.

Tushda Daryo - Дарё ko'rsa

DARYO Ibn Sirin (r.a.) aytadi: Tushdagi, daryo podshoh yoki ulug‘ olim bo‘ladi. Daryo suvi ravshan, toza va xushta’m bo‘lsa, porso, odil va sofdil podshoh bo‘ladi. Daryo suvi noxush va bemaza bo‘lsa, zolim va yomon podshoh bo‘ladi. Daryo suvidan ichsa, podshohdan izzat va ulug‘lik topadi yoki biror olimdan bahramand bo‘ladi. Daryo suvidan olib, ko‘zaga quyayotganini ko‘rsa, o‘sha mikdorda podshohdan manfaat topadi. Daryoga tushib ketsa va badani loyga belansa, podshohdan unga g‘amu anduh yetadi. Badanini loydan yuvib tozalasa, g‘amu anduh undan zoyil bo‘ladi. Daryo suvida suzayotganini ko‘rsa, podshoh uni hibsga oladi. Daryodan suzib daryodan chiqqanini ko‘rsa, hibsdan ozod bo‘lishiga dalil bo‘ladi. Daryoda cho‘kib o‘lganini ko‘rsa, din ishlariga g‘arq bo‘lishiga dalildir. Uzokdan daryoni ko‘rsa, biroq oldiga bormasa, ko‘zlagan maqsadiga yetishiga dalil bo‘ladi. Daryo ustida yurib ketayotganini, biroq oyog‘i ho‘l bo‘lmayotganini ko‘rsa, Do‘zax o‘tidan omon bo‘lishiga va dunyo ishlari uning uchun oson bo‘lishiga dalolat qiladi. Daryoning o‘rtasiga borganini ko‘rsa, ishlarida xatar borligiga dalildir. Daryodan chiqqanini ko‘rsa, g‘amdan qutilishiga belgidir. Daryodan suv ichganini, suv esa sovuq ekanini ko‘rsa, tush ko‘ruvchining o‘zi olim bo‘lsa, hayotdan to‘la bahramand bo‘ladi, agar ko‘ruvchi olim bo‘lmasa, aksincha bo‘ladi. Alloh ta’olo aytadi: Ayting (ey Muhammad): Bordiyu dengiz (suvi) Rabbimning so‘zlari (ilmu hikmatlarini bitish) uchun siyoh bo‘lsa va yana shuncha siyoh keltirsak ham, Rabbimning so‘zlari bitishidan ilgari u dengizlar tugab bitar (Kahf surasi, 109-oyat). Agar tush ko‘ruvchi podshoh odamlaridan bo‘lsa, podshohning ishonchli kishisiga aylanadi. Daryo suvi bilan yuvinsa, podshohdan omon bo‘lishiga dalildir. Daryo suvidan ichsa suv issiq bo‘lsa, gunoh qilishiga dalolat qiladi. Alloh ta’olo aytadi: Uni yutmoqchi bo‘ladi-yu, (tomog‘idan) o‘tkaza olmas, unga har tomondan o‘lim keladi-yu, u o‘la olmas. Uning ortida (bundan ham) og‘ir azob bordir (Ibrohim surasi, 17-oyat). Jobir Mag‘ribiy (r.a.) aytadi: Agar kishi daryoda ketayotganini ko‘rsa, toatda tavfiq topadi, omonatdan qutiladi. Daryodan o‘tganini ko‘rsa, dushman ustidan g‘alaba qazonishiga dalildir. Ja’far Sodiqning aytishicha, tushdagi daryo olti narsaga belgi bo‘ladi: podshohga; hokimga; raisga; molga; olim va ulug‘ ishga.


ДАРЁ Ибн Сирин (р.а.) айтади: Тушдаги, дарё подшоҳ ёки улуғ олим бўлади. Дарё суви равшан, тоза ва хуштаъм бўлса, порсо, одил ва софдил подшоҳ бўлади. Дарё суви нохуш ва бемаза бўлса, золим ва ёмон подшоҳ бўлади. Дарё сувидан ичса, подшоҳдан иззат ва улуғлик топади ёки бирор олимдан баҳраманд бўлади. Дарё сувидан олиб, кўзага қуяётганини кўрса, ўша микдорда подшоҳдан манфаат топади. Дарёга тушиб кетса ва бадани лойга беланса, подшоҳдан унга ғаму андуҳ етади. Баданини лойдан ювиб тозаласа, ғаму андуҳ ундан зойил бўлади. Дарё сувида сузаётганини кўрса, подшоҳ уни ҳибсга олади. Дарёдан сузиб дарёдан чиққанини кўрса, ҳибсдан озод бўлишига далил бўлади. Дарёда чўкиб ўлганини кўрса, дин ишларига ғарқ бўлишига далилдир. Узокдан дарёни кўрса, бироқ олдига бормаса, кўзлаган мақсадига етишига далил бўлади. Дарё устида юриб кетаётганини, бироқ оёғи ҳўл бўлмаётганини кўрса, Дўзах ўтидан омон бўлишига ва дунё ишлари унинг учун осон бўлишига далолат қилади. Дарёнинг ўртасига борганини кўрса, ишларида хатар борлигига далилдир. Дарёдан чиққанини кўрса, ғамдан қутилишига белгидир. Дарёдан сув ичганини, сув эса совуқ эканини кўрса, туш кўрувчининг ўзи олим бўлса, ҳаётдан тўла баҳраманд бўлади, агар кўрувчи олим бўлмаса, аксинча бўлади. Аллоҳ таъоло айтади: Айтинг (эй Муҳаммад): Бордию денгиз (суви) Раббимнинг сўзлари (илму ҳикматларини битиш) учун сиёҳ бўлса ва яна шунча сиёҳ келтирсак ҳам, Раббимнинг сўзлари битишидан илгари у денгизлар тугаб битар (Каҳф сураси, 109-оят). Агар туш кўрувчи подшоҳ одамларидан бўлса, подшоҳнинг ишончли кишисига айланади. Дарё суви билан ювинса, подшоҳдан омон бўлишига далилдир. Дарё сувидан ичса сув иссиқ бўлса, гуноҳ қилишига далолат қилади. Аллоҳ таъоло айтади: Уни ютмоқчи бўлади-ю, (томоғидан) ўтказа олмас, унга ҳар томондан ўлим келади-ю, у ўла олмас. Унинг ортида (бундан ҳам) оғир азоб бордир (Иброҳим сураси, 17-оят). Жобир Мағрибий (р.а.) айтади: Агар киши дарёда кетаётганини кўрса, тоатда тавфиқ топади, омонатдан қутилади. Дарёдан ўтганини кўрса, душман устидан ғалаба қазонишига далилдир. Жаъфар Содиқнинг айтишича, тушдаги дарё олти нарсага белги бўлади: подшоҳга; ҳокимга; раисга; молга; олим ва улуғ ишга.
Tush tabirini qidiring.
Tavsiya qilamiz
.
. .
Яндекс.Метрика