгунча олишиш, бўш шишаларни айирбошлашда лўли билан икки соат тортишиш, жўжаларни сорлардан асраш, ёрилган чойнакни чегалатиш, занжирдаги олапарни йўлдан оздираётган қанжиқ лайчага қайноқ сув сепиш, Ҳамдам солиқчидан қутулиш учун ўзини чалажонга солиб ётиш, радиони гапиртириб беролмаётган Мирғоб монтёрни кўчада тўсиб тузлаш, дарвозага ёзиб кетилган ноилмий-оммабоп сўзларни ўчириш, ҳарбийдаги ўғлига мўлжаллаб қўйган қизни мактабдан қайтаётган шилқим ўспиринлардан қўриқлаш сингари сон-саноқсиз бошқа вазифалар ҳам борлигини умрида биринчи марта бугун эшитиб билди.
– Э худо, мени бунақа қийнаб хўрлагандан кўра, эчкига айлантириб қўяқолсанг бўлмасмиди? – гарданидаги юмушларни қисман санаб чиққач, яна нолишга ўтди бека.– Шу азоблардан қутулиб, тайёр хашакни чайна-а-б ётганим яхшимасмиди? Жон тангрижоним, айланай тангрижоним, бир марта оҳимга етгин!
Эри ташқарига чиқиб кетганидан кейин ҳам хотиннинг жағи дарров тина қолмади. Деворнинг бузилган жойидаги човра ортидан «тинчликми, қоқиндиқ», дея қўшни отин кампир бўй кўрсатди. Келиннинг арз-додларини эшитиб: «Беш кунлик дунёда шукурдан нарига ўтмайлик, қизим. Юринг, сутчой пиширувдим, менга шерик бўлинг», деб ёғоч тўсинчага тияб қўйилган ғўзапоялардан бир боғини четга сурди. Дардини тўкишга бекорчи тополмай турган Эркахон чеккан ситамларини дастурхонлаб борганича қўшни ҳовлига ҳатлади.
Хотинининг дийдиёси одатдагидан эртароқ тугагани Дўқи полвонни таажжубга солди. Нечукдир юраги безовталаниб, яна томорқага ўтди. Жимжит. Кўнглига шайтон оралаб, ўпкаси томоққа югурди. Шоша-пиша бояги жойга борди, дарахтга санчилган ўроқ ўшандай санчилганича турибди. Хотини йўқ.
– Ҳў, Сер... Ҳм... Ҳў, онаси, қаёқдасан? Бу ёққа қарагин, ҳов!
Дўқи полвон беихтиёр жуваризор оралаб юра бошлади. Оғилхона тарафдаги жуварилар бежо қимирлаганидан дили сал ёришиб, ўша ёққа талпинди. Пича юрибоқ, донг қотиб тўхтади. Бурама шохли оппоққина эчки зимдан кўз сузиб, унга зоғдек тикилиб турарди.
Дўқи полвон: «Ий-яв!» – дея бир сакраб тушди. Кўзи телвакезик пилдираб, эчкининг теварагида икки-уч айланди. Эчки даставвал гоҳ тисарилиб, гоҳ шох дўлайиб, уни ҳушёр кузатди. Беозор таъқиб тугаганидан сўнг, лабининг четида осилиб қолган жувари қолдиғини хотиржам чайнашда давом этди.
– Ҳов, ўзингмисан? – ўнг-чапга аланглаб олиб, аста гап сўқди Дўқи полвон. – Э тавба... Бу... қанақаси бўлди? Ўзингни нима қипқўйдинг, хотин?!
Пешанасига кафт босиб, бойбувасидан қолган жодининг қирига ўтирди. Эчкини бошдан-оёқ синчиклаб кузатаркан, унинг тинимсиз дум ликиллатишидан афти буришди.
– Туришингни қара энди. Ҳеч йўқ иштон-пиштон кийиб...
Бирдан бўғзи димланиб, киртайган кўзлари ёшўраб кетди.
