Gʻilay sichqon (hajviya) [Anvar Obidjon]

Gʻilay sichqon (hajviya) [Anvar Obidjon]
Gʻilay sichqon (hajviya) [Anvar Obidjon]
«Xoʻsh, sizni nima bezovta qilyapti?» – degan odatiy savolga bemor: «Sichqon!» – deya gʻayritabiiy javob qaytargach, Habib tabibning hayratdan kipriklari kerilib, qulogʻiga shapalogʻini tutdi:
– A, labbay?!
– Xoʻjayinimni sichqon tinch qoʻymayapti, sichqon! – tinkasi qurib, tili gapirishga ham qovushmayotgan erining oʻrniga munglanib soʻz qotdi Chambarakxon. – Ana, qarang, chuchkurganda derazalarni zirqiratvoradigan odam jarangliroq yoʻtalishgayam yaramay qoldi.
Dahlizdagi taxta karavotda soʻligan palakday shalpayib yotgan Vosvosxoʻja xotiniga oʻqrayib koʻz tashladi.
Yalmogʻiz! Aslida, bariga shu aybdor! Uyimiz sichqonbozorga aylanib ketdi deb javrayverdi, javrayverdi, oxiri taxtamushuk topishga toʻgʻri keldi. Taxtamushukka dastlabki kuniyoq qorindor bir sichqon ilindi…
Ha, ilinmay oʻlgur-a! Oʻshandan beri Vovosxoʻjada orom yoʻq. Sal mudradi deguncha, allaqanday gʻilay sichqon uning ustiga bostirib kelib: «Homilali xotinimni nima qipqoʻyding, chuvak?» – deya koʻzini yondirib gʻijinadi. Har gʻijinganida, tishlarining orasidan «chars-churs» etib uchqun sachraydi.
– Keyin qoʻlidagi pichoqning tugmasini bosib, «shiq» etkizib ochadi, kallamni orqaga qayiradi, – doʻxtirga sarosima-la boqib arzlandi Vosvosxoʻja. – Jallodlik manavinaqa boʻladi, it, deb boʻynimga pichoq tortganida, dodlab uygʻonib ketaman. Boshqatdan koʻzim ilinsa, yana oʻsha gʻilay sichqon, yana oʻsha «shiq» etib ochiladigan pichoq…
Vosvosxoʻja arazchi boladek yigʻlamsirab, lab burishtirdi. Bu ahvolni koʻrib, Habib tabibning beixtiyor kulgisi qistadi:
– Xex-xex– xe… Vahimaning uyasi boʻpketing-e!
– Tanasi boshqa dard bilmas deganlari shu-da, – jahllandi Vosvosxoʻja. – Men nima gʻamda yotibman-u…
– Boʻpti, boʻpti, – unga tasalli bergan boʻldi Habib tabib. – Shunchalik yurak oldirganakansiz, harqalay, oʻsha gʻilayni murosaga chaqirib koʻrish kerakmidi-i…
Vosvosxoʻja: «Kelishishga urinib koʻrdim», deya gap boshladi-yu, tuyqus toʻxtalib, xotiniga yuzlandi: «Bor, chiqib tur!»
– Men bor-yoʻgʻi taxtamushuk opkeldim xolos, dedim unga, – xotini chiqib ketgach, soʻzida davom etdi Vosvosxoʻja. – Taxtamushuk opkeling deb tiqilinch qilganam, xoʻrakli taxtamushukni tuyasandiqning tagiga qoʻyganam xotinim, ana shu karilloq bilan hisob-kitob qilaver-da, akasi, dedim.
– Sichqon nima dedi, sichqon?
Vosvosxoʻja bu gal yigʻlab yubordi:
– Yix-yix-yix… Ha nomard, dedi, aybingni kelib-kelib xotin kishiga agʻdarasanmi, dedi. Oldin soʻymasamam, mana endi soʻyaman deb, yana kekirdagimga yopishdi. Boʻynimga pichoqni teskari ishqalab, ataylabdan qiynadi. Haromzoda! Yix-yix-yix.
