QO‘L (DAST) Doniyol (a.s.) aytadilarki, o‘ng qo‘l aka-ukani, chap qo‘l opa-singilni bildiradi. Tushida o‘ng qo‘lini uzayib qolganini ko‘rsa, aka-ukasining yoki sherigining ishlari yaxshi bo‘lishiga dalildir. Tushida ikki qo‘lining qisqarib qolganini ko‘rsa, aka-uka, opa-singillari undan yuz o‘girishini bildiradi. Tushida har ikki qo‘lining kesilganini va yerda yotganini ko‘rsa, aka-uka va opa-singillari undan tiriklikda judo bo‘lishlarini bildiradi. Agar ikki qo‘lini siynasiga qo‘yib turganini tush ko‘rsa, do‘stlari uchun g‘am yeyishini bildiradi. Tushida bir gurux, odamlar ichida turganini va ular qarsak chalayotganlarini ko‘rsa, o‘sha yerdan kelin olishini bildiradi. Tushida o‘zi yolg‘iz qarsak chalayotganini va xursandchilik qilayotganini ko‘rsa, g‘amu anduh yetishiga dalildir. Tushida qozi yoki sulton uning o‘ng qo‘lini kesganini ko‘rsa, Ibn Sirin (r.a.) qavli bo‘yicha, akasi yoki ukasi, opasi yoki singlisining yoxud farzandining o‘limiga dalil bo‘ladi. Agar ikki qo‘lining kesilganini ko‘rsa, kasbidan va murodidan benasib bo‘lishini bildiradi. Tushida bir qo‘li bilan ikkinchi qo‘lining terisini shilayotganini ko‘rsa, o‘z odamlariga jafo va zulm qilishiga dalildir. Tushida o‘z qo‘lini pichoq bilan kesayotganini ko‘rsa, biror kishi bilan xusumatlashishi yoki ko‘ngli biror odamga mashg‘ul ekanligiga dalildir. Alloh ta’olo aytadi: Vaqtiki, ular Yusufni ko‘rdilar, hayratda qoldilar va qo‘llarini kesib oldilar (Yusuf surasi, 31-oyat). Agar qo‘llarining kaftini bir-biriga ishqayotganini ko‘rsa, qarindoshiga uylanishini bildiradi. Tushida bir qo‘lini kesganlarini va dorga osganlarini ko‘rsa, o‘sha yer amirlari ishdan ketishiga dalildir. Tushida hayvonlarga o‘xshab, to‘rt oyoqlab yurayotganini va yuzlari osmonga qaraganini ko‘rsa, qiyin orzulari borligini va ularga g‘oyat qiynalib yetishiga dalildir. Tushida qo‘llari onadan tug‘ilgan paytdan boshlab qurib qolganini (ya’ni ishlamasligani) ko‘rsa, sadaqa berish va xayru ehson qilishdan qolganini bildiradi. Kirmoniy (r.a.) aytadiki, tushida qo‘llari nina bilan tikilganini ko‘rsa, himmati ilmu donishga qaratilganini bildiradi. Tushida qo‘li kesilganini, biroq o‘ng yoki chap qo‘li ekanini bilmasa, musibat yetishiga dalildir. Tushida qo‘li kesilganini, o‘zi Qur’on o‘qiyotganini ko‘rsa, ma’siyatdan qo‘l tortishini bildiradi. Ta’birchilarning aytishlaricha, tushda qo‘l kesilishi umrning uzoq bo‘lishi, isyonni tark etishi, xayrli ishlar bilan mashg‘ul bo‘lishiga dalildir. Tushida o‘ng qo‘lini birorta gunoh uchun kesilganini ko‘rsa, uning yolg‘onchi va bediyonat ekaniga dalildir. Jobir Mag‘ribiy (r.a.) aytadiki, tushda qo‘llarini bo‘yniga chambarak qilganini ko‘rsa, yaxshi ishlarni qilishi, namoz, toat, Qaj va g‘azo amallarini bajarishi va yoqimli ishlarni bajo keltirishiga dalildir. Agar o‘ng qo‘lini kesilganini tush ko‘rsa, yolg‘on qasam ichishiga dalildir. Tushida uning qo‘lini tanidan olib, podshohning taniga o‘tqizganlarini ko‘rsa, podshoh yaxshi bo‘lsa, xayriyatlar va din durustligi bo‘ladi, bordi-yu podshoh yomon va bediyonat