.

Tushda Namoz - Намоз ko'rsa

NAMOZ (NAMOZ) Ibn Sirin (r.a.)ning aytishicha, tushida namoz o‘qiyotgani va yuzi sharq tomonga qaraganini ko‘rsa, Hajga borishiga dalildir. Agar Haj mavsumi bo‘lmasa, mayli tarsolar tomondan ekanini bildiradi. Agar g‘arb tomonga qarab namoz o‘qiyotganini ko‘rsa, islom diniga orqasini o‘girganiga dalildir. Tushida yo‘lda namoz o‘qiganini va orqasi qibla tomonga ekanini ko‘rsa, ajali yaqin qolganiga dalildir, tavba qilmoq kerak. Agar namoz o‘qiganini, biroq qibla qaysi tomonda ekanini bilmagan bo‘lsa, din yo‘lida hayronlikda qolishiga dalildir. Agar qibla tomonga qarab namoz o‘qiganini ko‘rsa, din yo‘lida mahkam ekaniga dalildir. Kirmoniy (r.a.)ning aytishicha, tushida bir qavmga imomlik qilganini ko‘rsa, jamoatning miqdoriga muvofiq sarvarlik topishiga dalildir. Agar namoz vaqti o‘tib ketganini, namoz uchun toza joy topolmaganini ko‘rsa, ishlari qiyinchilik bilan davom etishiga dalildir. Agar namozni buzgani, oxirigacha o‘qimagani yoki tahoratsiz namoz o‘qiganini ko‘rsa, maqsadi muyassar bo‘lmasligiga dalildir. Tushida masjidda yoki madrasada imomlik qilayotganini ko‘rsa, o‘sha diyor podshohi unga muxlis bo‘lishiga dalildir. Namozda ruku’ va sajdalarni to‘liq joyiga qo‘yganini ko‘rsa, din va dunyo ishlari yaxshi bo‘lishiga dalildir. Mag‘ribiy (r.a.)ning aytishicha, tushida peshin nomazini o‘z vaqtida o‘qiganini, osmon ravshan va toza ekanini ko‘rsa, Haq ta’olo qoshida darajasi ko‘tarilganini bildiradi. Agar osmon xira va bulutli bo‘lsa, g‘amu anduh yetishiga dalildir. Tushida namoz o‘qiganini ko‘rsa, umid qilgan narsasiga yetishiga dalildir. Tushida shom namozining farzini ado qilganini ko‘rsa, xotini va bolalari xush muaomala bo‘lishi va bundan shodu xurramlikka yetishiga dalildir. Agar bomdod namozini ado qilganini ko‘rsa, safarga ketishiga dalildir. Agar bu tushni ayol kishi ko‘rsa, hayzli bo‘lishiga dalildir. Tushida tahoratsiz namoz o‘qiganini ko‘rsa, bemor bo‘lishini bildiradi. Agar xuftan namozining farzini ado qilganini ko‘rsa, omon bo‘lishi va dushman ustidan zafar topishiga dalildir. Tushida bog‘da namoz o‘qiganini ko‘rsa, gunoxdan tavba qilishiga dalildir. Agar kemada namoz o‘qiganini ko‘rsa, qarzdan qutilishiga dalildir. Tushida namoz o‘qib, sahro tomon yuz tutsa, Hazrati Rasululloh (s.a.v.)ning qabrlarini ziyorat qilishiga dalildir. Agar Ka’bada namoz o‘qiganini ko‘rsa, ishi xalifa orqali ko‘ngildagidek yaxshi bo‘lishiga dalildir. Tushida namozdan so‘ng yana sajda qilganini ko‘rsa, bir muhtasham ulug‘ kishi ustidan g‘alaba qilishiga dalildir. Tushida Xudoyi ta’olodan o‘zgaga sajda qilmaganini ko‘rsa, murodi hosil bo‘lishiga dalildir. Tushida devor ustida sajda qilayotganini ko‘rsa, ulug‘lardan unga ranj va xorlik yetishiga dalildir. Agar namoz o‘qiyotib, asal yeganini ko‘rsa, o‘z ayoli bilan jinsiy yaqinlik qilishiga dalildir. Agar namozda At-tahiyyotga o‘tirganini ko‘rsa, g‘amdan qutilishi va hojati ravo bo‘lishiga dalildir. Agar namozda salomni avval chapga berganini