Qo'tir qichimasi bo'lgan odam ravoch urug'ini havonchada maydalab yanchib, kunjut yog'i bilan aralashtirib, xastalangan joyga belgilangan vaqtlarda surtib tursa, shifo topsa ajab emas. Sedanani havonchada yanchib, ilon qoni bilan aralashtirib teringizdagi dog'lar ustiga surtsangiz, terining asli xoliga qaytishiga ijobiy ta'sir ko'rsatadi. Arpani ezib, dog' qo'tir joylarga bog'lasangiz kasallikdan qutilasiz. Xandon pista daraxtining po'stlog'i va bargi qaynatilib, surkalsa yo ichilsa, qo'tir va qichimani daf qiladi. Chilonjiyda bargining qaynatilgan suvidan har kuni yarim litrda besh kungacha ichilsa, badan qichishini yo'qotadi. Qo'tir va suvli ekzemani yo'qotish uchun yong'oq bargi yoki tanasidagi po'stini eman daraxtining po'sti bilan qaynatib, uni suvidan foydalansangiz tezda tuzalasiz. Qora tovuqning xo'l axlatini bog'lasangiz, badandagi dog'lar va pesga shifo bo'ladi. Pilla qurtining gungini maydalab, dog'larga bog'lasangiz, shifo bo'ladi. Zog' go'shtining quritilganidan 3 kun davomida 0,6 gramm iste'mol qilsangiz, badandagi oq dog'lardan qutilasiz. Lavlagining xom bargini ezib bog'lasangiz, badandagi oq dog'larni ketkazadi. Guruch unini qovun suvi bilan aralashtirib surtsangiz, badandagi dog'larni ketishga davo bo'ladi. Qovun urug'i po'sti bilan ezib bog'lasangiz badandagi dog'larni tozalaydi. Anjir sutini arpa uni bilan yaxshilab aralashtiring. So'ng xo'l va quruq qo'tir, oq dog'lar ustiga suring. Shifo topsangiz ajab emas. Sarimsoq kulini asal bilan hamir qilib, bog'lansa, qo'tir, pes va badandagi oq dog'larga shifo bo'ladi.