.

Senga Oshiqman 100-qism Voqealar rivoji (20.08.2015) "Shaneyla o'ziga kelmoqda"


Bundan avvalgi qism voqealar rivojini o'qish (manba)
Salom saytimiz muxlislari. Saytimizga do`stlaringizni taklif qilishingizni so`rab qolamiz. Voqealar rivojini davomi esa bizda o`qib boring. Marhamat:

Ritika Sharman bilan gaplashadi. Sharman indamay turgach Ritika unga "agar ishonch bo'lmasa, munosabatimiz ham bo'lmaydi" deydi va Sharmanning yonida ketmoqchi bo'ladi. Sharman esa Ritikaning qo'lidan tutib qoladi. Ritika Sharmanga qaraydi. Sharman uning qo'llaridan ushlaydi.
Ishani va buvisi ularni kutib xavotirda turishardi. Ritika va Sharman bir-birini quchoqlashadi va tabassum qilishgancha ichkariga kirib kelishadi. Ishani va buvisi ularning holatini ko'rib quvonib ketishadi. Ishanining buvisi ularni stolga taklif qiladi. Ishani esa ular uchun sho'rva zakaz berib qo'yganini aytadi.
Stol atrofidagilar ovqatlanib o'tirishsa, restoranga Ranvir kirib keladi. Ishani uni ko'rib hayratga tushadi va biroz tiqilib qoladi. Hamma bu holatdan hayron bo'ladi. So'ng stol atrofidagilar Vaghelalar oilasi kelganligini ko'rishadi. Menedjerlar RV yoniga kelib, hizmatkorlarga RV uchun maxsus stol tayyorlashlarini aytadi. Lekin Ranvir allaqachon xotini ular uchun maxsus stol tayyorlaganini aytadi. Ishani Ranvirga qaraydi. Ranvir esa Ishaniga ko'z qisgancha uning yoniga keladi. Ishani Ranvirdan kechki ovqatni shu yerda yeysizlarmi? Bu yana qanaqa syurpriz deb so'raydi. Ranvir shu yerda kechki ovqatni shu yerda yeyishini aytadi va oyisi, dadasi va singlisini qolgan stullarga o'tirishini aytadi. Ritika va Sharman bu holatga kulib qo'yishadi. Ishani va buvisi o'gzi ochilgancha ularga qaraydi.
Ofitsant Ranvirdan qanday taom buyurtma qilishlarini so'raydi. Ranvir javob bergach ofitsant ketadi. Ranvir oyisiga qaraydi va qo'li bilan "tabassum qiling" deganday oyisiga ishora qiladi. Amba biroz jim turgach, Kaylash unga tabassum qilishini, Ranvir shunchki tomosha ko'rsatayotganini aytadi. Parul esa Ambani Ishanini yoniga borsa suratga olishini aytadi. Amba ularning gapiga rozi bo'ladi va birdan kula boshlaydi. "Mening chiroyli va sevimli kelinim" deydi. Ishani va boshqalar Ambaning bu gapidan shokka tushib qolishadi. Amba Ishanining yoniga boradi. Ishanini maqtay boshlaydi. Ishani og'zi ochilgancha bir Ambaga, bir Ranvirga qaraydi.
Amba: - Ranvir, nega jim turibsan.manba sever.uz Gullarni unga sovg'a qilmaysanmi?
Parul kulgancha Ranvirga gullarni tutqazadi.
Ishanining buvisi hayratga tushgancha o'ziga o'zi gapiradi: - Bu yerda nimalar bo'lyapti?
Parul: - Xola, rasm, rasm...
Ranvir: - Xa rasm, rasm.
Amba: - Hoy nega bu yerda turibsan? Qani uning yoniga o'tir.
Amba shunday deb Ranvirni Ishanining yoniga o'tqazib qo'yadi.
Parul endi rasmga olayotganda Amba: - Ranvir, uni yelkasidan quchoqlab ol.
Ishani esa hayratda. Yonida o'tirgan buvisi esa nima bo'layotganligini tushunmasdan ularga qarab turardi. Ranvir Ishanini yelkasidan qo'lini o'tkazib oladi. Sharman va Ritika hamon bu holatdan kulib turishardi.
Amba: - Ular bir-birini juda kuchli sevishadi. Parul qani suratga ol.
Parul ularni suratga ola boshlaydi. Ranvir Ishanidan kulishini so'raydi. Ranvir va Ishani har hil stilda suratga tushishadi.
Ishanining buvisi: - Parul, suratga olishni to'xtat.
Ishanining buvisi Ishanini qo'liga bir uradi. Ishani va boshqalar buvisiga hayron qarashadi. Ishanining buvisi Ishaniga gulni qo'yib, u bilan tashqariga chiqishini aytadi va Ishanini qo'lidan yetalab chiqib ketishadi.
Buvisi Ishaniga bu ona bolaning tomoshasi ekanligini aytadi. Ishani esa buvisiga holatni tushuntiradi. Ishanining buvisi zalga kirib "Ranvir" deya baqiradi. Ranvir esa hayron bo'lgancha suv ichib tiqilib qoladi. Ishani esa kuladi. Ishanining buvisi hamma birgalikda suratga tushishini aytadi. Parul ularni suratga oladi. Amba va Ishanining buvisi bir-biriga paxta qo'yganday muomilada bo'lishadi.
Hamma yana stol atrofiga o'tirishadi. Ranvir Ishanini qo'lidan ushlab oladi. Ishani esa ovqatlanmay tursa, Ranvir unga ovqatingni yemaysanmi deganday ishora qiladi, lekin Ishanining o'ng qo'lidan ushlab olgan edi. Ishanining buvisi Ranvir va Ishaniga hayron qaraydi. Chunki Ishani chap qo'lida ovqatlanayotgan edi.
Buvisi: - Ishani, nega chap qo'lingda ovqatlanyapsan?
Ranvir: - Nima uchun?
Ishani: - O'ng qo'limda jaroxat bor.
Buvisi: - Jaroxating chap qo'lda edi-ku!
Ranvir esa Ishanining o'ng qo'lini ushlab og'rimayotganligini so'raydi. Bir biriga hazilomuz qarashadi. Ranvir esa Ishaniga ovqat yedira boshlaydi.
Ishani shu payt oyoqlari bilan stol ostida Ranvirning oyoqlariga tega boshlaydi. Ranvir Ishaniga qaragancha hayajonlana boshlaydi va tiqilib qolganday yo'talib qo'yadi. Ishani unga suv ichgazib qo'yadi. Restoran menedjeri kelib Ranvir va Ishanini saxnaga raqsga tushishga taklif qilishadi. Ishani va Ranvir bunga rozi bo'lishadi. Ishani va Ranvir sahnada raqsga tusha boshlashadi. Raqs so'nggida Ranvir Ishaniga ko'zini yumishini aytadi. Ishani ko'zini yumgach, Ranvir tiz cho'kib qo'ynidan qizil atirgul oladi va uni Ishaniga beradi. Ranvir yerdan yana bir xovuch gul olib Ishaniga tutqazadi, so'ng yana bir to'plam guldasta beradi. Ranvir o'rnidan turadi. Ishani juda ham baxtiyor edi. Ranvir uning peshonasiga barmog'ini tekkazib tepaga qarashini aytadi. Ishani tepaga qarashi bilan gul barglari yog'iladi. So'ng Ranvir Ishanini ko'tarib oladi...