ko‘rsa, ahvoli parishon bo‘lishiga dalildir. Tushida namozni o‘tirib o‘qiyotganini ko‘rsa, dushman ustida zafar topiishiga dalildir. Ba’zilarning aytishicha, uzri bo‘lib, bu uzri qabul qilinishiga dalildir. Agar tushida namoz o‘qib, o‘ziga duo qilayotganini ko‘rsa, farzand tug‘ilishiga dalildir. Alloh ta’olo aytadi: Qachonki, u Parvardigoriga xufyona duo qilib. . . (Maryam surasi, 3-oyat). Agar qorong‘uda namoz o‘qiganini ko‘rsa, g‘amlardan qutilishiga dalildir. Agar tungi namozni ado qilayotganini ko‘rsa, barcha tarsolardan omon bo‘lishi, ne’mat, ulug‘lik va martaba topishiga dalildir. Agar namozni yonboshlab yotib ado qilayotganini ko‘rsa, bemor bo‘lishiga dalildir. Gar jum’a namozini o‘qiganini ko‘rsa, safarga borishi va halol mol topishiga dalildir. Agar Bayt ul-Makdasda namoz o‘qiganini ko‘rsa, meros topishi va rizqi keng bo‘lishiga dalildir. Agar Ka’bada yoki Ka’baning tomida namoz o‘qiganini ko‘rsa, Ka’baga borishi va ishlarining oqibati yaxshi bo‘lishiga dalildir. X,ofiz Muabbir (r.a.)ning aytishicha, tushda namoz o‘qish uch narsaga dalildir: farzga; sunnatga; naflga. Agar namoz o‘qiyotganini ko‘rsa, X,aq ta’olo unga X,ajni nasiba qiladi va yomon ishlardan asraydi. Alloh ta’olo aytadi: . . .Albatta, namoz fahsh va yomonlikdan qaytarur!.. (Ankabut surasi, 45-oyat). Tushida namozning sunnatini o‘qiganin ko‘rsa, ishlarda sabrli bo‘lishi, yaxshi degan nomining tarqalishi va xalqqa shafqatli bo‘lishiga dalildir. Agar nafl namoz o‘qiganini ko‘rsa, ayolini aziz tutish, do‘stlarning ishi uchun harakatda bo‘lishiga dalildir. Tushida xachir ustida namoz o‘qiganini ko‘rsa, unga katta g‘am yetishiga dalildir. Agar korxona yoki do‘konda namoz o‘qiganini ko‘rsa, Alloh ta’olo kasbu koriga barakat berishiga dalildir. Agar jum’a namozini o‘qiganini ko‘rsa, ishlarida xotirjamlik bo‘lishiga dalildir. Jolid Isfahoniy (r.a.)ning aytishicha, tushdagi ruku’ va sujud X,aq ta’ologa yaqin bo‘lishini bildiradi. Alloh ta’olo aytadi: Yo‘q! (Ey, Muhammad,) Siz unga itoat etmang va (yolg‘iz) Allohga sajda (ibodat) qilib, (Unga) yaqin bo‘ling! (Alaq surasi, 19-oyat). Ta’birchilarning aytishlaricha, tushida namozda ruku’g‘a bormaganini ko‘rsa, mol zakotini bermaganiga dalildir. Agar namozni to‘liq ado qilsa, Haq ta’olo uning ibodatini qabul qilganiga, duosi mustajob bo‘lganiga va Alloh unga rahmat qilganiga dalildir. Ja’far Sodiq (r.a.)ning aytishicha, tushda namoz o‘qish yetti narsaga dalildir: omonlikka; shodlikka; izzat va obro‘ga; martabaga; ulug‘likka; murod topishga; qazoda nuqsonga. Yana uning aytishicha, tushdagi ruku’ va sajdalar besh narsaga dalildir: murod topishga; davlatga; ko‘makka; zafar topishga; Haq ta’olo amrini bajo qilishga. Alloh ta’olo aytadi: Ey, imon keltirganlar, ruku’ qilingiz, sajda qilingiz va Rab-bingizga ibodat qilib yaxshilik qilingiz shoyadki, najot topsangiz (Haj surasi, 77-oyat). Agar murdaga namoz o‘qiganini ko‘rsa, unga duo va sano aytishga dalildir. Agar namozni to‘liq ado qilmasa, ta’biri aksinchadir.


