.

Tushda Kamar, belbog‘ - Камар, белбоғ ko'rsa

KAMAR, BELBOG‘ (KAMARBAND) — Ibn Sirin (r.a.)ning aytishicha, tushida beliga kamar yoki belbog‘ bog‘laganini ko‘rsa, odamlardan himoya topishiga dalildir. Ba’zilarning aytishicha, himoya farzand yoki qarindoshlaridan bo‘ladi. Tushida kamari dur va javohirlar bilan bezatilganini ko‘rsa, uning qadru qimmatiga muvofiq mol hosil qilishi va u bilan himoyasi kuchli bo‘lishiga, yoki farzand tug‘ilib, yaqinlari ichida e’tiborli bo‘lishiga dalildir. Kirmoniy (r.a.)ning aytishicha, tushida beliga belbog‘ yoki kamarni uch-to‘rt bor aylantirib o‘raganini ko‘rsa, moli ko‘p bo‘lishiga dalildir, yana aytishlaricha, umri uzun bo‘lishini bildiradi. Tushida unga kamar yoki belbog‘ berganlarini, u esa beliga bog‘lab olganini ko‘rsa, safarga ketishiga dalildir. Agar tushida kamari yoki belbog‘i yirtilsa, yerga tushsa va yo‘qolsa, moli va ulug‘ligiga nuqson yetishini bildiradi. Mag‘ribiy (r.a.)ning aytishicha, tushida kamari javohirlar bilan bezatilganini ko‘rsa, o‘z qavmining ulug‘i bo‘lishiga va u sababli oilasi va yaqinlari badavlat bo‘lishiga dalildir. Tushida kamariga po‘lat yoki misdan qilingan qilich osilganini ko‘rsa, boylikka dalil bo‘ladi, biroq ozroq bo‘ladi. Tushida kimdir unga kamar va qilich sovg‘a qilganini ko‘rsa, podshoh uchun safarga chiqishini bildiradi. Ja’far Sodiq (r.a.)ning aytishicha, tushdagi kamar yoki belbog‘ olti narsani bildiradi: otasi, aka-ukasi yoki qarindoshlar Tomonidan yetadigan foydani; farzandni; ulug‘lik va himoyani; uzoq umrni; insof qilish va insof topishini; din pokligini. Tushida beliga kamar bog‘langanini ko‘rsa, dushmanlaridan insof talab qilishini bildiradi, biroq yarim umri o‘tgan bo‘ladi.


КАМАР, БЕЛБОҒ (КАМАРБАНД) — Ибн Сирин (р.а.)нинг айтишича, тушида белига камар ёки белбоғ боғлаганини кўрса, одамлардан ҳимоя топишига далилдир. Баъзиларнинг айтишича, ҳимоя фарзанд ёки қариндошларидан бўлади. Тушида камари дур ва жавоҳирлар билан безатилганини кўрса, унинг қадру қимматига мувофиқ мол ҳосил қилиши ва у билан ҳимояси кучли бўлишига, ёки фарзанд туғилиб, яқинлари ичида эътиборли бўлишига далилдир. Кирмоний (р.а.)нинг айтишича, тушида белига белбоғ ёки камарни уч-тўрт бор айлантириб ўраганини кўрса, моли кўп бўлишига далилдир, яна айтишларича, умри узун бўлишини билдиради. Тушида унга камар ёки белбоғ берганларини, у эса белига боғлаб олганини кўрса, сафарга кетишига далилдир. Агар тушида камари ёки белбоғи йиртилса, ерга тушса ва йўқолса, моли ва улуғлигига нуқсон етишини билдиради. Мағрибий (р.а.)нинг айтишича, тушида камари жавоҳирлар билан безатилганини кўрса, ўз қавмининг улуғи бўлишига ва у сабабли оиласи ва яқинлари бадавлат бўлишига далилдир. Тушида камарига пўлат ёки мисдан қилинган қилич осилганини кўрса, бойликка далил бўлади, бироқ озроқ бўлади. Тушида кимдир унга камар ва қилич совға қилганини кўрса, подшоҳ учун сафарга чиқишини билдиради. Жаъфар Содиқ (р.а.)нинг айтишича, тушдаги камар ёки белбоғ олти нарсани билдиради: отаси, ака-укаси ёки қариндошлар Томонидан етадиган фойдани; фарзандни; улуғлик ва ҳимояни; узоқ умрни; инсоф қилиш ва инсоф топишини; дин поклигини. Тушида белига камар боғланганини кўрса, душманларидан инсоф талаб қилишини билдиради, бироқ ярим умри ўтган бўлади.
Tush tabirini qidiring.
Tavsiya qilamiz
.
. .
Яндекс.Метрика