– Oʻzingizni bosing, Vosvosxoʻja, oʻzingizni bosing,– bemorning yelkasini siypaladi Habib tabib. – Yigirma besh yildan buyon qishloq doʻxtiriman, lekin bunaqa chalkash kasallikka birinchi duch kelishim. Hozircha tinchlantiruvchi ukoldan berib turaylik-chi. U yogʻini keyin koʻrarmiz…
Tinchlantiruvchi ukoli zap moʻ'jiza ekan-da! Mana, ikki kundirki, Vosvosxoʻjaning joni halovatda. Hamma odamga oʻxshab, ish qilgisi kelganda ish qiladi, dam olgisi kel-ganda, xohlasa choyxonaga chiqib, xohlasa hozirgidek hovlidagi soʻriga yonboshlab, hordiq chiqaradi.
Koʻchadan kimdir chaqirdi-yu, Vosvosxoʻja bolishdan biqin uzib, ovoz qildi:
– Hoʻv! Kiravering!
Hovliga Habib tabib kirib keldi. Garangsiragan qiyofada salomlashganicha soʻriga chiqdi. Horgʻinlik bilan oʻtirib, yuziga chala-chulpa fotiha tortdi.
– Ming rahmat sizga, Habib tabib, – dasturxondagi kulchani sindirayotib, minnatdorchilik bildirdi Vosvosxoʻja. – Oʻsha bitta ukolingiz bilanoq battol gʻilay tushimdan gʻoyib boʻldi-qoldi.
Habib tabib Vosvosxoʻjaga zimdan xoʻmrayib: «Qayoqqa gʻoyib boʻldiyki-i-n, deb oʻylab koʻrmadilarmi», deya pichinglagach, sobiq bemor: «U yogʻi bilan ishim nima? Balki yerga kirgandir, balki osmonga uchgandir», deb parvosiz iljaydi.
– Afsuski, yergayam kirgani yoʻq, osmongayam uchgani yoʻq, – hoʻngrak otishga chogʻlangan turxatda mingʻirladi Habib tabib. – Oʻsha gʻilay sichqon endi mening kallamga koʻchib oʻtib, ikki kundan beri miyamni gʻajiyapti. Andakkina mizgʻisam, tamom, xomilali xotinimni oʻldirgan yirtqichni doʻpposlash oʻrniga, davolab yuribsanmi, deb koʻzimga barmoq niqtaydi. Keyin meni yalangʻoch qilib, karavotga boylaydi-yu, pintsetda «gʻir-r» etkizib qornimni yorvoradi. Narkozsiz-a!
Choy damlab kelib, uni soʻrining suyanchigʻi osha eriga uzatayotgan Chambarakxon bu gapdan seskanib ketdi:
– Voy oʻlmasam!
Vosvosxoʻja Habib tabibga darddoshlik bilan tikildi:
– Obbo-o, sizgayam qiyin boʻpti-ku, Habib tabib. Koʻmak beray desam, qoʻlimdan kelmasa…
– Qoʻlingizdan keladi, Vosvosxoʻja, qoʻlingizdan keladi, – negadir yeng shimarib turib soʻz qotdi Habib tabib. – Ozgina chidab bersangiz boʻldi.
– Nimaga chidab berishim kerak?
– Kaltakka. Aytdim-ku, gʻilay sichqon nuqul sizni doʻpposlashimni talab qilyapti. To talabini bajarmagunimcha, tinchimni topolmasligim aniq. Qani, soʻridan tushaylik.
Habib tabib, koʻzlari quturgan buqanikidek qontalash boʻlib, joyidan qoʻzgʻaldi. Vosvosxoʻjaga davaralanganicha, uni soʻridan quvib tusha boshladi. Chambarakxon avvaliga hay-haylab ularni ajratishga urindi. Bu ish qoʻlidan kelmasligini anglagach, pizillab koʻchaga chiqib ketdi-yu, zum oʻtmay, qoʻshnisi Jabbor melisani ortidan ergashtirib qaytdi.