НАМОЗ (НАМОЗ) Ибн Сирин (р.а.)нинг айтишича, тушида намоз ўқиётгани ва юзи шарқ томонга қараганини кўрса, Ҳажга боришига далилдир. Агар Ҳаж мавсуми бўлмаса, майли тарсолар томондан эканини билдиради. Агар ғарб томонга қараб намоз ўқиётганини кўрса, ислом динига орқасини ўгирганига далилдир. Тушида йўлда намоз ўқиганини ва орқаси қибла томонга эканини кўрса, ажали яқин қолганига далилдир, тавба қилмоқ керак. Агар намоз ўқиганини, бироқ қибла қайси томонда эканини билмаган бўлса, дин йўлида ҳайронликда қолишига далилдир. Агар қибла томонга қараб намоз ўқиганини кўрса, дин йўлида маҳкам эканига далилдир. Кирмоний (р.а.)нинг айтишича, тушида бир қавмга имомлик қилганини кўрса, жамоатнинг миқдорига мувофиқ сарварлик топишига далилдир. Агар намоз вақти ўтиб кетганини, намоз учун тоза жой тополмаганини кўрса, ишлари қийинчилик билан давом этишига далилдир. Агар намозни бузгани, охиригача ўқимагани ёки таҳоратсиз намоз ўқиганини кўрса, мақсади муяссар бўлмаслигига далилдир. Тушида масжидда ёки мадрасада имомлик қилаётганини кўрса, ўша диёр подшоҳи унга мухлис бўлишига далилдир. Намозда рукуъ ва саждаларни тўлиқ жойига қўйганини кўрса, дин ва дунё ишлари яхши бўлишига далилдир. Мағрибий (р.а.)нинг айтишича, тушида пешин номазини ўз вақтида ўқиганини, осмон равшан ва тоза эканини кўрса, Ҳақ таъоло қошида даражаси кўтарилганини билдиради. Агар осмон хира ва булутли бўлса, ғаму андуҳ етишига далилдир. Тушида намоз ўқиганини кўрса, умид қилган нарсасига етишига далилдир. Тушида шом намозининг фарзини адо қилганини кўрса, хотини ва болалари хуш муаомала бўлиши ва бундан шоду хуррамликка етишига далилдир. Агар бомдод намозини адо қилганини кўрса, сафарга кетишига далилдир. Агар бу тушни аёл киши кўрса, ҳайзли бўлишига далилдир. Тушида таҳоратсиз намоз ўқиганини кўрса, бемор бўлишини билдиради. Агар хуфтан намозининг фарзини адо қилганини кўрса, омон бўлиши ва душман устидан зафар топишига далилдир. Тушида боғда намоз ўқиганини кўрса, гунохдан тавба қилишига далилдир. Агар кемада намоз ўқиганини кўрса, қарздан қутилишига далилдир. Тушида намоз ўқиб, саҳро томон юз тутса, Ҳазрати Расулуллоҳ (с.а.в.)нинг қабрларини зиёрат қилишига далилдир. Агар Каъбада намоз ўқиганини кўрса, иши халифа орқали кўнгилдагидек яхши бўлишига далилдир. Тушида намоздан сўнг яна сажда қилганини кўрса, бир муҳташам улуғ киши устидан ғалаба қилишига далилдир. Тушида Худойи таъолодан ўзгага сажда қилмаганини кўрса, муроди ҳосил бўлишига далилдир. Тушида девор устида сажда қилаётганини кўрса, улуғлардан унга ранж ва хорлик етишига далилдир. Агар намоз ўқиётиб, асал еганини кўрса, ўз аёли билан жинсий яқинлик қилишига далилдир. Агар намозда Ат-таҳийётга ўтирганини кўрса, ғамдан қутилиши ва ҳожати раво бўлишига далилдир. Агар намозда саломни аввал чапга берганини кўрса, аҳволи паришон бўлишига далилдир. Тушида