.

Tushda Jannat - Жаннат ko'rsa

JANNAT (BIHISHT) Ibn Sirin (r.a.) aytadiki, tushida Jannatni ko‘rmoq shodu xurramlikka dalildir va Alloh ta’olodan mujda (xushxabar) bo‘ladi. Alloh ta’olo aytadi: U (yer)ga sog‘-salomat, tinch-omon kiringlar (deyilur) (Hijr surasi, 46-oyat). Jannat mevalaridan olganini yoki kimdir unga berganini va mevalardan yeganini ko‘rsa, yegani mikdoriga muvofiq ilm o‘rganishiga va dinni chuqur anglashiga dalildir, biroq foydasi bo‘lmaydi. Agar Jannat hurlari bilan birga bo‘lganini ko‘rsa, uni jon berishi oson bo‘lishiga dalildir. Agar Jannatda muqim bo‘lib qolmoqchi bo‘lganini, lekin unga ruxsat bermaganliklarini ko‘rsa, dunyoda uning mayli fasod va isyon ishlarga moyil bo‘lishiga dalildir. Agar Jannat eshigini uning uchun yopib qo‘yganlarini ko‘rsa, ota-onasi undan xafa ekanliklariga dalildir. Agar Jannatga yaqinlashib, yana orqasiga qaytganini ko‘rsa, o‘lim holatiga tushuvchi kasal bo‘lishiga, lekin shifo topishiga dalildir. Agar farishtalar uni Jannatga olib borish uchun qo‘llaridan tutsalar va Tubiy daraxtining ostiga o‘tirganini ko‘rsa, ikki dunyo murod-maqsadiga yetishiga dalildir. Alloh ta’olo aytadi: Imon keltirib, solih amallarni qilganlar uchun xushnudlik va go‘zal oqibat (jannat) bordir (Ra’d surasi, 29-oyat). Agar uni sut va sharbatlar ichishdan man qilgan bo‘lsalar, dinida nuqson paydo bo‘lishiga dalildir. Alloh ta’olo aytadi: . . .Kimki Allohga shirk keltirsa, albatta, unga Alloh jannatni harom qilur va borar joyi do‘zaxdir. . . (Moida surasi, 72-oyat). Agar kimdir unga Jannat mevalaridan berganini ko‘rsa, o‘sha kishi tufayli ilmdan bahramand bo‘lishiga dalildir. Agar Jannatga o‘t yoqib yuborganini ko‘rsa, biror kishining bog‘idan harom yeyishiga dalildir. Agar Kavsar hovuzidan suv ichganini ko‘rsa, dushman ustidan zafar topishiga dalil bo‘ladi. Agar Jannat ko‘shklaridan biri unga berilganini ko‘rsa, bir dilorom ayolga yoki kanizakka uylanishiga dalil bo‘ladi. Jobir Mag‘ribiy (r.a.) aytadiki, agar Jannat farishtasi undan shod va xurram ekanini ko‘rsa, biror kimsadan shodu xurramlik va ne’mat topadi. Alloh ta’olo Qur’oni Karimda aytadi: . . .Sizlarga salom! Xush keldingiz! Bas, unga mangu qoluv-chi bo‘lgan hollaringizda kiringiz, deganlarida(ular behad shodlanurlar). . . (Zumar surasi, 73-oyat). Agar Jannatga o‘xshagan chiroyli bir baland joyda turganini ko‘rsa va bu yerni Jannat ekan deb hayol qilayotgan bo‘lsa, bir odil podshoh bilan yoki biror boy kishi bilan yoxud bir ulug‘vor kishi bilan aloqa bog‘lashini bildiradi. Agar Jannat tomon ketayotganini ko‘rsa, X,aq yo‘liga kirishiga dalildir. Ja’far Sodiq (r.a.) aytadiki, tushda Jannatni ko‘rmoq to‘qqiz narsani bildiradi: ilmni; taqvoni; minnatni; shodlikni; bashoratni; omonlikni; xayru barakatni; ne’matni va saodatni. Agar tushida Jannatda yurganini ko‘rsa, ikki dunyo maqsadlariga yetganiga va qo‘liga ko‘p yaxshiliklar tushishiga dalildir. Biroq bu tushni solih odam ko‘rsa, kasallik yoki biror baloga mubtalo bo‘lishini bildiradi, bundan esa Bihisht ahlining savobini topadi hamda olim bo‘ladi, xalq esa uning ilmidan manfaat topadi.