– Ҳа, тилинг қурсин-а. Бурушта ёмон ният қилардинг, иблис ўргатганини гапирардинг. Анави отинча хола қайтиб-қайтиб айтарди-я: «Тош ёғса, ўт ёғмаганига шукур қил, қарғанишдан тийилиб, покиза тилакларингни гапир», деб. Боя, бир марта оҳимга ет, тангрижоним, деб осмонга ирғишлаганингда бирон ножўя иш бўлишини юрагим сезувди... Э, бирпас кавшанмай тур!
Енгида кўзини артиб, чуқур нафас олди. Эчкининг руҳини кўтариш мақсадида ўзини тетиклантириб, амалий тадбирга кўчди:
– Хў-ў-ш... Молга терит қорадиган вақтинг ҳам бўп қолди. Етар, эчкиликни бас қилайлик. Қани, ҳушингни бир жамла-чи. Ҳа, баракалла. Энди осмонга тикил. Анқайма, ана, осмон тепада турибди. Аввал яхшилаб калима келтир. Тилдан қолганингни биламан, ичингда айтавер. Баракалла. Бу ёғига мен нима десам, шуни юракдан чиқариб, ўзингча қайтариб турасан энди. Эсингни йиғволдингми? Бошладик бўлмасам: «Э, қодир эгам, раҳмдил тангрижонгинам! Мен ўзи туғма аҳмоқман, кўпинча ўйламасдан гапирвораман. Гуноҳсиз болаларимнинг ҳурматидан бир марта айбимни кечириб...»
Ташқаридан, онасини излаётган бўталоқникидек соғинчсас овоз таралди:
– Ҳа ҳов-в! Тўйга ўчоқ қурадиган азаматимиз қайси тоғнинг панасида ётибди?
– Ва-эй, бу ёқдаман, – томорқада туриб товуш қилди Дўқи полвон, сўнг эчкига юзланди. – Оббо, Тиркаш-ку бу. Андак тоқат қиптурадиган бўлдинг-да, хотин.
– Ба! Юрмайсанми, ошна, – гижинглаб яқинлаша бошлади Тиркаш. Ортидан маҳаллада яшовчи мол дўхтири ҳам қора кўрсатди. – Дошқозонни осмасак, тўй бошланганига ким ишонади, Дўқи полвон? Қани, кетдик. Мана, шерикликка Сўлимовниям чақирволдим.
Дўқи полвон уларни нохушгина қаршилаб, қўл учида сўрашди. Тиркаш эчкига писандсиз боқиб, шунча мол-қўй турганда нега бу зоти паст махлуқни сотиб олганини суриштирди.
– Ё ис-пис чиқармоқчимисан? – тахминланди у. – Этини бир чамалайлик-чи, шўрвадан ортиб, ошга етармикин?
Ярим тутам ўт олиб, «ма, жиги-жиги», дея эчкини чақирди. Кейин шохидан тутиб, биқинини ғижимлади.
– Ҳой, нима қиляпсан? Қўйвор! – илкисдан рашки қўзиб дўранглади Дўқи полвон.
Бу орада Сўлимовнинг ҳам қўли қичиди. Бедана юриш билан бориб, эчкининг қорнини пайпаслади. Бўғоз эмаслигини башорат қилгач, «ҳали соғин шекилли», дея елинини сийпалаганини билади, Дўқи полвон: «Қўлингни торт, суюқбашара!» – деб бўкирганича Сўлимовнинг орқа ёқасидан чангаллаб, қурчоқдек тепага ирғитди. Ерга қўниб-қўнмасидан, қаншарига тортди. Эчки житранглаганича ўзини жуваризорга урган чоғда, полвони қурмағур, дўхтирнинг елкасидан эзғилаб, бўйнига яна икки мушт туширишга улгурди.
Тиркаш ҳилвароқ бўлса-да, бир маҳаллар чегарада хизмат қилгани боис, тўрт-беш соат чурқ этмасдан ўтириш-у, қўл қайиришга усталиги билан машҳур эди. Бир сакрашда Дўқи полвонга Сибир мушугидек тирмашиб, шартта билагини эшди.
– Бас қил! Жинни-пинни бўпқолдингми?
