Tushda Buloq - Булоқ ko'rsa

BULOQ (ChASHMA) Ibn Sirin (r.a.)ning aytishicha, tushdagi buloq suvi xushta’m va xush bo‘y bo‘lsa sahovatli, bahshida etuvchi rahbarni bildiradi. Agar buloq suvi loyqa, iflos va noxush bo‘lsa g‘am, bemorlik va musibatga dalildir. Agar buloqdan mash qilayotganini ko‘rsa, g‘amdan qutilishiga dalildir. Agar buloq suvining ko‘payganini ko‘rsa, shu diyorda izzat, obro‘ va mardonalik ziyoda bo‘lishini bildiradi. Agar buloq suvining nuqson topganini ko‘rsa, ta’biri aksinchadir. Agar buloq suvining qurib qolganini ko‘rsa, bir oliyhimmat rahbarining bu diyordan rihlat qilishini bildiradi. Kirmoniy (r.a.) aytadiki, tushida uning uyi yoki do‘konida buloq paydo bo‘lganini ko‘rsa, unga g‘amu anduh va yig‘i shu buloq suvining mikdori va kuchiga qarab yuz ko‘rsatadi. Suvni tez oquvchi va yoqimsiz holda ko‘rsa, g‘amu anduh og‘irroq kechadi. Agar o‘sha buloq suvida yuzu qo‘lini yuvayotganini ko‘rsa, qul bo‘lsa ozod bo‘ladi, g‘amgin bo‘lsa g‘amdan qutuladi, bemor bo‘lsa shifo topadi, qarzdor bo‘lsa qarzidan qutuladi, gunohkor bo‘lsa tavba qiladi, Haj qilmagan bo‘lsa Haj qiladi. Jobir Mag‘ribiy (r.a.) aytadiki, tushdagi buloq tush egasining umriga dalolat qiladi, bu esa buloqdagi suvning miqdoriga muvofiq bo‘ladi, xususan, bu suvga qo‘lini urayotgan bo‘lsa. To‘xtab turgan suv ta’birda oqayotgan suvdan zaifdir. Ba’zi ta’birchilarning aytishicha, to‘xtab turgan buloq suvi, yaxshilikka va dinning sozligiga dalil bo‘ladi. Agar oqayotgan bo‘lsa g‘amu anduhga dalildir. Ja’far Sodiq (r.a.) aytadiki, tushdagi buloq suvi besh narsani bildiradi: oliyhimmat rahbarni; g‘amu anduhni; musibatni; bemorlikni; umr va hayotni.


БУЛОҚ (ЧАШМА) Ибн Сирин (р.а.)нинг айтишича, тушдаги булоқ суви хуштаъм ва хуш бўй бўлса саҳоватли, баҳшида этувчи раҳбарни билдиради. Агар булоқ суви лойқа, ифлос ва нохуш бўлса ғам, беморлик ва мусибатга далилдир. Агар булоқдан масҳ қилаётганини кўрса, ғамдан қутилишига далилдир. Агар булоқ сувининг кўпайганини кўрса, шу диёрда иззат, обрў ва мардоналик зиёда бўлишини билдиради. Агар булоқ сувининг нуқсон топганини кўрса, таъбири аксинчадир. Агар булоқ сувининг қуриб қолганини кўрса, бир олийҳиммат раҳбарининг бу диёрдан риҳлат қилишини билдиради. Кирмоний (р.а.) айтадики, тушида унинг уйи ёки дўконида булоқ пайдо бўлганини кўрса, унга ғаму андуҳ ва йиғи шу булоқ сувининг микдори ва кучига қараб юз кўрсатади. Сувни тез оқувчи ва ёқимсиз ҳолда кўрса, ғаму андуҳ оғирроқ кечади. Агар ўша булоқ сувида юзу қўлини юваётганини кўрса, қул бўлса озод бўлади, ғамгин бўлса ғамдан қутулади, бемор бўлса шифо топади, қарздор бўлса қарзидан қутулади, гуноҳкор бўлса тавба қилади, Ҳаж қилмаган бўлса Ҳаж қилади. Жобир Мағрибий (р.а.) айтадики, тушдаги булоқ туш эгасининг умрига далолат қилади, бу эса булоқдаги сувнинг миқдорига мувофиқ бўлади, хусусан, бу сувга қўлини ураётган бўлса. Тўхтаб турган сув таъбирда оқаётган сувдан заифдир. Баъзи таъбирчиларнинг айтишича, тўхтаб турган булоқ суви, яхшиликка ва диннинг созлигига далил бўлади. Агар оқаётган бўлса ғаму андуҳга далилдир. Жаъфар Содиқ (р.а.) айтадики, тушдаги булоқ суви беш нарсани билдиради: олийҳиммат раҳбарни; ғаму андуҳни; мусибатни; беморликни; умр ва ҳаётни.
Tush tabirini qidiring.
Tavsiya qilamiz
Loading...
Яндекс.Метрика