Yuzingizda dog' bormi?
Halqimiz yuz ko'r, hol so'r, deydi. Aslida ham chehra - organizmning butun holati, a'zolar qanday ishlayotgani ko'zgusi. Tekis, beg'ubor, oppoq yuzingizda asta-sekin dog'lar yo turli toshmalar paydo bo'lsa-chi? Darhol tashvishga tushmay, buning asl sababi haqida o'ylab ko'rgan ma'qul. Agar yuzingizga tez-tez turli dog'lar yoki toshmalar toshsa, bu ayrim ichki a'zolar noto'g'ri ishlayotganidan darak. Bu muammolar ko'pincha gormonal o'zgarishlar, iqlimning keskin o'zgarishi, turli dorilar ichish hamda noto'g'ri ovqatlanish bilan bog'liq. Ba'zi tadqiqotlarda toshmalar ma'lum bir sababsiz ham paydo bo'lishi mumkinligi aytilgan. Yuz toshmalarining sababini tanada sodir bo'layotgan o'zgarishlarni aks ettiruvchi yuzda belgilangan 14 nuqtadan aniqlashga urinib ko'ring. Rasmda belgilab qo'yilgan yuz qismlaridan o'z muammongizni aniqlang, uni bartaraf etishga kirishing!
1 va 2 - ovqat hazm qilish tizimi
Agarda yuz terisida husnbuzar, dog'lar va toshmalar paydo bo'lsa, bilingki, hazm qilish tizimi noto'g'ri ishlamoqda. Buning uchun zararli taomlar iste'molini kamaytirish, kundalik taomnomaga yog'siz va tuzi past taomlarni kiritib, ko'proq suv ichish kerak.
3 - jigar
Agar muammo terining shu joyida yuz bersa, bu toksinlar to'planishi sabab jigar faoliyati yomonlashganini bildiradi. Ko'pincha bunday holat zararli oziq-ovqat mahsulotlari tufayli yuzaga keladi. Jigarni bunday zo'riqishdan halos etish uchun spirtli ichimliklar, zararli ovqatlar (fastfudlar va hokazo), tarkibida laktoza mavjud mahsulotlar iste'molini cheklash zarur. Mevalar, ayniqsa, sabzavotlarni ko'proq eyish kerak. Jigarni tabiiy yo'l bilan tozalash ham juda foydali.
4 va 5 - buyrak
Ko'z atrofida paydo bo'lgan barcha o'zgarish va qora dog'lar buyrakning yahshi ishlamasligi, buyrak etishmovchiligi natijasida yuzaga kelishi mumkin. Aynan shuning uchun ham kundalik suv ichish miqdorini oshirish, sho'r mahsulotlardan tiyilib, aynan siydik haydovchi hususiyatga ega mahsulotlarni ko'proq tanovul qilish zarur.
6 - yurak
Yuzning bu qismi ko'pincha husnbuzarlar va qora nuqtachalardan aziyat chekadi. Bu tez-tez paydo bo'ladigan va ketishi eng qiyin toshmalardan. Buning sababi - yurak bilan bog'liq muammolarda. Ularni bartaraf qilishda taomnomadan yog'li va sho'r taomlarni, achchiq va ziravorlarni olib tashlash lozim. Bularning o'rniga foydali yog'larga boy mahsulotlar (baliq yog'i va boshqalar)ni ko'proq iste'mol qilish zarur.
7 va 8 - buyrak
Organizm zaharlanishi, suyuqlik to'planishi yoki aksincha suvsizlik buyraklar zo'riqishining oqibati bo'lishi mumkin. Ushbu muammoni bartaraf etish uchun ko'proq suv ichish lozim. Gazlangan ichimliklardan, qahva va alkogol mahsulotlaridan parhez qilgan ma'qul.
9 va 10 - nafas olish tizimi
Yuzning bu joyidagi o'zgarishlar nafas olish yo'lidagi muayyan turdagi allergiya yoki surunkali kasalliklar, masalan astma bilan bog'liq bo'lishi mumkin. Tamaki chekish oqibatida yuzning mazkur qismiga tez-tez toshmalar yoki dog'lar tushadi. Bunda zudlik bilan chekishni tashlash, shakar iste'molini kamaytirib, yangi mahsulotlardan ko'proq eyish zarur.
11 va 12 - gormonlar
Yuzning bu qismida barcha gormonal o'zgarishlar namoyon bo'ladi. Buni to'g'ri ovqatlanish, jismoniy mashqlar, to'yib uhlash, muntazam yuvinish va ko'p miqdorda suv ichish bilan kamaytirish mumkin.
13 - oshqozon
Agar yuzingizning shu joyida turli toshmalar paydo bo'lsa, demak, hazm qilish tizimi buzilibdi. Oshqozon faoliyati susayib, ichingiz qotibdi. Tashvishlanmang, ko'proq mevalar, sabzavotlar va boshoqli mahsulotlarni iste'mol qiling.
14 - stress
Agarda yuzingizning shu nuqtasida qizarishni sezsangiz, buni organizm toliqishi, stress oqibati deyish mumkin. Tana tiklanishi uchun biroz vaqt kerak. Shuning uchun uni ortiqcha zo'riqtirmaslik va ko'proq dam olish zarur. Ayrim paytlarda e'tiborsizlik oqibatida bunday stress holati sog'lig'imiz uchun jiddiy muammolar keltirib chiqarishi ham mumkin. Stressni engish uchun ko'proq suv iching, to'yib uhlang. Har bir muammoni yoki kasallikni vaqtida aniqlab, uni bartaraf etish o'z qo'limizda. Shunday ekan, bu borada, albatta, shifokor bilan maslahatlashing!
Tavsiya qilamiz
Loading...
Яндекс.Метрика