– Мен сенга нима қилдим, ҳаромзода? – бўйнини қийшайтириб сўради Сўлимов. – Маҳкамроқ ушла, Тиркаш. Бунинг қутурган. Кўзи сопол.
Тиркаш ўзиникини маъқуллади:
– Э, йў, жинни дедим-ку сизга. Ҳали кириб келаётганимдаям эчки билан гаплашиб тургандек бўлувди. Шуни бир психический кўриб қўйинг, ака.
– Куним ҳўкизларнинг фолчисига қолдими энди? – Тиркашнинг чангалидан халос бўлишга тиришиб потирлади Дўқи полвон. – Биламан, бунинг қанақа кўришини.
Дўқи полвоннинг Сўлимов ҳақида билганларини қишлоқда бошқалар ҳам яхши билишарди. Қўшмат-бутунтиқар бўкиб қолганда, қулоғидан бураб туриб, пахта ёғини хомлигича оғзидан қуйган, ичи кетишни бошласаёқ, ҳовлида тўхтатмасдан югуртиринглар, деб тайинлаган. Боливой шамоллашдан ўхчиб ётганда, иситма ўлчайдиган даражашишани қўлтиқнинг тагига эмас, молга ўхшатиб, кетига ўрнаштирмоқчи бўлган. Ҳамдам солиқчига «туғмас хотинингни сунъий қочириб кўрсакмикин», деб эшакдек калтак еган...
Эзғиланаётган елин кўз ўнгида қайталангани сайин Дўқи полвоннинг баттардан рашки ловуллаб, қайирилган қўлини бўшатишга уриниб ҳайқираётган, Сўлимов бақира-чақира янгидан-янги диагнозларни пеш қила бошлаган, Тиркаш дам бунисини бўралаб, дам унисини тинчлантириш чорасини кўраётган қийё-қий паллада жуваризор ичидан Эркахон чиқиб келди.
– Вой ўлақолай! Нима бўляпти ўзи?
Ҳозир Дўқивой хотинини ўз ҳолига қайтгани билан муборакбод этадиган кайфиятда эмас эди.
– Ҳа-а! Битта кинна билан тезда тузалибдилар-да? Ё Сўлимов яна кинна силаб қўйсинми? – дея қайишни узишга талпинаётган бўрибосардек бир Сўлимовга, бир хотинига сапчий кетди. – Иккалангниям тўшак қипқўяман! Ёриб ташлайман! Йўқол кўзимдан!
Хотин анграйган асно лип этиб ғойиб бўлди. Кейинги гаплардан янада қути ўчган Сўлимов Тиркашнинг кўзига илтижоли термилди:
– Қаттиқроқ ушла, ука. Мен ҳозир Чўян қиморвозникига кириб, мутахассисларга қўнғироқ қиламан.
– Овора бўлманг, – деди Тиркаш. – Чўян кеча Нор мискарга телефўнининг симлариниям ютқазворди.
– Ҳў, худо хайрингни бергурлар, – кутилмаганда пайлари бўшашиб, синиқроқ овозда гапирди Дўқи полвон. – Тўғрисини айт иккаланг, шунча улфатчилик қилиб, бирор марта бирортангни хотинингга ола қараган жойим борми? Ҳў, Сўлимов, хотинингиз камсамўлбошилигида далада менга қўл узатиб кўришганиди. Шундаям кафтини қитиқлаб қўйишдан ўзимни тийганман.
– Камбағалнинг диагнўзи борган сари чатоқлашяпти, қўлини қўйворма, – деб безанглади Сўлимов. – Эчкисига сал текканимга, итдек талади. Энди э йўқ, бе йўқ, гапни хотинимга буришини қара.
«Эчки» сўзи тилга олинди-ю, лаббай дегандек, жуваризордан махлуқнинг ўзи ҳам ташриф буюрақолди. Уни кўриб, Дўқи полвон қайтадан сесканиб тушди. Танаси тугалай шалвиради.