Jabbor melisa soʻri atrofida quvdi-quvdi boʻlib turganlarni tezda tartibga keltirib, mashmashaning sababini surishtirdi. Sababini eshitib, qorin quchib kula ketdi…
Keyingi uch kun davomida kulgining nimaligini tugalay unuta boshlagan Jabbor melisa hovlisidan chiqib kelib, koʻcha supurib turgan Chambarakxonni koʻrdi. Uyqusizlikdan shilpiqlangan koʻzlarini roʻmolchada artayotib, Chambarakxondan eri uyda bor-yoʻqligini surishtirayotganida, Vosvosxoʻjaning oʻzi qoʻlida xarajat bilan bozordan kelib qoldi. Vosvosxoʻja qoʻshni bilan koʻrishayotib, uning buzuq turqiga hadiksirab koʻz yugurtdi:
– Ha, Jabborvoy, tinchlikmi?
– Uncha tinchlikmas, – sarxush odamdek qovoqlarini ogʻir ochib-yumdi Jabbor melisa. – Sizni qamoqqa olmasak boʻlmaydi shekilli.
Vosvosxoʻja turgan joyida tarashaga aylanib, tili kalimaga kelmay qoldi. Chambarakxon esa supurgini yerga otib, erini oʻdagʻaylay ketdi:
– Sizga aytuvdim-a, dadasi, Gʻulom qallobning kalishlarini sotishga aralashmang deb. Bilardingiz, chetdan oʻgʻrincha mol opkelib, ilgariyam qoʻlga tushganidi.
Vosvosxoʻja: «Ogʻzingni yop!» – deb xotinining unini oʻchirgach, Jabbor melisaga talvasalanib yuzlandi:
– Buning gapiga parvo qilmang, har payshanbada miyasi chalgʻib turadi. Men hech qanaqa kalishni koʻrganim yoʻq! Gʻulom degan zotniyam tanimayman! Buni hech kim boʻynimga qoʻyolmaydi!
Bu gapdan Jabbor melisaning zardasi qaynadi:
– E, qanaqa odamsiz? Qayoqdagi kalish bilan Gʻulomni oraga suqib nima qilasiz? Sizni boshqa masalada qamashga toʻgʻri kelyapti.
Vosvosxoʻjaning yuziga qon yugurib, keskin oʻzini oʻngladi va: «Agar bu ishga kalishniyam, Gʻulomniyam aloqasi boʻlmasa, unda nima gunohimiz borakan, uka?» – deya gerdayib qosh suzdi.
Shu savol yangradi-yu, masala yana kemiruvchi maxluqqa borib taqaldi. Jabbor melisaning aytishicha, oʻsha gʻilay sichqon endi uning tushiga kirib, boʻgʻoz xotinimning qotilini nimaga qamoqqa olmayapsan, deb zugʻum qila boshlabdi. Jinday uyqu elitsayoq, «gʻilay ekstremist» uning boʻyniga tosh boylarmish-da, «Kelishuvchanlikning jazosi mana shu!» – deya daryoga itarib yuborarmish.
– Kecha majlisdayam pinakka ketib, toʻsatdan baqirib yuboribman, – kiprigida yosh yiltirab saslandi Jabbor melisa. – Boshligʻimiz meni ishdan haydavorishiga oz qoldi. Gap shu, Vosvos aka, sizni loaqal biror kun qamab qoʻymasam, gʻilaydan qutulishim qiyin. Qoʻrqmang, hibsxonaga yumshoq divan qoʻydirib beraman.
Chambarakxon biqiniga qoʻl tirab, Jabbor melisaga dagʻdagʻa qildi:
– Hoʻ, inim! Ogʻzingizga qarab gapiring! Xoʻsh, sichqon oʻldirganni qamash qaysi qonunda borakan?
Janjal endigina avjlanib borayotgan chogʻda, Vosvosxoʻjaning devor qoʻshnisi Farmonqul oqsoqol koʻchaga chiqib kelib, oʻzini oʻrtaga koʻndalang qildi. U tomon ham, bu tomon ham fikrini ma’qullatishga uringani sayin, oqsoqolning ogʻzi tobora tirjaya bordi. Oxiri oʻzini qahqahadan bazoʻr tiyib, dashnom berishga oʻtdi:
– Bas qilinglar! Birov eshitsa, hammangni jinniga chiqaradi-ya! Yo tavba! Mahalla oqsoqoliga, kelib-kelib, qandaydir gʻilay sichqondan arz qilasanlarmi?