bo‘lsa, dinda buzuqlik va nosozlik bo‘ladi. Tushida bir qo‘lining ikkinchi qo‘lidan uzunroq bo‘lib qolganini ko‘rsa, quvvat, izzat va nimaki qidirayotgan bo‘lsa, uni topadi. Tushida ikki qo‘li bilan yurib ketayotganini ko‘rsa, ishlariga ishonch qolmaganiga dalildir. Ta’birchilarning aytishicha, qarindoshlaridan foyda topadi. Tushida qo‘lu oyoqlari u bilan gaplashayotganlarini ko‘rsa, xayoti yaxshi bo‘lishini bildiradi. Ismoil Ang’as (r.a.)ning aytishicha, tushida qo‘llari podshoh qo‘li bo‘lib qolganini ko‘rsa, ulug‘lik va podshohlik topishiga dalildir. Tushida o‘ng qo‘li oltindan bo‘lib qolganini ko‘rsa, davlati qo‘ldan ketishini bildiradi. Tushida qo‘lini ishqor va sovun bilan yuvayotganini ko‘rsa, umidsizlikka tushishini bildiradi. Tushida ta’biri yaxshi hisoblanadigan biror jonivor chap qo‘lidan chiqib, o‘ng qo‘liga kirib ketganini yoki o‘ng qo‘lidan chiqib, chap qo‘liga kirib ketganini ko‘rsa, g‘amdan qutilishiga dalildir va ishlarining oqibati soz bo‘lishini bildiradi. Agar bu jonivor ta’birda yomon bo‘lsa, bir zaif odamga yomonlik ko‘rsatishiga dalildir. Tushida qo‘li ishlamay qolganini ko‘rsa, buzuq ish bobida suhbat qo‘rishiga dalildir. Tushida bir odam uning qo‘lini qo‘liga olsa yoki qo‘lini bo‘yniga tashlasa, u odam xoh tirik, xoh o‘lik bo‘lsin, tush sohibining umri uzun bo‘lishiga dalildir. Tushida birorta mushrik (g‘ayridin) qo‘liga qo‘llarini qo‘yayotganini ko‘rsa, o‘sha mushrik bu odam qo‘lida musulmon bo‘lishini bildiradi. J a’f ar Sodiq (r.a.) aytadiki, tushdagi qo‘l o‘n-ikki narsaga dalildir: aka-ukaga; opa-singilga; sherikka; do‘stga; farzandga; yo‘ldoshga; quvvatga; qodirlikka; rahbarlikka; molga; ulfatga; hunar va san’atga.
ҚЎЛ (ДАСТ) Дониёл (а.с.) айтадиларки, ўнг қўл ака-укани, чап қўл опа-сингилни билдиради. Тушида ўнг қўлини узайиб қолганини кўрса, ака-укасининг ёки шеригининг ишлари яхши бўлишига далилдир. Тушида икки қўлининг қисқариб қолганини кўрса, ака-ука, опа-сингиллари ундан юз ўгиришини билдиради. Тушида ҳар икки қўлининг кесилганини ва ерда ётганини кўрса, ака-ука ва опа-сингиллари ундан тирикликда жудо бўлишларини билдиради. Агар икки қўлини сийнасига қўйиб турганини туш кўрса, дўстлари учун ғам ейишини билдиради. Тушида бир гурух, одамлар ичида турганини ва улар қарсак чалаётганларини кўрса, ўша ердан келин олишини билдиради. Тушида ўзи ёлғиз қарсак чалаётганини ва хурсандчилик қилаётганини кўрса, ғаму андуҳ етишига далилдир. Тушида қози ёки султон унинг ўнг қўлини кесганини кўрса, Ибн Сирин (р.а.) қавли бўйича, акаси ёки укаси, опаси ёки синглисининг ёхуд фарзандининг ўлимига далил бўлади. Агар икки қўлининг кесилганини кўрса, касбидан ва муродидан бенасиб бўлишини билдиради. Тушида бир қўли билан иккинчи қўлининг терисини шилаётганини кўрса, ўз одамларига жафо ва зулм қилишига далилдир. Тушида ўз қўлини пичоқ билан кесаётганини кўрса, бирор киши билан хусуматлашиши ёки кўнгли бирор одамга машғул эканлигига далилдир. Аллоҳ таъоло айтади: Вақтики, улар Юсуфни кўрдилар, ҳайратда қолдилар ва қўлларини кесиб олдилар (Юсуф сураси, 