– Яна шу кепатами, хотин? – овози титраб, лаби буришди. – Эр бўлиб, бир сўксам сўкибман-да. Қиттай нарсагаям худони безовта қилаверасанми?
Сўлимов сўррайганича секин ортга чекинди. Тиркаш билакни қаттиқроқ эшди.
– Мунча пўкиллайсан иккаланг? Қўрқманглар, уруғимдан жинни чиқмаган.
Дўқи повон иккала маҳалладошини гоҳ ҳанг-манглатиб, гоҳ тиржайтириб, бўлиб ўтган ишларни гапириб бера бошлади. Охирида киприклари лик-ликлаб, кўзига тағин ёш инди.
– Ишонмайман! – нидо қилди Сўлимов. – Фанга зид бу!
– Фангаям, олимларинггаям қўйдим, – қаҳрини ютиб дўриллади Дўқи полвон. – Фан ҳақ бўлса, унда хотиним қани? Хўш, эчки қаёқдан келди? Ҳамма биладики, қишлоқда биттагина Сафо гадойда эчки бўларди, униям қишда бўрилар мушкулкушодга ишлатворишди.
Тиркаш билакни қўйиб юбориб, йиғламсираганича дўстининг елкасидан қучди:
– Узр, ошна. Эчки олибсан деб ўйлаб, жуда хунук иш қипқўйдим. Қўлим хотинингни биқинига етмасдан ириб тушса бўлмасмиди. Бизни сўйвормадинг, сенга минг раҳмат, – сўнг кўксига панжа босиб, эчкига бўйин эгди. – Узр, келин. Милён марта узр!
Сўлимов олдинига иккиланиб турди. Эчки узр-маъзурни Тиркашнинг кўзига тикилганича тинглаётганини кўриб, талмовсираган қиёфада орага суқилди. Қоши бароқланиб, устма-уст томоқ қирди:
– Энди-и... гап мундоқ, келинпошшо. Биринчида-а-н, бу ишингиз фанга мутлақо зид. Иккинчидан, бу сиёқда юриш хавфли, ҳозир ҳайвонлар ўртасида беш хил юқумли касаллик тарқаган. Учинчидан, шукур қилингки, эрингиз тупурган носининг ёнидан трактор айланиб ўтадиган паҳлавон бир йигит, донғи кетган гектарчи. Тўйга ўчоқ қуришниям, ўликка гўр ковлашниям битта шунга ишонишади. Шунча нарсани уддалаган дев бир куни рўзғорниям гуллатар. Андак сабр қилинг-да...
Човра шатирлаб, «кели-и-н, ҳу келинжон», деб чўзинганича, сурилган ғўзапоя орасидан томорқага отин кампир кириб келди.
– Келинг, отинча хола, – ўзини ўнглаб қарши олди Дўқи полвон.
– Човра очиқ қолган экан. Эчкимиз шу томонга ўтмабдими?
Уч эркак бир пайтнинг ўзида жўр бўлиб сўрашди:
– Қанақа эчки?!
– Қори тоғаларинг эрталаб бозордан опкелувди. Чол-кампирга шуни сутиям ҳарна-да.
Яқинроқ келгач, эчкини кўриб, «бу ёқдамидинг, жонивор», дея олдига солиб ҳайдашга тушди. Айни дамда «чақирдингизми, отинча хола», деб у ёқдан Эркахон ҳам пайдо бўлди.
– Човрани беркитмабсиз-да, қоқиндиқ. Эчкимизни шу ёқдан топдим.
Дўқи полвон дам эчкига, дам хотинига аланглаб, бир зум тарракланиб турди. Сўнг гурс этиб ерга ўтирди-ю, «веха... веха... вехахай, вехахай, вехахай» қилиб чапак чала-чала кулишга тутинди.
– Бошдаёқ фанга зид дегандим-а. Сен дарвинсизларга қўшилиб менам...
Сўлимов зарда билан қўл силтаб, пизиллаганича кўздан йўқолди. Тиркаш пича гарангсиб турди. Дўппини пешанага суриб, бир-икки бор оғиз чўлпиллатди-да, «ки-йинволиб етиб борарсан», дея шумшайиб ташқи томонга юрди.