– Sichqonni pisandsiz tilga olganingiz chakki boʻldi,– Farmonqul oqsoqolga achinib boqdi Jabbor melisa. – Joningizga jabr qipqoʻydingiz-da, otaxon…
Jabbor melisaning xavotiri oʻrinli ekanligi ertasi kuni ertalabdayoq oʻz isbotini topdi. Artizonda yuzini yuvib turgan Vosvosxoʻja qoʻshni devor ortidan yangragan na’rani eshitib, bir choʻchib tushdi.
– Vosvosxoʻja-a!!!
Vosvosxoʻja oʻzini daraxtning panasiga olib ulgurmasidan, devor ustida Farmonqul oqsoqolning boshi balqidi. Boshdagi koʻz tevarakka ola-kula jalanglab, ogʻzidan hayqiriq tosha boshladi:
– Vosvosxoʻja deyapman! Qayoqdasan, hey? Jimgina tirikchilik qilib yurgan sichqonga tegib nima qilarding, qiztaloqvachcha?!
Vosvosxoʻja daraxtning panasida shumshayib turarkan, hoʻl yuziga sekingina sochiq bosayotib, oʻzicha gʻudrandi:
– Doim shunaqa! Biron-bir balo-qazoning daragini aytsang, seni vahimachiga chiqarib, mazaxlashadi. Oʻzlarining boshiga tushsa, shunaqangi dodlashadiki, shunaqangi dodlashadiki!.. Ha odamlar-a, odamlar…

2003
Mualifning boshqa asaralari
1 Aspan attorning arizalari (hajviya) [Anvar Obidjon] 708
2 Ayollar va xayollar (hajviya) [Anvar Obidjon] 687
3 Аспан атторнинг аризалари (ҳажвия) [Anvar Obidjon] 555
4 Аёллар ва хаёллар (ҳажвия) [Anvar Obidjon] 747
5 Babangida (hajviya) [Anvar Obidjon] 560
6 Baqalarning niyati buzuq (hajviya) [Anvar Obidjon] 714
7 Bayram intyervyusi (hajviya) [Anvar Obidjon] 544
8 Berkinib olgan sirgʻacha (hikoya) [Anvar Obidjon] 778
9 Bezgakshamol-2 (hajviy hangomalar) [Anvar Obidjon] 1294
10 Boymamat Beshinchi (hikoya) [Anvar Obidjon] 598
11 Buguncha bayram... (hajviya) [Anvar Obidjon] 556
12 Buzoq guvohlikka chaqirilsin! (hajviya) [Anvar Obidjon] 527
13 Бабангида (ҳажвия) [Anvar Obidjon] 520
14 Байрам интервюси (ҳажвия) [Anvar Obidjon] 551
15 Бақаларнинг нияти бузуқ (ҳажвия) [Anvar Obidjon] 608
16 Безгакшамол-2 (ҳажвий ҳангомалар) [Anvar Obidjon] 657
17 Беркиниб олган сирғача (ҳикоя) [Anvar Obidjon] 560
18 Боймамат Бешинчи (ҳикоя) [Anvar Obidjon] 548
19 Бугунча байрам... (ҳажвия) [Anvar Obidjon] 539
20 Бузоқ гувоҳликка чақирилсин! (ҳажвия) [Anvar Obidjon] 502
21 Dardingni stadionda ayt (hajviya) [Anvar Obidjon] 678
22 Davolanish (hajviya) [Anvar Obidjon] 512
23 Даволаниш (ҳажвия) [Anvar Obidjon] 502
24 Дардингни стадионда айт (ҳажвия) [Anvar Obidjon] 485
25 Eh, la’nati ombor… [Anvar Obidjon] 798
26 Eh, shoʻrlik erkaklar! (hajviya) [Anvar Obidjon] 638
27 Eng iste’dodli oʻlik (hajviya) [Anvar Obidjon] 557
28 Энг истеъдодли ўлик (ҳажвия) [Anvar Obidjon] 441
29 Эҳ, лаънати омбор… [Anvar Obidjon] 653