Shaneyla harakat qila boshlagandi. Hamshira bu holatdan suyunadi va tashqariga vrachni chaqirgani chiqib ketadi. Bu payt esa Shaneyla yotgan xonaning oynasidan Chirag unga qarab turardi. Agar Shaneyla o'ziga kelib hammasini aytib bersa, panjara ortiga kirishini o'ylaydi. Hamshira vrachga gapirayotganda Chirag ularni eshitib turadi. Vrach hamshiraga Shaneyla harakatlana boshlayotganini, RV amerikalik vrachni chaqirtirgani aytadi. Chirag hayratga tushadi. Chirag Shaneylaning xonasiga yana qaraydi. Buni esa nariroqda Punit kuzatib turadi va RVga telefon qiladi. Punit RVga ikkita yangilik borligini, birinchisi Shaneyla harakatlana boshlaganini aytadi. Ranvir hursand bo'ladi. Ikkinchi habari esa noxush xabar ekanligini, ya'ni Chirag Shaneylaning xonasi yonida turganini aytadi. Ranvir Punitga Shaneylani Chiragdan himoya qilish uchun qo'riqchilarni kuchaytirishini aytadi. Bu safar Chirag Shaneylaga hech nima qilolmasligini aytadi.

Ishani Ranvirni qidirib xonasidan pastga tushadi. Maladan Ranvirni so'raydi.manba sever.uz Mala uni ko'rmaganligini aytadi. Ishani Ranvirning shaxsiy xonasi yoniga boradi va Ranvirni chaqiradi. Xonada hechkim yo'q. Ishani endi ortiga qaytib ketayotsa Ranvir xonadan chiqib Ishanining qo'lidan og'zini berkitgancha xonaga tortadi. Ranvir va Ishani xonada suxbatlashishadi. Ranvir uni o'pmoqchi bo'lganda Ishani o'zini olib qochadi. Ular yana tortisha boshlashadi. Ranvir Ishaniga kino uchun chipta beradi. Ishani chiptani olgancha xonadan chiqib ketadi. Zalda bexosdan Lakshmiga urilib ketadi. Lakshmi Ishanidan Ranvirning xonasida nima qilayotganini so'raydi. Ishani olmos kompaniyasining qandaydir hujatlarini tekshirgani kirganini aytadi. Shu payt Ranvir xonadan chiqib keladi. Lakshmi Ranvirdan Ishani xonaga nima uchun kirganini so'raydi. Ranvir Lakshmiga Ishani ish yuzasidan xonaga kirganini aytadi. Ranvir devor ortida turgan Ishaniga ko'z qisadi va ketadi.

