Tushda Anor - Анор ko'rsa

ANOR Doniyol (a.s.) aytadilarki, tushdagi anor aslida mol bo‘ladi. Lekin bu odamning himmati mikdoriga muvofiq bo‘lib, xususan o‘z vaqtida bo‘lsa yuqoridagi natijani beradi, agar o‘z vaqtida bo‘lmasa ta’biri yomon bo‘ladi. Anorni daraxtdan uzib olganini va yeganini ko‘rsa, zebo yuzli bir ayoldan foyda topishini bildiradi. Ibn Sirin (r.a.)ning aytishicha, tushda shirin anorni ko‘rsa, mol jam qilishiga dalil bo‘ladi. Ba’zi ta’birchilarning fikricha, tushda bir dona shirin anor yeganini ko‘rsa, ming dirham pul topishiga dalildir. Achchiq anor g‘amni bildiradi. Agar anorning achchiq yoki shirinligini bilmasa shirin anorga ta’bir qilinadi. Jobir Mag‘ribiy (r.a.) aytadiki, har kim tushida shirin anorni yesa va u o‘z vaqtida bo‘lsa, ming dirham pul topishiga dalildir. Achchiqligi kamroq anor bo‘lsa, ellik dirham topishiga dalildir. Demak ta’birni tush ko‘ruvchining himmati va e’tiboriga muvofiq ta’bir qilish kerak. Agar har kim qish faslida anor yeyayotganini ko‘rsa, yegan har bir donasi hisobida tayoq yeydi. Achchiq anorni xoh vaqtida bo‘lsin, xoh bevaqt bo‘lsin, yemoq yomondir. Shirin anorning hukmi o‘rtachadir. Kirmoniy (r.a.) aytadiki, har kim shirin anorni o‘z vaqtida yeganini ko‘rsa, bordi-yu u savdogar bo‘lsa molu matosi ko‘payadi, musofir bo‘lsa, safari muborak bo‘ladi va foyda topishiga dalildir. Anor donalarini topib olsa yoki biror kishi unga berganini ko‘rsa, u kishiga ranj yetishiga dalildir. Bu vaqtida bo‘lsa ham bo‘lmasa ham shirin anorni po‘sti va pardalari bilan yeyayotganini ko‘rsa, barcha narsalardan bahramandlik topishiga dalildir. Ja’far Sodiq (r.a.) aytadiki, tushda anor yemoq uch narsani bildiradi: yig‘ilgan molni; porso ayolni va obod shaharni. Ismoil Ash’as (r.a.)ning aytishicha, agar podshoh anori borligini ko‘rsa, viloyat yoki shahar topadi. Rais ko‘rsa, qishloq bo‘ladi, savdogar ko‘rsa, ming dirham topadi, kambag‘al kishilar ko‘rsa, o‘n dirham yoki bir dirham bildiradi.


АНОР Дониёл (а.с.) айтадиларки, тушдаги анор аслида мол бўлади. Лекин бу одамнинг ҳиммати микдорига мувофиқ бўлиб, хусусан ўз вақтида бўлса юқоридаги натижани беради, агар ўз вақтида бўлмаса таъбири ёмон бўлади. Анорни дарахтдан узиб олганини ва еганини кўрса, зебо юзли бир аёлдан фойда топишини билдиради. Ибн Сирин (р.а.)нинг айтишича, тушда ширин анорни кўрса, мол жам қилишига далил бўлади. Баъзи таъбирчиларнинг фикрича, тушда бир дона ширин анор еганини кўрса, минг дирҳам пул топишига далилдир. Аччиқ анор ғамни билдиради. Агар анорнинг аччиқ ёки ширинлигини билмаса ширин анорга таъбир қилинади. Жобир Мағрибий (р.а.) айтадики, ҳар ким тушида ширин анорни еса ва у ўз вақтида бўлса, минг дирҳам пул топишига далилдир. Аччиқлиги камроқ анор бўлса, эллик дирҳам топишига далилдир. Демак таъбирни туш кўрувчининг ҳиммати ва эътиборига мувофиқ таъбир қилиш керак. Агар ҳар ким қиш фаслида анор еяётганини кўрса, еган ҳар бир донаси ҳисобида таёқ ейди. Аччиқ анорни хоҳ вақтида бўлсин, хоҳ бевақт бўлсин, емоқ ёмондир. Ширин анорнинг ҳукми ўртачадир. Кирмоний (р.а.) айтадики, ҳар ким ширин анорни ўз вақтида еганини кўрса, борди-ю у савдогар бўлса молу матоси кўпаяди, мусофир бўлса, сафари муборак бўлади ва фойда топишига далилдир. Анор доналарини топиб олса ёки бирор киши унга берганини кўрса, у кишига ранж етишига далилдир. Бу вақтида бўлса ҳам бўлмаса ҳам ширин анорни пўсти ва пардалари билан еяётганини кўрса, барча нарсалардан баҳрамандлик топишига далилдир. Жаъфар Содиқ (р.а.) айтадики, тушда анор емоқ уч нарсани билдиради: йиғилган молни; порсо аёлни ва обод шаҳарни. Исмоил Ашъас (р.а.)нинг айтишича, агар подшоҳ анори борлигини кўрса, вилоят ёки шаҳар топади. Раис кўрса, қишлоқ бўлади, савдогар кўрса, минг дирҳам топади, камбағал кишилар кўрса, ўн дирҳам ёки бир дирҳам билдиради.
Tush tabirini qidiring.
Tavsiya qilamiz
. .
Яндекс.Метрика