30 Эҳ, шўрлик эркаклар! (ҳажвия) [Anvar Obidjon] 534
31 Gulixonning gulzorchasi (hikoya) [Anvar Obidjon] 513
32 Гулихоннинг гулзорчаси (ҳикоя) [Anvar Obidjon] 471
33 Hakka xolaning igʻvolari (hikoya) [Anvar Obidjon] 581
34 Halokatdan asrovchilar (hajviya) [Anvar Obidjon] 507
35 Hemma Malina (hajviya) [Anvar Obidjon] 510
36 Ҳакка холанинг иғволари (ҳикоя) [Anvar Obidjon] 591
37 Ҳалокатдан асровчилар (ҳажвия) [Anvar Obidjon] 481
38 Ҳемма Малина (ҳажвия) [Anvar Obidjon] 519
39 Impoʻrtbop yigit (hajviya) [Anvar Obidjon] 576
40 Импўртбоп йигит (ҳажвия) [Anvar Obidjon] 464
41 Jaqqi (hikoya) [Anvar Obidjon] 806
42 Жаққи (ҳикоя) [Anvar Obidjon] 512
43 Kambagʻalbop Gulmatiy (hajviya) [Anvar Obidjon] 973
44 Kasofati temirtak (hajviya) [Anvar Obidjon] 463
45 Keksa yamoqchi (hikoya) [Anvar Obidjon] 519
46 Kemaga tushganning joni bir (hajviya) [Anvar Obidjon] 629
47 Kezargon Boychechak (qissa) [Anvar Obidjon] 782
48 Камбағалбоп Гулматий (ҳажвия) [Anvar Obidjon] 435
49 Кезаргон Бойчечак (қисса) [Anvar Obidjon] 497
50 Кекса ямоқчи (ҳикоя) [Anvar Obidjon] 510
51 Кемага тушганнинг жони бир (ҳажвия) [Anvar Obidjon] 708
52 Madaniy zoʻravonlik (hajviya) [Anvar Obidjon] 718
53 Maqolasiz sarlavha (hajviya) [Anvar Obidjon] 589
54 Maqtanchoq (hikoya) [Anvar Obidjon] 1014
55 Marayim gʻijjak (hajviya) [Anvar Obidjon] 605
56 Menga til oʻrgatmoqchi boʻlishgani (h... [Anvar Obidjon] 705
57 Meshpolvonning janglari [Anvar Obidjon] 3651
58 Ming soʻmlik poʻstak (hajviya) [Anvar Obidjon] 590
59 Mirzaqand naynovning hasratlari (hajviya) [Anvar Obidjon] 501
60 Mishmishali (hajviya) [Anvar Obidjon] 516
61 Маданий зўравонлик (ҳажвия) [Anvar Obidjon] 445
62 Марайим ғижжак (ҳажвия) [Anvar Obidjon] 429
63 Мақоласиз сарлавҳа (ҳажвия) [Anvar Obidjon] 454
64 Мақтанчоқ (ҳикоя) [Anvar Obidjon] 544
65 Менга тил ўргатмоқчи бўлишгани (ҳажвия) [Anvar Obidjon] 464
66 Мешполвоннинг жанглари [Anvar Obidjon] 646
67 Минг сўмлик пўстак (ҳажвия) [Anvar Obidjon] 456
68 Мирзақанд найновнинг ҳасратлари (ҳажвия) [Anvar Obidjon] 430
69 Мишмишали (ҳажвия) [Anvar Obidjon] 465
70 Nishon buqoq va ritmik gimnastika (ha... [Anvar Obidjon] 670
71 Nokdaun (hajviya) [Anvar Obidjon] 472
72 Нишон буқоқ ва ритмик гимнастика (ҳажвия) [Anvar Obidjon] 544
73 Нокдаун (ҳажвия) [Anvar Obidjon] 501
74 O...o...jon (hikoya) [Anvar Obidjon] 488
75 Odobli boʻlish osonmi? (hikoya) [Anvar Obidjon] 0
76 Ola-bula sharf (hajviya) [Anvar Obidjon] 478
77 Olovjon (hikoya) [Anvar Obidjon] 426
78 Oltiariq hangomalaridan [Anvar Obidjon] 1938