Tong otdi. Pariklar nonushtaga yig'ilishadi. Amba ham stolga o'tiradi va Maladan nonushta olib kelishini aytadi. Ranvir esa xonasidan tushib keladi. Oyisiga ofisga ketayotganligini aytadi. Amba Ranvirga nonushta qilishini aytadi. Ishani ham buvisiga ofisga ketayotganligini aytadi. Ranvir oyisiga Ishani esa buvisiga ishga borishi kerakligini aytishadi. Ranvir ishga ketadi. Ishani ham uning ortidan ketadi.

Ishanining buvisi advokat bilan Ranvir va Ishanining ajrashishi, so'ng pul va uyning yarmi ularga o'tishini gaplashadi.

Chandu Girishga telefon qiladi. RV Shaneylani qo'riqlash uchun qo'riqchilarni kuchaytirganini, Shaneylaning hayoti havf ostidaligini aytadi. Girish xavotirga tushadi. Shu payt Girishning yoniga Chirag keladi va nima bo'lganini so'raydi. Girish singlisi axvoli yaxshi ekanligini, lekin RV nega unga yordam berayotganini tushunmayotganini aytadi.
Girish: - RV uni o'ldirmoqchi bo'lgan bo'lsa, Shaneylani nega qutqarmoqchi? Nima uchun uni qo'riqlashni kuchaytirdi? Demak Shaneylani boshqa odam o'ldirmoqchi bo'lgan.
Girish Chiragning yelkasiga qo'lini qo'yadi. Chirag cho'chib ketadi. Girish unga hayron bo'lib nima bo'lganini so'raydi. Chirag peshonasidan terisini artib, hech bo'lmaganligini aytadi. Chirag Girishga RVga ishonmasligini aytadi. Girish esa RV bunday qilmaganligini, aybdorni baribir topishini aytadi. Girish RVni otganidan yashirinib yurganini, lekin RV qo'rqqani ham, berkingani ham yo'qligini. Demak u aybdor emasligini aytadi. Girish u yerdan ketadi. Chirag esa o'ylanib qoladi.

Advokat Ishaniga qo'ng'iroq qiladi. Advokat Ishaniga buvisi kelganligini, ajrashuvni tezlashtirishini so'raganini aytadi. Ishani buni to'xtatib qolmoqchiligini advokatga aytaman deb turganda xonaga buvisi kirib keladi. Buvisi Ishaniga advokat yoniga borib ajrashuv ishlarini davom etishini so'raganini aytadi.
Ishanining buvisi xonadan chiqib ketadi. Ishani esa ish jiddiy tus olmasidan, Ranvir bilan gaplashib olish kerakligini o'ylaydi. Chaytali eri Mitishga yangi sari sotib olib kelishini aytadi. U bazmda hammadan chiroyli ko'rinishini aytadi.manba sever.uz Ularning gapini Kaylash va Amba eshitib turadi. Ambaga ularning gapi yoqmaydi. Amba va Kaylash gaplashib turishadi va Kaylash kinoga borishlarini aytadi.

Kinoteatrda, Amba va Kaylash Pop-korn sotib olishadi. So'ng kinozalga kirib ketishadi. Ishani ham birozdan so'ng kinozalga kiradi. Ranvir ham uning ortidan keladi. So'ng Ranvirning kelmaganidan jaxli chiqib unga qo'ng'iroq qiladi. Ranvir telefonini oladi va telefonda suxbatlashgancha Ishanining yoniga asta keladi. Ishanini yelkasidan ushlaydi. Ishani unga kulib qaraydi va u bilan gaplashib, pop korn sotib olishadi. So'ng ichkariga kirib ketishadi. Chirag ham kinozalga panjobcha kiyinib keladi. Qo'riqchi metallodetektor bilan Chiragni tekshiradi va signal chalinadi. Chirag havotirga tushadi. Qo'riqchi Chiragni chetga o'tishini so'raydi va zalga telefonini olib kirmasligini aytadi. Amba va Kaylash kinozalda suxbatlashib turishadi. Ranvir va Ishani zalga kirishadi. Ranvir Ishaniga film eskiligini lekin yaxshi film ekanligini, zal ham bo'sh ekanligini aytadi. Qorong'u zalda ular bilmagan holatda Amba va Kaylashning yoniga o'tirib olishadi...
Ushbu maqola Sever.UZ sayti uchun maxsus tayyorlandi. Ushbu maqolani boshqa saytga ko'chirib o'tmoqchi bo'lganlar manbaga saytimiz manzilini ko'rsatishlari shart!
Manba: Sever.UZ
Tavsiya qilamiz
.
. .
Яндекс.Метрика