.

Tushda Oyoq - Оёқ ko'rsa

OYOQ (POY) Doniyol (a.s.) aytadilar: Kimki bir oyog‘ini kesilganini yoki singanini ko‘rsa, yarim moli ketishiga dalildir. Agar har ikki oyog‘ining kesilganini yoki singanini ko‘rsa, barcha moli ketishiga yoki o‘zining o‘lishiga dalil bo‘ladi. Ta’birchilarning aytishlaricha, agar kishi har ikki oyog‘ining kesilganini yoki singanini ko‘rsa, safarga chiqishiga dalil bo‘ladi. Qarasaki, oyog‘i po‘lat yoki misdan emish, umri uzun bo‘lishiga dalolat qiladi. Agar oyog‘ini shishadan ekanini ko‘rsa, umri tez tugashi va moli sovrilishiga dalildir, chunki shisha boqiy emas, kuchi kamdir. Oyog‘i shal yoki illatli ekanini ko‘rsa, holatining sust va zaif bo‘lishiga dalildir. Agar yaxshi odam oyog‘ining shal bo‘lganini ko‘rsa, dinining ziyoda bo‘lishiga dalolat qiladi. Oyog‘ining arqon bilan bog‘lab qo‘yilganini ko‘rsa, biror kishidan unga manfaat yetishiga dalil bo‘ladi. Oyog‘i yo‘q bo‘lib, hassatayog‘ bilan ketayotganini ko‘rsa, biror kishiga suyanishiga dalil bo‘ladi, lekin u kishidan foyda topmaydi. Podshoh yoki amaldor har ikki oyog‘ining kesilganini ko‘rsa, amalidan tushishiga dalildir va moli barbod bo‘ladi. Qarasa, oyog‘i kumush, to‘piqlari oltin emish, yuqoridagi dalilning o‘zidir. Qarasaki, oyog‘i kasalmand emish, unga biror ziyon yetishiga dalildir. Oyog‘i ustunga bog‘langanini ko‘rsa, buning ta’biri tuzukroq bo‘ladi, chunki daraxt erkak kabidir, ustun esa murda kabi. Oyog‘i tuzoqqa tushib qolganini yoki biror joyga kirib qolganini ko‘rsa, makru hiylaga duchor bo‘lishiga dalolat qiladi, og‘ir-yengilligi esa tuzoqning qattiq, mahkamligiga bog‘liq. Oyog‘i birorta joyda yoki go‘rda toyib ketganini ko‘rsa, din va dunyo ishida oqsab qolishi yoki birovning aytgan yomon so‘zidan ranjishiga dalildir. Kirmoniy (r.a.) aytadiki, har ikki oyoq ota va ona hukmidadir. Oyokda ko‘rilgan har qanday zaiflik va nuqson ota-onaga taalluqli bo‘ladi. Oyoqlar ko‘p ekanligini ko‘rsa, safarga ketishiga dalolat qiladi. Bordi-yu, kambag‘al bo‘lsa, boyga aylanadi. Jobir Mag‘ribiy (r.a.)ning aytishicha, oyog‘ini tuya yoki sigir oyog‘iga o‘xshaganini ko‘rsa, quvvati va moli ziyoda bo‘ladi. Oyog‘i xuddi ot yoki eshak oyog‘i kabiligini ko‘rsa, quvvati va izzati ziyoda bo‘lishiga dalolat qiladi. Oyog‘ini darrandalar yoki vahshiy hayvonlar oyog‘i kabi ko‘rsa, haromdan biror narsa topadi. Oyog‘ini qushlar panjasi kabi ko‘rsa, kasbu maishatning kuchayishiga dalil bo‘ladi, dushman ustidan zafar topadi. Hazrati Sodiq (r.a.)ning aytishlaricha, tushda oyoq ko‘rish yetti narsaga belgi bo‘ladi: maishatga; umrga; harakatga; mol qidirishga; quvvatga; safarga; xotinga.


ОЁҚ (ПОЙ) Дониёл (а.с.) айтадилар: Кимки бир оёғини кесилганини ёки синганини кўрса, ярим моли кетишига далилдир. Агар ҳар икки оёғининг кесилганини ёки синганини кўрса, барча моли кетишига ёки ўзининг ўлишига далил бўлади. Таъбирчиларнинг айтишларича, агар киши ҳар икки оёғининг кесилганини ёки синганини кўрса, сафарга чиқишига далил бўлади. Қарасаки, оёғи пўлат ёки мисдан эмиш, умри узун бўлишига далолат қилади. Агар оёғини шишадан эканини кўрса, умри тез тугаши ва моли соврилишига далилдир, чунки шиша боқий эмас, кучи камдир. Оёғи шал ёки иллатли эканини кўрса, ҳолатининг суст ва заиф бўлишига далилдир. Агар яхши одам оёғининг шал бўлганини кўрса, динининг зиёда бўлишига далолат қилади. Оёғининг арқон билан боғлаб қўйилганини кўрса, бирор кишидан унга манфаат етишига далил бўлади. Оёғи йўқ бўлиб, ҳассатаёғ билан кетаётганини кўрса, бирор кишига суянишига далил бўлади, лекин у кишидан фойда топмайди. Подшоҳ ёки амалдор ҳар икки оёғининг кесилганини кўрса, амалидан тушишига далилдир ва моли барбод бўлади. Қараса, оёғи кумуш, тўпиқлари олтин эмиш, юқоридаги далилнинг ўзидир. Қарасаки, оёғи касалманд эмиш, унга бирор зиён етишига далилдир. Оёғи устунга боғланганини кўрса, бунинг таъбири тузукроқ бўлади, чунки дарахт эркак кабидир, устун эса мурда каби. Оёғи тузоққа тушиб қолганини ёки бирор жойга кириб қолганини кўрса, макру ҳийлага дучор бўлишига далолат қилади, оғир-енгиллиги эса тузоқнинг қаттиқ, маҳкамлигига боғлиқ. Оёғи бирорта жойда ёки гўрда тойиб кетганини кўрса, дин ва дунё ишида оқсаб қолиши ёки бировнинг айтган ёмон сўзидан ранжишига далилдир. Кирмоний (р.а.) айтадики, ҳар икки оёқ ота ва она ҳукмидадир. Оёкда кўрилган ҳар қандай заифлик ва нуқсон ота-онага тааллуқли бўлади. Оёқлар кўп эканлигини кўрса, сафарга кетишига далолат қилади. Борди-ю, камбағал бўлса, бойга айланади. Жобир Мағрибий (р.а.)нинг айтишича, оёғини туя ёки сигир оёғига ўхшаганини кўрса, қуввати ва моли зиёда бўлади. Оёғи худди от ёки эшак оёғи кабилигини кўрса, қуввати ва иззати зиёда бўлишига далолат қилади. Оёғини даррандалар ёки ваҳший ҳайвонлар оёғи каби кўрса, ҳаромдан бирор нарса топади. Оёғини қушлар панжаси каби кўрса, касбу маишатнинг кучайишига далил бўлади, душман устидан зафар топади. Ҳазрати Содиқ (р.а.)нинг айтишларича, тушда оёқ кўриш етти нарсага белги бўлади: маишатга; умрга; ҳаракатга; мол қидиришга; қувватга; сафарга; хотинга.
Tush tabirini qidiring.
Tavsiya qilamiz
.
. .
Яндекс.Метрика