79 Oltin vasvasasi (hajviya) [Anvar Obidjon] 572
80 Oltin yurakli avtobola (qissa va hiko... [Anvar Obidjon] 4113
81 Ortigʻalining oʻzginasi (hajviya) [Anvar Obidjon] 557
82 Oshqovoqsiz satira (hajviya) [Anvar Obidjon] 581
83 Oxirgi sedanatut qissasi (hajviya) [Anvar Obidjon] 535
84 О...о...жон (ҳикоя) [Anvar Obidjon] 477
85 Одобли бўлиш осонми? (ҳикоя) [Anvar Obidjon] 0
86 Ола-була шарф (ҳажвия) [Anvar Obidjon] 484
87 Олий табақали меҳмонлар (ҳажвия) [Anvar Obidjon] 488
88 Оловжон (ҳикоя) [Anvar Obidjon] 468
89 Олтиариқ ҳангомаларидан [Anvar Obidjon] 502
90 Олтин васвасаси (ҳажвия) [Anvar Obidjon] 462
91 Олтин юракли автобола (қисса ва ҳикоялар) [Anvar Obidjon] 656
92 Ортиғалининг ўзгинаси (ҳажвия) [Anvar Obidjon] 470
93 Охирги седанатут қиссаси (ҳажвия) [Anvar Obidjon] 417
94 Ошқовоқсиз сатира (ҳажвия) [Anvar Obidjon] 461
95 Pidboʻl (hajviya) [Anvar Obidjon] 498
96 Poygakdagilar (hajviya) [Anvar Obidjon] 503
97 Poʻpisaning ogʻirligi qancha? (hajviya) [Anvar Obidjon] 0
98 Пидбўл (ҳажвия) [Anvar Obidjon] 511
99 Пойгакдагилар (ҳажвия) [Anvar Obidjon] 472
100 Пўписанинг оғирлиги қанча? (ҳажвия) [Anvar Obidjon] 0
101 Qadrdon yigʻilar (hikoya) [Anvar Obidjon] 557
102 Qiygʻirakning shamoli (hajviya) [Anvar Obidjon] 527
103 Qora bodring (hajviya) [Anvar Obidjon] 516
104 Qorinbotir (doston) [Anvar Obidjon] 890
105 Qoʻgʻirchoqlar (hikoya) [Anvar Obidjon] 761
106 Qoʻlaqabli bogʻkursi (hajviya) [Anvar Obidjon] 642
107 Quvish (hajviya) [Anvar Obidjon] 512
108 Қадрдон йиғилар (ҳикоя) [Anvar Obidjon] 452
109 Қийғиракнинг шамоли (ҳажвия) [Anvar Obidjon] 595
110 Қора бодринг (ҳажвия) [Anvar Obidjon] 466
111 Қоринботир (достон) [Anvar Obidjon] 474
112 Қувиш (ҳажвия) [Anvar Obidjon] 509
113 Қўлақабли боғкурси (ҳажвия) [Anvar Obidjon] 425
114 Қўғирчоқлар (ҳикоя) [Anvar Obidjon] 495
115 Restoranda tanishganlar (hajviya) [Anvar Obidjon] 627
116 Ресторанда танишганлар (ҳажвия) [Anvar Obidjon] 493
117 Serkaxonim (hajviya) [Anvar Obidjon] 521
118 Sotti satang hayotidan (hajviya) [Anvar Obidjon] 503
119 Sovigan koʻngil (hajviya) [Anvar Obidjon] 619
120 Soʻlim xiyobonda (hajviya) [Anvar Obidjon] 570
121 Sudxoʻrning ziyofati (hajviya) [Anvar Obidjon] 566
122 Серкахоним (ҳажвия) [Anvar Obidjon] 512
123 Совиган кўнгил (ҳажвия) [Anvar Obidjon] 486
124 Сотти сатанг ҳаётидан (ҳажвия) [Anvar Obidjon] 524
125 Судхўрнинг зиёфати (ҳажвия) [Anvar Obidjon] 417
126 Сўлим хиёбонда (ҳажвия) [Anvar Obidjon] 460
127 Talablarga binoan (hajviya) [Anvar Obidjon] 487
128 Tip-tiniq vujud (hikoya) [Anvar Obidjon] 443
