.

Tushda Minbar - Минбар ko'rsa

MINBAR (MINBAR) Ibn Sirin (r.a.)ning aytishicha, tushdagi minbar islom ahlining sultoni bo‘ladi. Minbarda ko‘rilgan yaxshi yoki yomon narsa sultonga taalluqlidir. Tushida minbarga chiqib, ilmu hikmat va xutba o‘qiganini ko‘rsa, aslida o‘zi bu toifadan bo‘lmasa, farzandi yoki qarindoshlaridan biri olim bo‘ladi. Tushida minbar ustida she’r o‘qiganini yoki shari’atga xilof so‘z aytganini ko‘rsa, islom odamlari orasida dinining buzuqligi va bid’atchilikda rasvo bo‘lishiga dalildir. Ba’zi ta’birchilarning aytishicha, uni dorga osadilar. Agar podshoh tushida minbarga chiqqanini, minbar qulab ketganini yoki singanini ko‘rsa, podshohlikdan tushishiga dalildir. Kirmoniy (r.a.)ning aytishicha, tushida minbarga chiqqanini, xutbani to‘liq o‘qib, pastga tushganini ko‘rsa, xatiblikdan tushishiga dalildir. Agar ayol kishi minbarga chiqqanini, odamlar orasida Qur’on, hikmat va ilmdan gapirganini ko‘rsa, rasvo bo‘lishiga dalildir, chunki ayollarga erkaklar orasida ilmdan gapirish va xutba o‘qish ravo emas, shuningdek erkaklarga ham ayollar orasida ilm va xutba o‘qish yaxshi emas. Agar minbardan qulab ketganini ko‘rsa, agar olim yoki johil bo‘lsa, hurmati yo‘q bo‘lishi, odamlar orasida xor bo‘lishiga dalildir. Mag‘ribiy (r.a.)ning aytishicha, tushida minbarga chiqqanini ko‘rsa, olim, solih va dindor bo‘lishiga, ulug‘lik, izzat va obro‘ topishiga dalildir, agar yomon odam bo‘lsa, uni o‘g‘irlikda qo‘lga oladilar va dorga osadilar. Minbarni qanchalik katta va pokiza ko‘rsa, izzat va obro‘ ham shunchalik yuksakroq bo‘ladi. Ja’far Sodiq (r.a.)ning aytishicha, tushdagi minbar besh narsaga dalildir: podshohga; qoziga; imomga; xatibga; dorga osilishiga.


МИНБАР (МИНБАР) Ибн Сирин (р.а.)нинг айтишича, тушдаги минбар ислом аҳлининг султони бўлади. Минбарда кўрилган яхши ёки ёмон нарса султонга тааллуқлидир. Тушида минбарга чиқиб, илму ҳикмат ва хутба ўқиганини кўрса, аслида ўзи бу тоифадан бўлмаса, фарзанди ёки қариндошларидан бири олим бўлади. Тушида минбар устида шеър ўқиганини ёки шариъатга хилоф сўз айтганини кўрса, ислом одамлари орасида динининг бузуқлиги ва бидъатчиликда расво бўлишига далилдир. Баъзи таъбирчиларнинг айтишича, уни дорга осадилар. Агар подшоҳ тушида минбарга чиққанини, минбар қулаб кетганини ёки синганини кўрса, подшоҳликдан тушишига далилдир. Кирмоний (р.а.)нинг айтишича, тушида минбарга чиққанини, хутбани тўлиқ ўқиб, пастга тушганини кўрса, хатибликдан тушишига далилдир. Агар аёл киши минбарга чиққанини, одамлар орасида Қуръон, ҳикмат ва илмдан гапирганини кўрса, расво бўлишига далилдир, чунки аёлларга эркаклар орасида илмдан гапириш ва хутба ўқиш раво эмас, шунингдек эркакларга ҳам аёллар орасида илм ва хутба ўқиш яхши эмас. Агар минбардан қулаб кетганини кўрса, агар олим ёки жоҳил бўлса, ҳурмати йўқ бўлиши, одамлар орасида хор бўлишига далилдир. Мағрибий (р.а.)нинг айтишича, тушида минбарга чиққанини кўрса, олим, солиҳ ва диндор бўлишига, улуғлик, иззат ва обрў топишига далилдир, агар ёмон одам бўлса, уни ўғирликда қўлга оладилар ва дорга осадилар. Минбарни қанчалик катта ва покиза кўрса, иззат ва обрў ҳам шунчалик юксакроқ бўлади. Жаъфар Содиқ (р.а.)нинг айтишича, тушдаги минбар беш нарсага далилдир: подшоҳга; қозига; имомга; хатибга; дорга осилишига.
Tush tabirini qidiring.
Tavsiya qilamiz
.
. .
Яндекс.Метрика