Latifalar

Qari kampirni eri ko‘chadan kelib:
— Yaxshi qiz, tanishsak bo‘ladimi? - desa, kampir:
— Qimizni ko‘paytirib yuboribsiz-ku chol! - dermish.

Ona o‘g‘lini kundaligini tekshira turib, mantiq fanidan “2” baho olganini ko‘rib debdi:
— Yana “2” olibsan. Bu safar kimni ayblamoqchisan?
Bola:
— Bilmadim oyijon, mantiq borasida naslimizni ayblasammikin yoki siznimi?

Bir qiz shahzodasi oq otda kelib, uni olib ketishini kutaveribdi, kutaveribdi...
Oxir oqibat oq Damasda pensiyasi kelgan ekan!!!

Bir yigit shifokor oldiga kelibdi. Shifokor:
— Xo‘sh, shikoyatingiz?
— Hech nima...
— Biror joyingiz og‘riyaptimi?
— Yo‘q!
— Unda nima maqsadda keldingiz?
— Shunchaki o‘zim...
— Tushunishimcha sog‘lig‘ingiz to‘g‘risida bilmoqchisiz?
— Yo‘g‘e-e-e! Ertalab televizorni qo‘ysam, profilaktika deb yozilgan ekan, shunga aylanib kelgandim...

Ikkita o‘qituvchi darsdan keyin restoranga borib o‘tirishibdi. Hadeganda ofitsiant kelavermabdi. Shunda o‘qituvchilardan biri restoran menejerini chaqirtirib shikoyat ohangida debdi:
— Qachondan beri o‘tiribmiz. Nega ofitsiantlar bizdan buyurtma olishga kelishmayapti, kelib qarashmayapti? - desa, menejer:
— Bizdagi ofitsiantlarni hammasi sizni talabalaringiz ekan. Shunga “Sen qara, sen qara!”, - deb oshxonada berkinib turishibdi, - dermish.

Bir kuni bekatda 3 ta o‘zbek va 1 ta rus turgan ekan.
— Avtobus kelib to‘xtabdi. Shunda birinchi o‘zbek:
— Yo pirim deb, - avtobusga chiqibdi. Ikkinchisi chiqayotib:
— Yo Ali debdi. Uchinchi o‘zbek esa:
— Yo Muhammad, - deb chiqib ketsa, boyagi qarab turgan rus ichida "Bu yerda hamma ismini aytarkan, - deb:
— Yo Andrey, - deb avtobusga chiqib ketibdi.

1 aprelda sevgan qizim meni tashlab ketdi.
3 aprelda qo‘ng‘iroq qilib, — 1 aprel hazili edi...! - deydi.
Men esa yangi qiz bilan tanishib bo‘lgandim...

"Bir haftada qaytaraman", - deb qarz olgan va bir oyda qaytarganlarni qizil kitobga kiritish kerak.
Chunki bunchalik tez qarzini qaytaradigan insonlar kamayib ketmoqda!!!

Eri xotiniga quticha beribdi. Quti ustida esa quyidagi so‘zlar yozilgan ekan:
“Men senga kerakligimning 50 ta sababi shu yerda!”
Quti ichidan elektr go‘sht maydalagichning 50 ta qismlari chiqibdi. Xotini ikki soat harakat qilsa ham, uni yig‘a olmabdi.
Shunda quti ustidagi so‘zlarning asl ma’nosini tushunib yetibdi.

Er-xotin hazillashib:
— Azizim, men homiladorman!
— Nima?! Bo‘lishi mumkinmas!
— 1 aprelingiz bilan...
— Gulmira, bu yoqqa kelgin.
— Qanaqa Gulmira? Kim u?
— O‘zingni ham bayraming bilan...!

Bir kuni tipratikan quyonni mahkam bag‘riga bosib debdi:
— Mana sevgi qanchalik azob ekanini ko‘rdingmi?!

Bir odam sayyohlik firmasiga qo‘ng‘iroq qilibdi:
— Allo, men xorijda dam olmoqchiman!
— Qancha pulingiz bor?
— 500 ming!
— Damingizni oling!!!