– Боядан бери нималар бўляпти бу ерда? – ўзлари қолишгач, тинмай кулаётган эрига лол-ҳайрон тикилиб сўради хотин.
– Э, бу ёққа келгин, жуда катта ҳангома бўлди. Вехахай, вехахай... Эшитсанг, сениям ичагинг чалкашиб кетади. Вехахай, вехахай, вехахай...
– Шу топда ҳангома эшитишга вақтим йўқ. Кўйлагингизни чайқаётувдим, сув совимасин.
– Ва-эй, Серка! Тўхтасанг-чи! – бурилиб кетиб бораётган хотинига қичқирди Дўқи полвон. Кейин ёнгинасидаги бачки жуварини юлиб, ортидан узатган бўлди.– Тўхта деяпман сенга! Ма, жиги-жиги-жиги... Вехахай! Вехахай! Ваҳе-э-э-й...

1995
Mualifning boshqa asaralari
1 Aspan attorning arizalari (hajviya) [Anvar Obidjon] 702
2 Ayollar va xayollar (hajviya) [Anvar Obidjon] 683
3 Аспан атторнинг аризалари (ҳажвия) [Anvar Obidjon] 553
4 Аёллар ва хаёллар (ҳажвия) [Anvar Obidjon] 743
5 Babangida (hajviya) [Anvar Obidjon] 556
6 Baqalarning niyati buzuq (hajviya) [Anvar Obidjon] 710
7 Bayram intyervyusi (hajviya) [Anvar Obidjon] 540
8 Berkinib olgan sirgʻacha (hikoya) [Anvar Obidjon] 776
9 Bezgakshamol-2 (hajviy hangomalar) [Anvar Obidjon] 1277
10 Boymamat Beshinchi (hikoya) [Anvar Obidjon] 590
11 Buguncha bayram... (hajviya) [Anvar Obidjon] 553
12 Buzoq guvohlikka chaqirilsin! (hajviya) [Anvar Obidjon] 522
13 Бабангида (ҳажвия) [Anvar Obidjon] 517
14 Байрам интервюси (ҳажвия) [Anvar Obidjon] 545
15 Бақаларнинг нияти бузуқ (ҳажвия) [Anvar Obidjon] 601
16 Безгакшамол-2 (ҳажвий ҳангомалар) [Anvar Obidjon] 654
17 Беркиниб олган сирғача (ҳикоя) [Anvar Obidjon] 550
18 Боймамат Бешинчи (ҳикоя) [Anvar Obidjon] 545
19 Бугунча байрам... (ҳажвия) [Anvar Obidjon] 536
20 Бузоқ гувоҳликка чақирилсин! (ҳажвия) [Anvar Obidjon] 498
21 Dardingni stadionda ayt (hajviya) [Anvar Obidjon] 668
22 Davolanish (hajviya) [Anvar Obidjon] 508
23 Даволаниш (ҳажвия) [Anvar Obidjon] 498
24 Дардингни стадионда айт (ҳажвия) [Anvar Obidjon] 482
25 Eh, la’nati ombor… [Anvar Obidjon] 784
26 Eh, shoʻrlik erkaklar! (hajviya) [Anvar Obidjon] 621
27 Eng iste’dodli oʻlik (hajviya) [Anvar Obidjon] 554
28 Энг истеъдодли ўлик (ҳажвия) [Anvar Obidjon] 437
29 Эҳ, лаънати омбор… [Anvar Obidjon] 649
30 Эҳ, шўрлик эркаклар! (ҳажвия) [Anvar Obidjon] 530
31 Gulixonning gulzorchasi (hikoya) [Anvar Obidjon] 509
32 Гулихоннинг гулзорчаси (ҳикоя) [Anvar Obidjon] 469
33 Hakka xolaning igʻvolari (hikoya) [Anvar Obidjon] 576
34 Halokatdan asrovchilar (hajviya) [Anvar Obidjon] 504
35 Hemma Malina (hajviya) [Anvar Obidjon] 504