намозни ўтириб ўқиётганини кўрса, душман устида зафар топиишига далилдир. Баъзиларнинг айтишича, узри бўлиб, бу узри қабул қилинишига далилдир. Агар тушида намоз ўқиб, ўзига дуо қилаётганини кўрса, фарзанд туғилишига далилдир. Аллоҳ таъоло айтади: Қачонки, у Парвардигорига хуфёна дуо қилиб. . . (Марям сураси, 3-оят). Агар қоронғуда намоз ўқиганини кўрса, ғамлардан қутилишига далилдир. Агар тунги намозни адо қилаётганини кўрса, барча тарсолардан омон бўлиши, неъмат, улуғлик ва мартаба топишига далилдир. Агар намозни ёнбошлаб ётиб адо қилаётганини кўрса, бемор бўлишига далилдир. Гар жумъа намозини ўқиганини кўрса, сафарга бориши ва ҳалол мол топишига далилдир. Агар Байт ул-Макдасда намоз ўқиганини кўрса, мерос топиши ва ризқи кенг бўлишига далилдир. Агар Каъбада ёки Каъбанинг томида намоз ўқиганини кўрса, Каъбага бориши ва ишларининг оқибати яхши бўлишига далилдир. Х,офиз Муаббир (р.а.)нинг айтишича, тушда намоз ўқиш уч нарсага далилдир: фарзга; суннатга; нафлга. Агар намоз ўқиётганини кўрса, Х,ақ таъоло унга Х,ажни насиба қилади ва ёмон ишлардан асрайди. Аллоҳ таъоло айтади: . . .Албатта, намоз фаҳш ва ёмонликдан қайтарур!.. (Анкабут сураси, 45-оят). Тушида намознинг суннатини ўқиганин кўрса, ишларда сабрли бўлиши, яхши деган номининг тарқалиши ва халққа шафқатли бўлишига далилдир. Агар нафл намоз ўқиганини кўрса, аёлини азиз тутиш, дўстларнинг иши учун ҳаракатда бўлишига далилдир. Тушида хачир устида намоз ўқиганини кўрса, унга катта ғам етишига далилдир. Агар корхона ёки дўконда намоз ўқиганини кўрса, Аллоҳ таъоло касбу корига баракат беришига далилдир. Агар жумъа намозини ўқиганини кўрса, ишларида хотиржамлик бўлишига далилдир. Жолид Исфаҳоний (р.а.)нинг айтишича, тушдаги рукуъ ва сужуд Х,ақ таъолога яқин бўлишини билдиради. Аллоҳ таъоло айтади: Йўқ! (Эй, Муҳаммад,) Сиз унга итоат этманг ва (ёлғиз) Аллоҳга сажда (ибодат) қилиб, (Унга) яқин бўлинг! (Алақ сураси, 19-оят). Таъбирчиларнинг айтишларича, тушида намозда рукуъға бормаганини кўрса, мол закотини бермаганига далилдир. Агар намозни тўлиқ адо қилса, Ҳақ таъоло унинг ибодатини қабул қилганига, дуоси мустажоб бўлганига ва Аллоҳ унга раҳмат қилганига далилдир. Жаъфар Содиқ (р.а.)нинг айтишича, тушда намоз ўқиш етти нарсага далилдир: омонликка; шодликка; иззат ва обрўга; мартабага; улуғликка; мурод топишга; қазода нуқсонга. Яна унинг айтишича, тушдаги рукуъ ва саждалар беш нарсага далилдир: мурод топишга; давлатга; кўмакка; зафар топишга; Ҳақ таъоло амрини бажо қилишга. Аллоҳ таъоло айтади: Эй, имон келтирганлар, рукуъ қилингиз, сажда қилингиз ва Раб-бингизга ибодат қилиб яхшилик қилингиз шоядки, нажот топсангиз (Ҳаж сураси, 77-оят). Агар мурдага намоз ўқиганини кўрса, унга дуо ва сано айтишга далилдир. Агар намозни тўлиқ адо қилмаса, таъбири аксинчадир.
Tush tabirini qidiring.
Tavsiya qilamiz
.
. .
Яндекс.Метрика