Tushda Bulut - Булут ko'rsa

BULUT (ABR) Doniyol (a.s.)ning aytishlaricha, tushda bulut ko‘rish olti xil bo‘ladi; oq bulut, qora bulut, sariq bulut, qizil bulut, yog‘adigan bulut, yog‘maydigan bulut va bularning har biri uchun alohida ta’bir bor. Kimki o‘zini yog‘uvchi oq bulut ostida ko‘rsa, Xudoyi azza va jalla unga ilmu hikmat ato qiladi, odamlarga esa uning ilmu hikmatidan manfaat yetadi. Agar sariq bulut ostida turganini ko‘rsa, bemor bo‘lishiga dalildir. Ba’zi ta’birchilarning aytishlaricha, bu odam xotin oladi va xotindan ranju alam va anduhlar ko‘radi. Qizil bulut ostida ko‘rsa, mehnat va baloga giriftor bo‘ladi, chunki Xudoyi azza va jalla qaysi qavmning ustiga azob yubormoqchi bo‘lsa, avvalo ularning ustida qizil bulut paydo bo‘lar edi. Bulut ustida tik turganini ko‘rsa, bulut miqdoricha amru farmonga ega bo‘ladi. Boshi ustidan bulut o‘tib ketayotganini ko‘rsa, yaxshi niyatli va yaxshi ahdli odam bilan suhbat quradi, undan murod hosil bo‘ladi. Ibn Sirin (r.a.) aytadi: Agar bulutni osmonda haydab yurganini ko‘rsa, uning ulamolar bilan suhbatda bo‘lishiga dalildir. Agar bu tushni podshoh ko‘rsa, o‘z viloyatiga elchilar va xabarchilarni yuboradi. Agar havodan bulutni olsa va yerga keltirsa, ishlari yaxshi bo‘lishi va ulug‘lik topishi va ilm hosil qilishiga dalil bo‘ladi. Bulut boshiga soya solayotganini ko‘rsa, o‘sha yili xayru ne’matni ko‘p topishiga dalildir. Agar bulutdan libos to‘qib, uni kiyganini ko‘rsa, hech kimda bo‘lmagan katta ilm hosil qilishga dalildir. Agar bulut tamomi olamni qoplab olganini ko‘rsa, lekin hech yomg‘ir bo‘lmasa, yomon ahvolga dalildir. Kirmoniy (r.a.)ning aytishicha, agar bulutni to‘plaganini yo ko‘tarib olganini yoki yeganini ko‘rsa, hokimlar orasida izzatli bo‘ladi va ilmda yagona bo‘ladi. Jobir Mag‘ribiy (r.a.) aytadi: Agar bulutni yeyayotganini ko‘rsa, uning rizq ro‘zi hikmat orqali bo‘ladi. Yomg‘irli bulut ko‘rsa, rahmat va xayriyatga dalildir. Yomg‘ir suvini ichayotganini ko‘rsa, ichgani mikdoricha unga rahmat va yaxshilik topishiga dalolat qiladi. Agar yomg‘ir va momaqaldiroq kuchli ekanini ko‘rsa, ota-ona yoki musulmonlar duosidan qo‘rqinch yuz berishiga dalildir. Agar momaqaldiroq bilan chaqmoqni birga ko‘rsa, bu azob qattiqroq va kuchliroq bo‘lishiga dalildir. Uning uyi va o‘tiradigan joyiga bulut yoyib qo‘yilganini ko‘rsa, farzandi va ahli oilasi uchun hikmat va ilm bo‘lishiga dalolat qiladi. Hazrati Sodiq (r.a.)ning aytishicha, tushida bulut ko‘rsa, to‘qqiz dalilga ega bo‘ladi: hikmatga; hukmdorlikka; podshohlikka; rahmatga; parxezgarlikka; azobga; qahatchilikka; ofatga va fitnaga. Ismoil Apgas (r.a.) aytadi: Qora bulut qattiq qo‘rqinch va vahimaga, yomg‘irli bulut yaxshilik va kengchilikka dalil bo‘ladi.


