.

Tushda Kalit - Калит ko'rsa

KALIT (KALID) Ibn Sirin (r.a.)ning aytishicha, tushdagi kalit ishlarni yurgizuvchi kishidir. Tushida qulfni kalit bilan ochganini va eshik tabaqasini ham ochganini ko‘rsa, to‘xtab qolgan ishlarining yurishib ketishiga va dushman ustidan g‘alaba qilishiga dalildir. Tushida qo‘lida ko‘pgina kalitlar borligini ko‘rsa, obro‘ va e’tibor topishiga dalildir. Alloh ta’olo aytadi: Osmonlar va Yerning ochqichlari Undadir. . . (Zumar surasi, 63-oyat). Kirmoniy (r.a.)ning aytishicha, tushdagi kalit xayrli ishlarning ochilishi va yomon ishlarning bekilishidir. Ba’zilarning fikricha, kalit uylanishni bildiradi. Tushida Jannat eshiklarining kalitlariga egaligini ko‘rsa, sulton yo‘lida bo‘lib, ishlarining oqibati yaxshi va soz bo‘lishiga dalildir. Doniyol (a.s.)ning aytishlaricha, tushida temir kaliti borligini ko‘rsa, quvvat va sozlikka dalildir. Agar bronza yoki mis kaliti borligini ko‘rsa, so‘zi o‘tkir bo‘lishiga dalildir. Agar tilla yoki kumush kaliti borligini ko‘rsa, so‘zlari ma’qul bo‘lishiga dalildir yana aytishlaricha, xazina topadi. Mag‘ribiy (r.a.)ning aytishicha, tushida kalitlarni qanchalik ko‘p ko‘rsa, moli shunchalik ko‘p bo‘lishini bildiradi. Yana aytishlaricha, tushdagi kalit Haq subhonahu va ta’olog‘a duo va istig‘for aytish hamda hojatlarini so‘rashni bildiradi. Tushida kalitni qulfga solib, eshikni ochganini ko‘rsa, hojatlari ravo bo‘lishini, to‘xtab qolgan ishlari yurishib ketishini bildiradi. Agar tushida bitta kalit bilan ikkita qulfni ochib, eshiklarni ham ochib yuborganini ko‘rsa, chiroyli ayolga uylanishini bildiradi. Hofiz muabbirning aytishicha, tushida o‘z qo‘lini kalit ekanini ko‘rsa, namozxon bo‘lishiga dalildir. Agar kaliti qo‘lidan tushib ketganini ko‘rsa, namozga dangasa ekanini bildiradi. Ja’far Sodiq (r.a.)ning aytishicha, tushdagi kalit sakkiz narsani bildiradi: ishlarning yurishuvini; g‘amdan qutilishini; bemorlikdan shifo topishini; murod topishini; din quvvatini; Haj qilishni; duolarning ijobatini; ilm o‘rganishni.


КАЛИТ (КАЛИД) Ибн Сирин (р.а.)нинг айтишича, тушдаги калит ишларни юргизувчи кишидир. Тушида қулфни калит билан очганини ва эшик табақасини ҳам очганини кўрса, тўхтаб қолган ишларининг юришиб кетишига ва душман устидан ғалаба қилишига далилдир. Тушида қўлида кўпгина калитлар борлигини кўрса, обрў ва эътибор топишига далилдир. Аллоҳ таъоло айтади: Осмонлар ва Ернинг очқичлари Ундадир. . . (Зумар сураси, 63-оят). Кирмоний (р.а.)нинг айтишича, тушдаги калит хайрли ишларнинг очилиши ва ёмон ишларнинг бекилишидир. Баъзиларнинг фикрича, калит уйланишни билдиради. Тушида Жаннат эшикларининг калитларига эгалигини кўрса, султон йўлида бўлиб, ишларининг оқибати яхши ва соз бўлишига далилдир. Дониёл (а.с.)нинг айтишларича, тушида темир калити борлигини кўрса, қувват ва созликка далилдир. Агар бронза ёки мис калити борлигини кўрса, сўзи ўткир бўлишига далилдир. Агар тилла ёки кумуш калити борлигини кўрса, сўзлари маъқул бўлишига далилдир яна айтишларича, хазина топади. Мағрибий (р.а.)нинг айтишича, тушида калитларни қанчалик кўп кўрса, моли шунчалик кўп бўлишини билдиради. Яна айтишларича, тушдаги калит Ҳақ субҳонаҳу ва таъолоға дуо ва истиғфор айтиш ҳамда ҳожатларини сўрашни билдиради. Тушида калитни қулфга солиб, эшикни очганини кўрса, ҳожатлари раво бўлишини, тўхтаб қолган ишлари юришиб кетишини билдиради. Агар тушида битта калит билан иккита қулфни очиб, эшикларни ҳам очиб юборганини кўрса, чиройли аёлга уйланишини билдиради. Ҳофиз муаббирнинг айтишича, тушида ўз қўлини калит эканини кўрса, намозхон бўлишига далилдир. Агар калити қўлидан тушиб кетганини кўрса, намозга дангаса эканини билдиради. Жаъфар Содиқ (р.а.)нинг айтишича, тушдаги калит саккиз нарсани билдиради: ишларнинг юришувини; ғамдан қутилишини; беморликдан шифо топишини; мурод топишини; дин қувватини; Ҳаж қилишни; дуоларнинг ижобатини; илм ўрганишни.
Tush tabirini qidiring.
Tavsiya qilamiz
.
. .
Яндекс.Метрика