Agar burningiz ichi qurib qolgan bo'lsa po'sti artilgan o'ttiz misqol bodom mag'zini oq qand bilan qo'shib havonchada yanchasiz. Yanchilgan aralashmaga bir necha tomchi suv tomizib olov ustiga qo'yasizda aralashtirib turasiz. Undan ajralib chiqqan yog'ni burun ichkarisiga surtsangiz, uni muloyimlashtiradi (bir misqol 4.25 grammga teng). Moychechak (romashka) guli burundan suv oqishini yo'qotadi. Qizg'aldoqning quritilgan gulini maydalab, naycha orqali burunga puflansa, undan qon oqishini shu lahzada to'xtatadi. Kartoshka po'sti bilan qaynatilib, suvi bilan yuboriladi. Qaynoy kartoshka nafas yo'liga to'g'rilanib, bosh biror mato bilan burkab olinadi, qattiq tumovda ijobiy natija beradi. Bitib qolgan burunni ochadi. Semizak (xona sharoitida o'stiriluvchi kalanxoe) o'simligining yangi uzilgan bargidan sharbati ajratib olinib burun kataklariga 3-5 tomchidan tomizilsa yoki surtilsa (kuniga 2-3 mahal), burunni bitib qolishi, tumovdan xalos bo'lishiga yordam beradi. Qizilcha navli lavlagi xomligidagi navi yangi sharbatidan burun kataklarining har biriga 5-6 tomchidan tomizilsa, sharbatga namlangan piliq qo'yilsa burun bitish tumov asoratidan xoli qiladi. Agar lavlagining yangi sharbatiga 30 foiz miqdorida asil asal qo'shib burunga tomiziladigan bo'lsa natijasi yanada a'lo bo'ladi.