.
Senga Oshiqman 63-qism (voqealar rivoji 08.07.2015) Ranvir va Ishani avtohalokatga uchraydi.
Salom saytimiz foydalanuvchilari! Ushbu maqolamiz biroz kechikdi. Sizlardan buning uchun uzr so'raymiz. Hullas voqealar rivojini davomini o'qing:

Parul ovoz studiyasida tursa, Pratik bilan Ruchika gaplashib turadi. Pratik Ruchikani ilintirmoqchi bo'ladi. Shu payt Davresh kelib qoladi va ularning suxbatini buzadi.
Parul Ruchikani qo'shiq aytishga undaydi. Shu payt Ruchika shunday ovoz bilan qo'shiq aytadiki, hamma uning ovozidan qo'lidagi narsalarini tashlab yuboradi.
U shunaqangi baqirib aytadiki, Ranvirning xonadoni larzaga keladi. Hamma hayron. Ranvir ham qo'lidagi stakanni tashlab yuboradi. Amba esa qo'rqib ketadi. Ranvir singan shisha siniqlarini yig'ishtirmoqchi bo'ladi. Ishani bunga qarshilik qilib o'zi yig'ishtiradi. Shu payt ularni Falguni kuzatib turganini Ishani ko'rib qoladi. Qo'lidagi Supurgi va axlat idishini Ranvirning oyog'ini ostiga tashlaydi. Ranvir bundan bir cho'chib tushadi. Ishani:
- Nimaga shokka tushib qoldingiz. Hizmatkor chaqiring, tozalab olsin.
Ranvir:
- Bir soniya. Hammasini o'zim tozalayman degandingku.
Ishani uning gapiga quloq solmay ketadi.
Falguni Nitin bilan yana tortishadi. Nitin esa Ishanini baxtli bo'lishi uchun yordam berishini, uning muammolarini bartaraf etishini aytadi.
Ruchikaning qo'shig'i hechkimga yoqmasada uni Davresh maqtaydi. Uning bu harakatlari Parulga yoqmaydi.
Ishani va Ranvir sayoxatga yo'l olishadi. Hamma ular bilan hayrlashadi. Disha ularni zinadan kuzatib turadi va Ranvirni hayolida yomonlaydi.
Disha ko'chada turganda uning oldiga mashinada Chirag keladi.
Chirag:
- Sen men bilan uchrashishni xoxlapsanmi?
Disha:
- Sendan so'ramoqchi edim. Kechagi bazmda kim bilan uchrashgani kelganding?
Chirag:
- Men!
Disha:
- Ha sen! Bilmaganlikka olma Chirag. Men senligingni bildim... Ishani xonasidan seni surib chiqaryotgandi.
Chirag:
- Sen meni bu yerga shuning uchun chaqirdingmi, qanday aqlli ekaningni aytgani?
Disha Chirag bilan uzoq suxbatlashadi. Chirag Ranvirni unga yomonlaydi. Ulardan doim foydalanganini aytadi. Disha ham Ranvirni yomon ko'rishini aytadi.
Ranvir va Ishani aeroportdan mashinaga o'tirib birga ketishadi. Ishani Ranvirga ikki soatda yetib boramiz deganini, lekin 3 soatdan o'tsa ham yetib borishmaganini aytadi. Ranvir uning bu gaplaridan zerikadi va unga radio eshitishni maslaxat beradi. Falguni va Nitin ham boshqa mashinada ular bilan birga ketishardi. Falguni Ranvir va Ishanidan havotir oladi. Nitin esa xavotir olmasligini aytadi.
Radioda yangrayotgan taronani ikkala juftlik ham tinglab borishardi.
Ranvir musiqaning qanday zo'r ekanligini gapirib tursa, Ishani undan kredit kartochkasini so'raydi. Ranvir hayron bo'ladi. Ishani mehmonxonadan boshqa xona buyurishini u yerda ham yerda yotmasligini aytadi.
Ishani kreditni olgach telefonidan qo'ng'iroq qilmoqchi bo'ladi. Lekin aloqa yo'q bo'ladi. Ishani va Ranvir yana tortishib ketishadi.
Ular burilishga yetay deganda qarama-qarshi tomondan yuk mashinasi kelayotgan edi. Ishani yo'lga qaraydi:
- Ranvirrr!
Ranvir yuk mashinasining yonidan ro'lni buradi va ularning mashinasi chetda turgan daraxtga borib uriladi. Ranvir xushidan ketgan edi. Ishani esa boshini ushlab atrofga qaraydi. So'ng Ranvirni xushidan ketib yotganini ko'radi:
- Ranvir... Ranvir! Ranvir ko'zingizni oching! Ranvir Ranvir....

Ranvir asta sekin o'ziga keladi. Ishani:
- Ranvir. Axvolingiz yaxshimi?
Ranvir:
- Men qayerdaman?
Ishaniga qaraydi:
- Sen kimsan? Bular nima? Nega mening boshim og'riyapti?
Ishani havotirga tushib:
- Ranvir axvolingiz yaxshimi? Nimalar deyapsiz?
Ranvir:
- Uzr. Uzr.