36 Ҳакка холанинг иғволари (ҳикоя) [Anvar Obidjon] 587
37 Ҳалокатдан асровчилар (ҳажвия) [Anvar Obidjon] 479
38 Ҳемма Малина (ҳажвия) [Anvar Obidjon] 514
39 Impoʻrtbop yigit (hajviya) [Anvar Obidjon] 559
40 Импўртбоп йигит (ҳажвия) [Anvar Obidjon] 461
41 Jaqqi (hikoya) [Anvar Obidjon] 795
42 Жаққи (ҳикоя) [Anvar Obidjon] 504
43 Kambagʻalbop Gulmatiy (hajviya) [Anvar Obidjon] 965
44 Kasofati temirtak (hajviya) [Anvar Obidjon] 459
45 Keksa yamoqchi (hikoya) [Anvar Obidjon] 511
46 Kemaga tushganning joni bir (hajviya) [Anvar Obidjon] 627
47 Kezargon Boychechak (qissa) [Anvar Obidjon] 770
48 Камбағалбоп Гулматий (ҳажвия) [Anvar Obidjon] 432
49 Кезаргон Бойчечак (қисса) [Anvar Obidjon] 494
50 Кекса ямоқчи (ҳикоя) [Anvar Obidjon] 503
51 Кемага тушганнинг жони бир (ҳажвия) [Anvar Obidjon] 706
52 Madaniy zoʻravonlik (hajviya) [Anvar Obidjon] 700
53 Maqolasiz sarlavha (hajviya) [Anvar Obidjon] 585
54 Maqtanchoq (hikoya) [Anvar Obidjon] 1009
55 Marayim gʻijjak (hajviya) [Anvar Obidjon] 599
56 Menga til oʻrgatmoqchi boʻlishgani (h... [Anvar Obidjon] 701
57 Meshpolvonning janglari [Anvar Obidjon] 3577
58 Ming soʻmlik poʻstak (hajviya) [Anvar Obidjon] 587
59 Mirzaqand naynovning hasratlari (hajviya) [Anvar Obidjon] 498
60 Mishmishali (hajviya) [Anvar Obidjon] 513
61 Маданий зўравонлик (ҳажвия) [Anvar Obidjon] 442
62 Марайим ғижжак (ҳажвия) [Anvar Obidjon] 425
63 Мақоласиз сарлавҳа (ҳажвия) [Anvar Obidjon] 452
64 Мақтанчоқ (ҳикоя) [Anvar Obidjon] 538
65 Менга тил ўргатмоқчи бўлишгани (ҳажвия) [Anvar Obidjon] 460
66 Мешполвоннинг жанглари [Anvar Obidjon] 640
67 Минг сўмлик пўстак (ҳажвия) [Anvar Obidjon] 452
68 Мирзақанд найновнинг ҳасратлари (ҳажвия) [Anvar Obidjon] 428
69 Мишмишали (ҳажвия) [Anvar Obidjon] 463
70 Nishon buqoq va ritmik gimnastika (ha... [Anvar Obidjon] 664
71 Nokdaun (hajviya) [Anvar Obidjon] 469
72 Нишон буқоқ ва ритмик гимнастика (ҳажвия) [Anvar Obidjon] 542
73 Нокдаун (ҳажвия) [Anvar Obidjon] 497
74 O...o...jon (hikoya) [Anvar Obidjon] 485
75 Odobli boʻlish osonmi? (hikoya) [Anvar Obidjon] 0
76 Ola-bula sharf (hajviya) [Anvar Obidjon] 474
77 Olovjon (hikoya) [Anvar Obidjon] 423
78 Oltiariq hangomalaridan [Anvar Obidjon] 1932
79 Oltin vasvasasi (hajviya) [Anvar Obidjon] 569
80 Oltin yurakli avtobola (qissa va hiko... [Anvar Obidjon] 3796
81 Ortigʻalining oʻzginasi (hajviya) [Anvar Obidjon] 554
82 Oshqovoqsiz satira (hajviya) [Anvar Obidjon] 576