129 Tomoqqa taqaladigan gap (hajviya) [Anvar Obidjon] 579
130 Toʻgʻon Takayevning qoshiqbozi (hajviya) [Anvar Obidjon] 563
131 Toʻnni teskari kiyish (hajviya) [Anvar Obidjon] 735
132 Toʻporicha gap-gashtaklar (hajviya) [Anvar Obidjon] 570
133 Tushuntirish xati (hajviya) [Anvar Obidjon] 1011
134 Tutunfurush (hajviya) [Anvar Obidjon] 592
135 Талабларга биноан (ҳажвия) [Anvar Obidjon] 434
136 Тип-тиниқ вужуд (ҳикоя) [Anvar Obidjon] 479
137 Томоққа тақаладиган гап (ҳажвия) [Anvar Obidjon] 443
138 Тутунфуруш (ҳажвия) [Anvar Obidjon] 433
139 Тушунтириш хати (ҳажвия) [Anvar Obidjon] 829
140 Тўнни тескари кийиш (ҳажвия) [Anvar Obidjon] 471
141 Тўпорича гап-гаштаклар (ҳажвия) [Anvar Obidjon] 475
142 Тўғон Такаевнинг қошиқбози (ҳажвия) [Anvar Obidjon] 469
143 Uch ogʻa-ini (hikoya) [Anvar Obidjon] 671
144 Uyquda nimalar boʻlmaydi! (hikoya) [Anvar Obidjon] 750
145 Уйқуда нималар бўлмайди! (ҳикоя) [Anvar Obidjon] 441
146 Уста Гулматнинг жумбоғи (ҳажвия) [Anvar Obidjon] 440
147 Уч оға-ини (ҳикоя) [Anvar Obidjon] 506
148 Val… valay… (hajviya) [Anvar Obidjon] 694
149 Вал… валай… (ҳажвия) [Anvar Obidjon] 660
150 XX asr talonchiligi (hajviya) [Anvar Obidjon] 535
151 XX аср талончилиги (ҳажвия) [Anvar Obidjon] 456
152 Xizmatchilik-da, xizmatchilik (hajviya) [Anvar Obidjon] 529
153 Xorij radiosi va... kalish (hajviya) [Anvar Obidjon] 579
154 Xususiy koʻprikcha (hajviya) [Anvar Obidjon] 510
155 Хизматчилик-да, хизматчилик (ҳажвия) [Anvar Obidjon] 496
156 Хориж радиоси ва... калиш (ҳажвия) [Anvar Obidjon] 486
157 Хусусий кўприкча (ҳажвия) [Anvar Obidjon] 487
158 Yerliklar (hajviya) [Anvar Obidjon] 540
159 Ерликлар (ҳажвия) [Anvar Obidjon] 504
160 Ziyodbotirdan boshqasi topiladi (hajviya) [Anvar Obidjon] 548
161 Ziyolicha olishuv (hajviya) [Anvar Obidjon] 556
162 Зиёдботирдан бошқаси топилади (ҳажвия) [Anvar Obidjon] 438
163 Зиёлича олишув (ҳажвия) [Anvar Obidjon] 453
164 Oʻshaning erimikan? (hajviya) [Anvar Obidjon] 0
165 Ўшанинг эримикан? (ҳажвия) [Anvar Obidjon] 0
166 Ғилай сичқон (ҳажвия) [Anvar Obidjon] 436
167 Shiliqabiliq (hajviya) [Anvar Obidjon] 485
168 Shomurod hasibfurushning futbolga bor... [Anvar Obidjon] 444
169 Shubha (hajviya) [Anvar Obidjon] 516
170 Shumqadam (hajviya) [Anvar Obidjon] 494
171 Шилиқабилиқ (ҳажвия) [Anvar Obidjon] 457
172 Шомурод ҳасибфурушнинг футболга борга... [Anvar Obidjon] 425
173 Шубҳа (ҳажвия) [Anvar Obidjon] 491
174 Шумқадам (ҳажвия) [Anvar Obidjon] 415
175 Chakalakzor afsonasi (hajviya) [Anvar Obidjon] 612
176 Чакалакзор афсонаси (ҳажвия) [Anvar Obidjon] 644
Tavsiya qilamiz
Яндекс.Метрика