.

Tushda Yomg‘ir - Ёмғир ko'rsa

YOMG‘IR (BORON) — Doniyol (r.a.)ning aytishicha, tushdagi yomg‘ir Xudoyi ta’olo tomonidan bandalariga yetuvchi rahmat va barakatga dalolat qiladi, bordi-yu, yomg‘ir umumiy bo‘lsa va barcha joyga yog‘sa. Alloh ta’olo aytadi: U (odamlar) umidsizlikka tushganlaridan keyin yomg‘ir yog‘diradigan va O‘z rahmat (barakot)ini keng yoyadigan zotdir. . . (Sho‘ro surasi, 28-oyat). Yomg‘irni o‘z vaqtida, odamlar yomg‘ir kutayotgan paytda yoqqanini ko‘rsa, yaxshi bo‘ladi. Ammo yomg‘ir bir joyga xos bo‘lsa, chunonchi, bir ko‘chaga qattiq yog‘sa, boshqa joylarga yog‘masa, o‘sha joy odamlariga ranju bemorlik va og‘irlik yetishiga dalildir. Yomg‘irni ohista yog‘ayotganini ko‘rsa, o‘sha mavze ahliga xayru manfaat yetishiga dalil bo‘ladi. Yilning avvali yoki oyning avvalida yomg‘ir yog‘ayotganini ko‘rsa, o‘sha yili yoki o‘sha oyda farovonlik va ne’mat ziyoda bo‘lishiga dalolat qiladi. Yomg‘irning loyqa va qattiq ekanini ko‘rsa, bemorlikdan halok bo‘lishiga dalildir. Ibn Sirin (r.a.) aytadi: Yomg‘irning qattiq yog‘ayotganini, biroq o‘z vaqtida emasligini ko‘rsa, o‘sha kunlarda lashkardan ranju balo yetadi. Yomg‘ir boshiga yog‘ayotganini ko‘rsa, safarga borishi va ko‘p foydalar olib qaytishiga dalildir. Yomg‘ir odamlar boshiga xuddi to‘fon kabi yog‘ayotganini ko‘rsa, o‘sha diyorda nauvzubillah, fojeaviy o‘limlar yuz berishiga dalolat qiladi. Yomg‘irning har tomchisidan ovoz kelayotganini ko‘rsa, uning izzat va obro‘si ziyoda bo‘ladi. Kirmoniy (r.a.) aytadi: Yomg‘ir o‘rniga asal yog‘ayotganini ko‘rsa, o‘sha diyorda boylik va ne’mat farovon bo‘ladi. Yomg‘ir suvidan ichayotganini ko‘rsa, suv toza va sof bo‘lsa, suv mikdoriga qarab, sozlik va rohat topadi. Loyqa va noxush bo‘lsa, shunga yarasha ranj va bemorlik tortadi. Sodiq (r.a.)ning marhamat qilishlaricha, tushda yomg‘ir ko‘rish o‘n ikki narsaga belgi bo‘ladi: rahmatga; barakatga; dodiga yetishni tilashga; ranju bemorlikka; baloga; jangu jadalga; qon to‘kishga; fitnaga; ochlikka; omonlik topishga; kofirlikka va yolg‘onga.


ЁМҒИР (БОРОН) — Дониёл (р.а.)нинг айтишича, тушдаги ёмғир Худойи таъоло томонидан бандаларига етувчи раҳмат ва баракатга далолат қилади, борди-ю, ёмғир умумий бўлса ва барча жойга ёғса. Аллоҳ таъоло айтади: У (одамлар) умидсизликка тушганларидан кейин ёмғир ёғдирадиган ва Ўз раҳмат (баракот)ини кенг ёядиган зотдир. . . (Шўро сураси, 28-оят). Ёмғирни ўз вақтида, одамлар ёмғир кутаётган пайтда ёққанини кўрса, яхши бўлади. Аммо ёмғир бир жойга хос бўлса, чунончи, бир кўчага қаттиқ ёғса, бошқа жойларга ёғмаса, ўша жой одамларига ранжу беморлик ва оғирлик етишига далилдир. Ёмғирни оҳиста ёғаётганини кўрса, ўша мавзе аҳлига хайру манфаат етишига далил бўлади. Йилнинг аввали ёки ойнинг аввалида ёмғир ёғаётганини кўрса, ўша йили ёки ўша ойда фаровонлик ва неъмат зиёда бўлишига далолат қилади. Ёмғирнинг лойқа ва қаттиқ эканини кўрса, беморликдан ҳалок бўлишига далилдир. Ибн Сирин (р.а.) айтади: Ёмғирнинг қаттиқ ёғаётганини, бироқ ўз вақтида эмаслигини кўрса, ўша кунларда лашкардан ранжу бало етади. Ёмғир бошига ёғаётганини кўрса, сафарга бориши ва кўп фойдалар олиб қайтишига далилдир. Ёмғир одамлар бошига худди тўфон каби ёғаётганини кўрса, ўша диёрда наувзубиллаҳ, фожеавий ўлимлар юз беришига далолат қилади. Ёмғирнинг ҳар томчисидан овоз келаётганини кўрса, унинг иззат ва обрўси зиёда бўлади. Кирмоний (р.а.) айтади: Ёмғир ўрнига асал ёғаётганини кўрса, ўша диёрда бойлик ва неъмат фаровон бўлади. Ёмғир сувидан ичаётганини кўрса, сув тоза ва соф бўлса, сув микдорига қараб, созлик ва роҳат топади. Лойқа ва нохуш бўлса, шунга яраша ранж ва беморлик тортади. Содиқ (р.а.)нинг марҳамат қилишларича, тушда ёмғир кўриш ўн икки нарсага белги бўлади: раҳматга; баракатга; додига етишни тилашга; ранжу беморликка; балога; жангу жадалга; қон тўкишга; фитнага; очликка; омонлик топишга; кофирликка ва ёлғонга.
Tush tabirini qidiring.
Tavsiya qilamiz
.
. .
Яндекс.Метрика