83 Oxirgi sedanatut qissasi (hajviya) [Anvar Obidjon] 531
84 О...о...жон (ҳикоя) [Anvar Obidjon] 474
85 Одобли бўлиш осонми? (ҳикоя) [Anvar Obidjon] 0
86 Ола-була шарф (ҳажвия) [Anvar Obidjon] 481
87 Олий табақали меҳмонлар (ҳажвия) [Anvar Obidjon] 482
88 Оловжон (ҳикоя) [Anvar Obidjon] 466
89 Олтиариқ ҳангомаларидан [Anvar Obidjon] 495
90 Олтин васвасаси (ҳажвия) [Anvar Obidjon] 459
91 Олтин юракли автобола (қисса ва ҳикоялар) [Anvar Obidjon] 651
92 Ортиғалининг ўзгинаси (ҳажвия) [Anvar Obidjon] 462
93 Охирги седанатут қиссаси (ҳажвия) [Anvar Obidjon] 413
94 Ошқовоқсиз сатира (ҳажвия) [Anvar Obidjon] 459
95 Pidboʻl (hajviya) [Anvar Obidjon] 492
96 Poygakdagilar (hajviya) [Anvar Obidjon] 499
97 Poʻpisaning ogʻirligi qancha? (hajviya) [Anvar Obidjon] 0
98 Пидбўл (ҳажвия) [Anvar Obidjon] 509
99 Пойгакдагилар (ҳажвия) [Anvar Obidjon] 468
100 Пўписанинг оғирлиги қанча? (ҳажвия) [Anvar Obidjon] 0
101 Qadrdon yigʻilar (hikoya) [Anvar Obidjon] 551
102 Qiygʻirakning shamoli (hajviya) [Anvar Obidjon] 521
103 Qora bodring (hajviya) [Anvar Obidjon] 513
104 Qorinbotir (doston) [Anvar Obidjon] 880
105 Qoʻgʻirchoqlar (hikoya) [Anvar Obidjon] 754
106 Qoʻlaqabli bogʻkursi (hajviya) [Anvar Obidjon] 637
107 Quvish (hajviya) [Anvar Obidjon] 509
108 Қадрдон йиғилар (ҳикоя) [Anvar Obidjon] 450
109 Қийғиракнинг шамоли (ҳажвия) [Anvar Obidjon] 570
110 Қора бодринг (ҳажвия) [Anvar Obidjon] 463
111 Қоринботир (достон) [Anvar Obidjon] 471
112 Қувиш (ҳажвия) [Anvar Obidjon] 504
113 Қўлақабли боғкурси (ҳажвия) [Anvar Obidjon] 421
114 Қўғирчоқлар (ҳикоя) [Anvar Obidjon] 492
115 Restoranda tanishganlar (hajviya) [Anvar Obidjon] 623
116 Ресторанда танишганлар (ҳажвия) [Anvar Obidjon] 487
117 Serkaxonim (hajviya) [Anvar Obidjon] 515
118 Sotti satang hayotidan (hajviya) [Anvar Obidjon] 499
119 Sovigan koʻngil (hajviya) [Anvar Obidjon] 615
120 Soʻlim xiyobonda (hajviya) [Anvar Obidjon] 568
121 Sudxoʻrning ziyofati (hajviya) [Anvar Obidjon] 558
122 Совиган кўнгил (ҳажвия) [Anvar Obidjon] 481
123 Сотти сатанг ҳаётидан (ҳажвия) [Anvar Obidjon] 522
124 Судхўрнинг зиёфати (ҳажвия) [Anvar Obidjon] 415
125 Сўлим хиёбонда (ҳажвия) [Anvar Obidjon] 457
126 Talablarga binoan (hajviya) [Anvar Obidjon] 483
127 Tip-tiniq vujud (hikoya) [Anvar Obidjon] 439
128 Tomoqqa taqaladigan gap (hajviya) [Anvar Obidjon] 573
129 Toʻgʻon Takayevning qoshiqbozi (hajviya) [Anvar Obidjon] 560
130 Toʻnni teskari kiyish (hajviya) [Anvar Obidjon] 720