31-оят). Агар қўлларининг кафтини бир-бирига ишқаётганини кўрса, қариндошига уйланишини билдиради. Тушида бир қўлини кесганларини ва дорга осганларини кўрса, ўша ер амирлари ишдан кетишига далилдир. Тушида ҳайвонларга ўхшаб, тўрт оёқлаб юраётганини ва юзлари осмонга қараганини кўрса, қийин орзулари борлигини ва уларга ғоят қийналиб етишига далилдир. Тушида қўллари онадан туғилган пайтдан бошлаб қуриб қолганини (яъни ишламаслигани) кўрса, садақа бериш ва хайру эҳсон қилишдан қолганини билдиради. Кирмоний (р.а.) айтадики, тушида қўллари нина билан тикилганини кўрса, ҳиммати илму донишга қаратилганини билдиради. Тушида қўли кесилганини, бироқ ўнг ёки чап қўли эканини билмаса, мусибат етишига далилдир. Тушида қўли кесилганини, ўзи Қуръон ўқиётганини кўрса, маъсиятдан қўл тортишини билдиради. Таъбирчиларнинг айтишларича, тушда қўл кесилиши умрнинг узоқ бўлиши, исённи тарк этиши, хайрли ишлар билан машғул бўлишига далилдир. Тушида ўнг қўлини бирорта гуноҳ учун кесилганини кўрса, унинг ёлғончи ва бедиёнат эканига далилдир. Жобир Мағрибий (р.а.) айтадики, тушда қўлларини бўйнига чамбарак қилганини кўрса, яхши ишларни қилиши, намоз, тоат, Қаж ва ғазо амалларини бажариши ва ёқимли ишларни бажо келтиришига далилдир. Агар ўнг қўлини кесилганини туш кўрса, ёлғон қасам ичишига далилдир. Тушида унинг қўлини танидан олиб, подшоҳнинг танига ўтқизганларини кўрса, подшоҳ яхши бўлса, хайриятлар ва дин дурустлиги бўлади, борди-ю подшоҳ ёмон ва бедиёнат бўлса, динда бузуқлик ва носозлик бўлади. Тушида бир қўлининг иккинчи қўлидан узунроқ бўлиб қолганини кўрса, қувват, иззат ва нимаки қидираётган бўлса, уни топади. Тушида икки қўли билан юриб кетаётганини кўрса, ишларига ишонч қолмаганига далилдир. Таъбирчиларнинг айтишича, қариндошларидан фойда топади. Тушида қўлу оёқлари у билан гаплашаётганларини кўрса, хаёти яхши бўлишини билдиради. Исмоил Ангъас (р.а.)нинг айтишича, тушида қўллари подшоҳ қўли бўлиб қолганини кўрса, улуғлик ва подшоҳлик топишига далилдир. Тушида ўнг қўли олтиндан бўлиб қолганини кўрса, давлати қўлдан кетишини билдиради. Тушида қўлини ишқор ва совун билан юваётганини кўрса, умидсизликка тушишини билдиради. Тушида таъбири яхши ҳисобланадиган бирор жонивор чап қўлидан чиқиб, ўнг қўлига кириб кетганини ёки ўнг қўлидан чиқиб, чап қўлига кириб кетганини кўрса, ғамдан қутилишига далилдир ва ишларининг оқибати соз бўлишини билдиради. Агар бу жонивор таъбирда ёмон бўлса, бир заиф одамга ёмонлик кўрсатишига далилдир. Тушида қўли ишламай қолганини кўрса, бузуқ иш бобида суҳбат қўришига далилдир. Тушида бир одам унинг қўлини қўлига олса ёки қўлини бўйнига ташласа, у одам хоҳ тирик, хоҳ ўлик бўлсин, туш соҳибининг умри узун бўлишига далилдир. Тушида бирорта мушрик (ғайридин) қўлига қўлларини қўяётганини кўрса, ўша мушрик бу одам қўлида мусулмон бўлишини билдиради. Ж аъф ар Содиқ (р.а.) айтадики, тушдаги қўл ўн-икки нарсага далилдир: ака-укага; опа-сингилга; шерикка; дўстга; фарзандга; йўлдошга; қувватга; қодирликка; раҳбарликка; молга; улфатга; ҳунар ва санъатга.
Tush.UZ - Tushlar tabiri