Ishani:
- Ranvir nimalar deyapsiz? Men Ishaniman.
Ranvir:
- Ishani? Bir daqiqa. Siz qayerga ketayotgandingiz?
Ishani:
- Men qayerga ketayotgandim? Biz ikkalamiz Panchmeshvarga ketayotgandik.
Ranvir:
Panchmeshvarga? Yo'q men Buleshvarga ketayotgandim. U yerda onam yashaydi. Ular meni kutayapti. Ular menga sevimli kashamni tayyorlayaptilar. Iltimos, meni qo'yib yuboring. Mening ovqatim sovib qoladi.
Ishani hayratga tushgancha qoladi:
- Yo xudoyim! Ranvir xotirasini yo'qotibdi? Men nima qilay? Bu atrofda shifoxona ham yo'q.
U Ranvirning yoniga boradi:
- Ranvir meni eshiting.
Ranvir:
- Men Ranvir emasman. Mening ismim nima? Mening ismim qanday edi? Mening ismim....
Ishani yanada xavotirga tushadi:
- Hammasi joyida, Ranvir. Tushundingizmi? O'tiring. Men sizga suv olib kelaman.
Ishani mashinadan suv olib kelib Ranvirga beradi. Ranvir suvni ichadi.
Ishani:
Yaxshi tinchlaning. Tinchlaning va eslashga harakat qiling. Siz Ranvirsiz, Men esa Ishani. Biz bolalikdan do'stmiz.
Ishani Ranvirga eslatishga harakat qiladi. Ranvir:
Sen mening do'stim emassan.
Ishani:
- Ranvir, men sizning eng yaxshi do'stingizman. Iltimos eslang, hammasini eslang.
Ranvir:
- Sen mening do'stim bo'lgansan. Hozir esa xotinimsan. Sen Ishani emas, Sen Sannisan.
Ranvir kulib yuboradi. Ishanining jaxli chiqib Ranvirni bo'g'ib oladi:
- Men sizni o'ldiraman, Ranvir.
Ranvir:
- Kechir.
Ishani:
- Men sizni o'ldiraman
U Ranvirni bo'g'ib oladi. Ranvir kulgancha yordam beringlar Sanni meni o'ldirib qo'yadi deb, so'ng Ishanining qo'lidan chiqib qochib ketadi. Ishani uning orqasidan quvib, yerdan tosh olib unga otmoqchi bo'lgan payti oyog'i toshdan toyib ketadi. Endi yiqilay deganda Ranvir uni ushlab qoladi. Ishani yana Ranvirni quvib ketadi.
Nitin va Falguni yana tortishib qolishadi. Falguni Ishani uchun bu ishni qilayotganini, Xarshadni xotini ekanini aytadi.
Ranvir va Ishani mehmonxonaga yetib kelishadi. Hizmatkor stakanda suv keltiradi. Ranvir uni ichaman deb Ishaniga qaraydi:
- Ichasanmi? Yo'q! Sen meni qonimni ichishni xoxlaysan, to'g'rimi?
Ishaniga kalitni beradi. Ranvir mexmonxona hodimidan yana bir xona so'raydi. Lekin hamma xonalar band bo'ladi.
Ranvir xonaga kiradi. Xona juda ham ajoyib romantik bezatilgan edi. Deraza oldida Ishani tungi ko'ylakda turganini ko'rib xursand bo'lib ketadi. Uning yoniga asta sekin boradi va "Hoy, Sanni" deydi. Deraza oldidagi ayol unga qaraydi. Ranvir og'zi ochilgancha unga qaraydi va ikkalasi ham birdaniga baqirib yuboradi. Chunki Ranvir boshqa xonaga kirib olgan edi.
Ayol tashqariga baqirib chiqadi. Ranvir unga tinchlanishini aytadi. Bir zumda zalda odamlar yig'iladi. Ayolning yigiti kelib Ranvirning yoqasidan ushlaydi. Ranvir yigitga tushuntirishga urunadi. Ular bir-birini turtib yoqalashib turgan payti Ishani kelib ularni ajratadi. U eri bunday qilmasligini, eriga doim ishonishini, uning boshqa qizlarga hatto qaramasligini uqtiradi.
Falguni Nitinga Ishani Ranvirni himoya qilganini aytib turgan payti Ishani Ranvirdan xona topganmi yoki yo'qligini so'rab qoladi. Ranvir xona topolmaganini aytadi.
Ishani uning yerda yotmasligini, boshqa krovatda yotishini aytadi. Bu gaplardan Falguni va Nitin hayratga tushadi.
Chirag telefonda Disha bilan gaplashadi. Unga Panchmeshvarga kelganini aytadi. Ranvir Ishaniga telefon qiladi va qor yoga'yotganligini aytadi. Ishani derazadan qaraydi
Ishani xonada Ranvirdan jaxli chiqib: " U meni Sanni Deolga o'xshatadi. Sanni deb chaqiradi." deb chemadonini olib ichini ochib qarasa, hammasi g'alati tungi kiyimlar chiqadi.
Ishani:
- Ishonchim komil. Buni Ranvir qilgan.
Shunday deb chemadondan bir qog'oz topib oladi. Uni o'qigach bu ishni Parul qilganini biladi..
Tavsiya qilamiz
.
. .
Яндекс.Метрика