131 Toʻporicha gap-gashtaklar (hajviya) [Anvar Obidjon] 567
132 Tushuntirish xati (hajviya) [Anvar Obidjon] 1003
133 Tutunfurush (hajviya) [Anvar Obidjon] 588
134 Талабларга биноан (ҳажвия) [Anvar Obidjon] 431
135 Тип-тиниқ вужуд (ҳикоя) [Anvar Obidjon] 475
136 Томоққа тақаладиган гап (ҳажвия) [Anvar Obidjon] 439
137 Тутунфуруш (ҳажвия) [Anvar Obidjon] 427
138 Тушунтириш хати (ҳажвия) [Anvar Obidjon] 820
139 Тўнни тескари кийиш (ҳажвия) [Anvar Obidjon] 467
140 Тўпорича гап-гаштаклар (ҳажвия) [Anvar Obidjon] 472
141 Тўғон Такаевнинг қошиқбози (ҳажвия) [Anvar Obidjon] 464
142 Uch ogʻa-ini (hikoya) [Anvar Obidjon] 667
143 Uyquda nimalar boʻlmaydi! (hikoya) [Anvar Obidjon] 745
144 Уйқуда нималар бўлмайди! (ҳикоя) [Anvar Obidjon] 439
145 Уста Гулматнинг жумбоғи (ҳажвия) [Anvar Obidjon] 438
146 Уч оға-ини (ҳикоя) [Anvar Obidjon] 502
147 Val… valay… (hajviya) [Anvar Obidjon] 690
148 Вал… валай… (ҳажвия) [Anvar Obidjon] 654
149 XX asr talonchiligi (hajviya) [Anvar Obidjon] 530
150 XX аср талончилиги (ҳажвия) [Anvar Obidjon] 452
151 Xizmatchilik-da, xizmatchilik (hajviya) [Anvar Obidjon] 527
152 Xorij radiosi va... kalish (hajviya) [Anvar Obidjon] 574
153 Xususiy koʻprikcha (hajviya) [Anvar Obidjon] 505
154 Хизматчилик-да, хизматчилик (ҳажвия) [Anvar Obidjon] 488
155 Хориж радиоси ва... калиш (ҳажвия) [Anvar Obidjon] 483
156 Хусусий кўприкча (ҳажвия) [Anvar Obidjon] 482
157 Yerliklar (hajviya) [Anvar Obidjon] 538
158 Ерликлар (ҳажвия) [Anvar Obidjon] 499
159 Ziyodbotirdan boshqasi topiladi (hajviya) [Anvar Obidjon] 544
160 Ziyolicha olishuv (hajviya) [Anvar Obidjon] 552
161 Зиёдботирдан бошқаси топилади (ҳажвия) [Anvar Obidjon] 435
162 Зиёлича олишув (ҳажвия) [Anvar Obidjon] 449
163 Oʻshaning erimikan? (hajviya) [Anvar Obidjon] 0
164 Ўшанинг эримикан? (ҳажвия) [Anvar Obidjon] 0
165 Gʻilay sichqon (hajviya) [Anvar Obidjon] 608
166 Ғилай сичқон (ҳажвия) [Anvar Obidjon] 430
167 Shiliqabiliq (hajviya) [Anvar Obidjon] 477
168 Shomurod hasibfurushning futbolga bor... [Anvar Obidjon] 442
169 Shubha (hajviya) [Anvar Obidjon] 514
170 Shumqadam (hajviya) [Anvar Obidjon] 491
171 Шилиқабилиқ (ҳажвия) [Anvar Obidjon] 455
172 Шомурод ҳасибфурушнинг футболга борга... [Anvar Obidjon] 422
173 Шубҳа (ҳажвия) [Anvar Obidjon] 488
174 Шумқадам (ҳажвия) [Anvar Obidjon] 412
175 Chakalakzor afsonasi (hajviya) [Anvar Obidjon] 607
176 Чакалакзор афсонаси (ҳажвия) [Anvar Obidjon] 639
Tavsiya qilamiz
Яндекс.Метрика