ЖАННАТ (БИҲИШТ) Ибн Сирин (р.а.) айтадики, тушида Жаннатни кўрмоқ шоду хуррамликка далилдир ва Аллоҳ таъолодан мужда (хушхабар) бўлади. Аллоҳ таъоло айтади: У (ер)га соғ-саломат, тинч-омон киринглар (дейилур) (Ҳижр сураси, 46-оят). Жаннат меваларидан олганини ёки кимдир унга берганини ва мевалардан еганини кўрса, егани микдорига мувофиқ илм ўрганишига ва динни чуқур англашига далилдир, бироқ фойдаси бўлмайди. Агар Жаннат ҳурлари билан бирга бўлганини кўрса, уни жон бериши осон бўлишига далилдир. Агар Жаннатда муқим бўлиб қолмоқчи бўлганини, лекин унга рухсат бермаганликларини кўрса, дунёда унинг майли фасод ва исён ишларга мойил бўлишига далилдир. Агар Жаннат эшигини унинг учун ёпиб қўйганларини кўрса, ота-онаси ундан хафа эканликларига далилдир. Агар Жаннатга яқинлашиб, яна орқасига қайтганини кўрса, ўлим ҳолатига тушувчи касал бўлишига, лекин шифо топишига далилдир. Агар фаришталар уни Жаннатга олиб бориш учун қўлларидан тутсалар ва Тубий дарахтининг остига ўтирганини кўрса, икки дунё мурод-мақсадига етишига далилдир. Аллоҳ таъоло айтади: Имон келтириб, солиҳ амалларни қилганлар учун хушнудлик ва гўзал оқибат (жаннат) бордир (Раъд сураси, 29-оят). Агар уни сут ва шарбатлар ичишдан ман қилган бўлсалар, динида нуқсон пайдо бўлишига далилдир. Аллоҳ таъоло айтади: . . .Кимки Аллоҳга ширк келтирса, албатта, унга Аллоҳ жаннатни ҳаром қилур ва борар жойи дўзахдир. . . (Моида сураси, 72-оят). Агар кимдир унга Жаннат меваларидан берганини кўрса, ўша киши туфайли илмдан баҳраманд бўлишига далилдир. Агар Жаннатга ўт ёқиб юборганини кўрса, бирор кишининг боғидан ҳаром ейишига далилдир. Агар Кавсар ҳовузидан сув ичганини кўрса, душман устидан зафар топишига далил бўлади. Агар Жаннат кўшкларидан бири унга берилганини кўрса, бир дилором аёлга ёки канизакка уйланишига далил бўлади. Жобир Мағрибий (р.а.) айтадики, агар Жаннат фариштаси ундан шод ва хуррам эканини кўрса, бирор кимсадан шоду хуррамлик ва неъмат топади. Аллоҳ таъоло Қуръони Каримда айтади: . . .Сизларга салом! Хуш келдингиз! Бас, унга мангу қолув-чи бўлган ҳолларингизда кирингиз, деганларида(улар беҳад шодланурлар). . . (Зумар сураси, 73-оят). Агар Жаннатга ўхшаган чиройли бир баланд жойда турганини кўрса ва бу ерни Жаннат экан деб ҳаёл қилаётган бўлса, бир одил подшоҳ билан ёки бирор бой киши билан ёхуд бир улуғвор киши билан алоқа боғлашини билдиради. Агар Жаннат томон кетаётганини кўрса, Х,ақ йўлига киришига далилдир. Жаъфар Содиқ (р.а.) айтадики, тушда Жаннатни кўрмоқ тўққиз нарсани билдиради: илмни; тақвони; миннатни; шодликни; башоратни; омонликни; хайру баракатни; неъматни ва саодатни. Агар тушида Жаннатда юрганини кўрса, икки дунё мақсадларига етганига ва қўлига кўп яхшиликлар тушишига далилдир. Бироқ бу тушни солиҳ одам кўрса, касаллик ёки бирор балога мубтало бўлишини билдиради, бундан эса Биҳишт аҳлининг савобини топади ҳамда олим бўлади, халқ эса унинг илмидан манфаат топади.
Tush tabirini qidiring.
Tavsiya qilamiz
.
. .
Яндекс.Метрика