Krishtiano Ronaldo Paxtakor futbol klubi bilan 5 yillik shartnoma imzolabdi. Jurnalistlar intervyu undan olyapdi:
— Siz Paxtakorga qanday kelib qoldingiz?
— Tasodifan. Toshkentga borganimda muxlislarga dastxat bergandim. Shularni ichida bitta muxlis 5 yillik shartnomani uzatsa, bilmasdan qo‘l qo‘yib beribman.
— Sir bo‘lmasa, qancha maosh va’da qilishdi?
— Maoshim haftasiga 100 ming so‘m. U ham bo‘lsa 100 foiz plastik kartochkaga tusharmish...!

Bir yigit chet eldi 5 yil yurib, uyga qaytibdi. Qaytibdi-yu, lekin nuqul ruscha gapirarmish. Qishlokdan xolasi ko‘rgani kelibdi. Salom-alikdan so‘ng xolasi hasrat boshlabdi:
— Bolam, o‘tgan yili pochchang ham olamdan o‘tdilar, - desa. Yigit:
— Chepuxa, - debdi. Xolasi u ruschasiga "Hudo rahmat qilsin" degani bo‘lsa kerak-da deb:
— Nima ham qilardik bolam, bizam "Chepuxa" deb o‘tiribmiz, - dermish.

Tobim qochsa ham, kasalxonaga yota olmayman. Hayolimda kasalxonaga yotsam, palataga xotinim kirib keladi-yu, tepamda turib, — "Ataylab, ishlamaslik uchun yotib oldingizmi bu yerga!?", - deb javray boshlaydi, yana...

Dugonalar suhbatidan:
— Dugon, avtobusga chiqsam nuqul erkaklarning o‘ng qo‘liga qaraydigan bo‘lib qoldim. Bu yoshim o‘tganini belgisimi?
— Yo‘q ,agarda bo‘sh joy axtarib qolsang, shunda yoshing o‘tgani aniq bo‘ladi...

Haydovchilik guvohnomasiga o‘qiyotgan bir yigit o‘qituvchiga savol beribdi:
— Qizil chiroqda chorrahani kesib o‘tsa bo‘ladimi?
O‘qituvchi ham charchab, asabi buzilib turgan ekan:
— Ha bo‘ladi. Faqat ikkala qo‘lingni ko‘tarib o‘tishing kerak, - debdi.
— Nega aynan qo‘lni ko‘tarish kerak, - desa, o‘qituvchisi:
— O‘lganingdan keyin yechintirish oson bo‘lishi uchun, - dermish.

Teatrda katta premera ketyapti. Sahnada aktyorlar rol ijro etishyapti. To‘satdan tomoshabinlar orasida mast odamning ovozi:
— Zalda vrach bormi? Bormi vrach orangizda?
Hamma o‘rnidan turib, zalda vahimali shovqin boshlanib ketibdi. Aktyorlar ham to‘xtab qolishibdi.
Shu payt oldingi qatordan bir odam:
— Ha, men vrachman. Nima gap? - desa, shirakayf ovozda haligi mast kishi:
— Zo‘r spektakl ekan-a, hamkasb!? - dermish.

Harbiy qismga kelgan yosh askar Sharipovning otasi vafot etgani haqida xabar kelibdi. Ofitserlar bu shumxabarni unga qanday yetkazish haqida o‘ylay boshlashibdi. To‘g‘ridan-to‘g‘ri aytay desa, askar hali yosh. O‘zini biron nima qilib qo‘yishi mumkin. Oxiri komandir yaxshi usul taklif qilibdi. Ertalabki yig‘inda qism komandiri buyruq beribdi:
— Otasi borlar 1 qadam oldinga "Shagom marsh"!!! Sharipov sen qayoqqa???

Chet ellik yirik tadbirkor homiylik qilmoqchi bo‘lgan korxonaga kelib, qiziqarli voqea aytib beribdi. Zalda o‘tirganlarni hammasi kulib yuborishibdi. Shunda badavlat tadbirkor tarjimonga:
— Qanday qilib aniq tarjima qila olding? Hamma rossa kulyapti? - desa, tarjimon dermish:
— Sizlarni homiyingiz latifa aytyapti, kulishingiz shart! - dedim xolos...

<< < 100 101 102 103 104 105 > >>

Jami 2090 ta latifa mavjud

Tavsiya qilamiz

Bosh sahifa