.

Tushda Kuylak - Куйлак ko'rsa

KUYLAK (PIROHAN) Doniyol (a.s.) aytadilarki, tushdagi oq ko‘ylak din bo‘ladi. Ba’zi ta’birchilarning aytishicha, ko‘ylak — ayol bo‘ladi, yana kasbu maishatdagi ahvolni bildiradi. Agar yangi va keng ko‘ylak kiyganini ko‘rsa ishlarining yaxshi bo‘lishini va ahvolining yaxshilanishini bildiradi. Agar ko‘ylagining bir parchasi yirtilib ketganini ko‘rsa ta’biri yomonlik va yaxshilikda o‘rtacha bo‘lishiga dalildir. Agar ko‘ylagining eski va kir bo‘lganligini ko‘rsa xorlik va bechoralik va ranju g‘am yetishiga dalildir, ko‘ylak qanchalik eski va yirtiq bo‘lsa balo va musibat shunchali ko‘p bo‘lib, tush sohibining halok bo‘lishini bildiradi. Agar podshoh unga o‘z ko‘ylagini berganini ko‘rsa, podshohlikni undan olinishiga dalildir. Kirmoniy (r.a.) aytadiki, har kim tushida yangi ko‘ylak kiyganini ko‘rsa, zohiran yaxshi, botinan yomon bo‘lishini bildiradi. Agar ko‘ylagi va ipggoni, umuman barchasi, kir va eski ekanini ko‘rsa, boy bo‘lsa kambag‘al bo‘lishi, g‘amu anduhga giriftor bo‘lishini bildiradi. Jobir Mag‘ribiy (r.a.) aytadiki, har kim tushda yangi va keng ko‘ylak kiyganini ko‘rsa, maishati keng bo‘lishini, ko‘ylagi tor bo‘lsa maishati tor bo‘lishini bildiradi. Agar ko‘ylagi yirtilganini ko‘rsa, siri fosh bo‘lishiga dalildir. Agar yoqasiz va yengsiz ko‘ylak kiyganini ko‘rsa, ajali yaqin qolganini bildiradi. Agar uzun ko‘ylak kiyganini ko‘rsa, ishlari yomon bo‘lishi, lekin murodiga yetishishini bildiradi. Agar yoqasiz orqa tomondan yirtilganini ko‘rsa, unga yolg‘on tuhmat qilishlariga dalildir. Alloh ta’olo aytadi: Bordiyu ko‘ylagi orqa (tomon)dan yirtilgan bo‘lsa, u (Zulayxo) yolg‘on so‘zlagan, u esa rostgo‘ylardandir (Yusuf surasi, 27-oyat). Agar birovga ko‘ylak berganini ko‘rsa, g‘amdan qutulishi va biror yerdan xushxabar yetishiga dalildir. Alloh ta’olo aytadi: Sizlar mana bu ko‘ylagimni olib borib, otamning yuziga tashlangiz, shunda uning ko‘zlari sog‘ayur. . . (Yusuf surasi, 93-oyat). Agar qo‘lida qonga bo‘yalgan ko‘ylak borligini ko‘rsa, uzoq yillar g‘am va qayg‘uda qolishini bildiradi. Agar yirtilgan ko‘ylak kiyganini ko‘rsa, ishlari parokanda va sirlari oshkor bo‘lishini bildiradi. Ja’far Sodiq (r.a.) aytadiki, tushdagi ko‘ylak yangi va keng bo‘lsa, olti narsaga dalil bo‘ladi: odamlar bilan muloqot qilishga; yashirin holatga; yoqimli hayot kechirishga; rahbarlikka; shodu xurramlikka va xushxabarga.


КУЙЛАК (ПИРОҲАН) Дониёл (а.с.) айтадиларки, тушдаги оқ кўйлак дин бўлади. Баъзи таъбирчиларнинг айтишича, кўйлак — аёл бўлади, яна касбу маишатдаги аҳволни билдиради. Агар янги ва кенг кўйлак кийганини кўрса ишларининг яхши бўлишини ва аҳволининг яхшиланишини билдиради. Агар кўйлагининг бир парчаси йиртилиб кетганини кўрса таъбири ёмонлик ва яхшиликда ўртача бўлишига далилдир. Агар кўйлагининг эски ва кир бўлганлигини кўрса хорлик ва бечоралик ва ранжу ғам етишига далилдир, кўйлак қанчалик эски ва йиртиқ бўлса бало ва мусибат шунчали кўп бўлиб, туш соҳибининг ҳалок бўлишини билдиради. Агар подшоҳ унга ўз кўйлагини берганини кўрса, подшоҳликни ундан олинишига далилдир. Кирмоний (р.а.) айтадики, ҳар ким тушида янги кўйлак кийганини кўрса, зоҳиран яхши, ботинан ёмон бўлишини билдиради. Агар кўйлаги ва ипггони, умуман барчаси, кир ва эски эканини кўрса, бой бўлса камбағал бўлиши, ғаму андуҳга гирифтор бўлишини билдиради. Жобир Мағрибий (р.а.) айтадики, ҳар ким тушда янги ва кенг кўйлак кийганини кўрса, маишати кенг бўлишини, кўйлаги тор бўлса маишати тор бўлишини билдиради. Агар кўйлаги йиртилганини кўрса, сири фош бўлишига далилдир. Агар ёқасиз ва енгсиз кўйлак кийганини кўрса, ажали яқин қолганини билдиради. Агар узун кўйлак кийганини кўрса, ишлари ёмон бўлиши, лекин муродига етишишини билдиради. Агар ёқасиз орқа томондан йиртилганини кўрса, унга ёлғон туҳмат қилишларига далилдир. Аллоҳ таъоло айтади: Бордию кўйлаги орқа (томон)дан йиртилган бўлса, у (Зулайхо) ёлғон сўзлаган, у эса ростгўйлардандир (Юсуф сураси, 27-оят). Агар бировга кўйлак берганини кўрса, ғамдан қутулиши ва бирор ердан хушхабар етишига далилдир. Аллоҳ таъоло айтади: Сизлар мана бу кўйлагимни олиб бориб, отамнинг юзига ташлангиз, шунда унинг кўзлари соғаюр. . . (Юсуф сураси, 93-оят). Агар қўлида қонга бўялган кўйлак борлигини кўрса, узоқ йиллар ғам ва қайғуда қолишини билдиради. Агар йиртилган кўйлак кийганини кўрса, ишлари пароканда ва сирлари ошкор бўлишини билдиради. Жаъфар Содиқ (р.а.) айтадики, тушдаги кўйлак янги ва кенг бўлса, олти нарсага далил бўлади: одамлар билан мулоқот қилишга; яширин ҳолатга; ёқимли ҳаёт кечиришга; раҳбарликка; шоду хуррамликка ва хушхабарга.
Tush tabirini qidiring.
Tavsiya qilamiz
.
. .
Яндекс.Метрика