БУЛУТ (АБР) Дониёл (а.с.)нинг айтишларича, тушда булут кўриш олти хил бўлади; оқ булут, қора булут, сариқ булут, қизил булут, ёғадиган булут, ёғмайдиган булут ва буларнинг ҳар бири учун алоҳида таъбир бор. Кимки ўзини ёғувчи оқ булут остида кўрса, Худойи азза ва жалла унга илму ҳикмат ато қилади, одамларга эса унинг илму ҳикматидан манфаат етади. Агар сариқ булут остида турганини кўрса, бемор бўлишига далилдир. Баъзи таъбирчиларнинг айтишларича, бу одам хотин олади ва хотиндан ранжу алам ва андуҳлар кўради. Қизил булут остида кўрса, меҳнат ва балога гирифтор бўлади, чунки Худойи азза ва жалла қайси қавмнинг устига азоб юбормоқчи бўлса, аввало уларнинг устида қизил булут пайдо бўлар эди. Булут устида тик турганини кўрса, булут миқдорича амру фармонга эга бўлади. Боши устидан булут ўтиб кетаётганини кўрса, яхши ниятли ва яхши аҳдли одам билан суҳбат қуради, ундан мурод ҳосил бўлади. Ибн Сирин (р.а.) айтади: Агар булутни осмонда ҳайдаб юрганини кўрса, унинг уламолар билан суҳбатда бўлишига далилдир. Агар бу тушни подшоҳ кўрса, ўз вилоятига элчилар ва хабарчиларни юборади. Агар ҳаводан булутни олса ва ерга келтирса, ишлари яхши бўлиши ва улуғлик топиши ва илм ҳосил қилишига далил бўлади. Булут бошига соя солаётганини кўрса, ўша йили хайру неъматни кўп топишига далилдир. Агар булутдан либос тўқиб, уни кийганини кўрса, ҳеч кимда бўлмаган катта илм ҳосил қилишга далилдир. Агар булут тамоми оламни қоплаб олганини кўрса, лекин ҳеч ёмғир бўлмаса, ёмон аҳволга далилдир. Кирмоний (р.а.)нинг айтишича, агар булутни тўплаганини ё кўтариб олганини ёки еганини кўрса, ҳокимлар орасида иззатли бўлади ва илмда ягона бўлади. Жобир Мағрибий (р.а.) айтади: Агар булутни еяётганини кўрса, унинг ризқ рўзи ҳикмат орқали бўлади. Ёмғирли булут кўрса, раҳмат ва хайриятга далилдир. Ёмғир сувини ичаётганини кўрса, ичгани микдорича унга раҳмат ва яхшилик топишига далолат қилади. Агар ёмғир ва момақалдироқ кучли эканини кўрса, ота-она ёки мусулмонлар дуосидан қўрқинч юз беришига далилдир. Агар момақалдироқ билан чақмоқни бирга кўрса, бу азоб қаттиқроқ ва кучлироқ бўлишига далилдир. Унинг уйи ва ўтирадиган жойига булут ёйиб қўйилганини кўрса, фарзанди ва аҳли оиласи учун ҳикмат ва илм бўлишига далолат қилади. Ҳазрати Содиқ (р.а.)нинг айтишича, тушида булут кўрса, тўққиз далилга эга бўлади: ҳикматга; ҳукмдорликка; подшоҳликка; раҳматга; пархезгарликка; азобга; қаҳатчиликка; офатга ва фитнага. Исмоил Апгьас (р.а.) айтади: Қора булут қаттиқ қўрқинч ва ваҳимага, ёмғирли булут яхшилик ва кенгчиликка далил бўлади.
Tush tabirini qidiring.
Tavsiya qilamiz
Loading...
Яндекс.Метрика