Olimlarning fikricha, insonning fe'l-atvorini, uning qanday rangdagi gullarni yoqtirishiga qarab, bilib olsa bo'larkan. Keling, bu qanchalik haqiqatga yaqinligini o'zimizda sinab ko'raylik.
Oq rangdagi gullarni yoqtiruvchilar tabiatan samimiy, mehribon, oqko'ngil bo'ladilar. Biroz hayolparastligi uchun, ko'proq aqlga emas, his-tuyg'ulariga tayanib ish tutadilar, ularning ishonuvchanligi hayotda ko'p bor pand beradi.
Qizil rangdagi gullarni yoqtiruvchilar injiq, rashkchi, talabchan bo'ladilar. Ular doimo o'zlarini birinchi o'ringa qo'yadilar. Aybdor bo'lsalar ham hech qachon buni tan olmaydilar va o'z oldilariga qo'ygan maqsadlariga erishmagunicha, qat'iy harakat qiladilar.
Sariq rangdagi gullarni yoqtiruvchilar harakatchan, tirishqoq va biroz tortinchoq bo'ladilar. Ular ko'proq yolg'iz qolishni hush ko'radilar, lekin sevgi bobida esa beqarordirlar.
Pushti rangdagi gullarni hush ko'ruvchilar esa juda jiddiy ko'rinsalar-da, oilada, do'stlar davrasida samimiy bo'ladilar. Ular doimo, har qanday vaziyatdan osongina chiqib keta oladilar va o'ziga juda ishonadilar.