O‘LIKNING LIBOSLARI (MURDARO JOMAHO) Ibn Sirin (r.a.)ning aytishicha, tushida o‘likning yashil libos kiyganini ko‘rsa, dunyodan shahid bo‘lib ketganiga dalildir. Agar o‘lik oq libos kiyganini ko‘rsa, uning darajasi yaxshi ekaniga dalildir. Agar qora libosda ekanini ko‘rsa, ahvoli yomon ekaniga dalildir, Do‘zaxiylarning libosi qora bo‘ladi. Agar qizil libos kiyganini ko‘rsa, yomon bo‘lishiga dalildir. Agar sariq yoki ko‘k libosda ekanini ko‘rsa, tush ko‘ruvchiga g‘am va musibat yetishiga dalildir. Agar o‘lik eski janda libos kiyganini ko‘rsa, tush ko‘ruvchi bilan o‘lik orasida hayot paytida xusumat bo‘lgani, biroq haq o‘lik tomonidan bo‘lganiga dalildir. Ba’zi ta’birchilarning aytishicha, har kim tushida o‘likka libos kiygazganini ko‘rsa, ajali yaqin qolganini bildiradi.
ЎЛИКНИНГ ЛИБОСЛАРИ (МУРДАРО ЖОМАҲО) Ибн Сирин (р.а.)нинг айтишича, тушида ўликнинг яшил либос кийганини кўрса, дунёдан шаҳид бўлиб кетганига далилдир. Агар ўлик оқ либос кийганини кўрса, унинг даражаси яхши эканига далилдир. Агар қора либосда эканини кўрса, аҳволи ёмон эканига далилдир, Дўзахийларнинг либоси қора бўлади. Агар қизил либос кийганини кўрса, ёмон бўлишига далилдир. Агар сариқ ёки кўк либосда эканини кўрса, туш кўрувчига ғам ва мусибат етишига далилдир. Агар ўлик эски жанда либос кийганини кўрса, туш кўрувчи билан ўлик орасида ҳаёт пайтида хусумат бўлгани, бироқ ҳақ ўлик томонидан бўлганига далилдир. Баъзи таъбирчиларнинг айтишича, ҳар ким тушида ўликка либос кийгазганини кўрса, ажали яқин қолганини билдиради.
Tush.UZ - Tushlar tabiri