Tushda Balandga chiqmoq - Баландга чиқмоқ ko'rsa

BALANDGA ChIQMOQ (BOLO RAFTAN) Muhammad ibn Sirin (r.a.)ning aytishicha, agar har kim tushida tog‘ ustida o‘tirgan bo‘lsa, tom yoki ko‘shk va shunga o‘xshash narsalar ustida o‘tirsa yoki ular tomon yuqori ko‘tarilsa, izlagan narsasini topishi va hojatlari ravo bo‘lishiga dalildir. Ba’zi ta’birchilarning aytishicha, qiyinchilik bilan balandga chiqayotganini ko‘rsa, qidirayotgan narsasi mashaqqat va qiyinchilik bilan qo‘lga kelishini bildiradi. Agar narvondan yuqori ko‘tarilayotganini ko‘rsa, dinda obro‘ topishiga dalil bo‘ladi. Agar narvon ganch yoki toshdan ekanini ko‘rsa, dinda nuqson bo‘lishiga dalildir. Kirmoniy (r.a.) aytadiki, ganch va toshdan qilingan narvondan yuqori ko‘tarilayotganini ko‘rsa, bu dunyoda izzat va ulug‘lik topishini bildiradi. Agar narvonning xom g‘ishtdan yoki loydan qilinganini ko‘rsa, u dunyoda obro‘-e’tibor topishiga dalolat qiladi. Agar osmonga ko‘tarilganini va yana qaytib, yerga tushmaganini ko‘rsa, ajali yaqin qolganiga dalildir. Agar osmonga ko‘tarilib, yana qaytib tushganini ko‘rsa, qattiq bemor bo‘lishi, oxiri shifo topishiga dalildir. Ja’far Sodiq (r.a.) aytadilarki, tushida yuqoriga ko‘tarilmoq beshta narsani bildiradi: hojatlar ravo bo‘lishini; xotin olishini; ulug‘lik va yaqinlikni; maqsadga yetishishni va ishlarning yuqorilashuvini.


БАЛАНДГА ЧИҚМОҚ (БОЛО РАФТАН) Муҳаммад ибн Сирин (р.а.)нинг айтишича, агар ҳар ким тушида тоғ устида ўтирган бўлса, том ёки кўшк ва шунга ўхшаш нарсалар устида ўтирса ёки улар томон юқори кўтарилса, излаган нарсасини топиши ва ҳожатлари раво бўлишига далилдир. Баъзи таъбирчиларнинг айтишича, қийинчилик билан баландга чиқаётганини кўрса, қидираётган нарсаси машаққат ва қийинчилик билан қўлга келишини билдиради. Агар нарвондан юқори кўтарилаётганини кўрса, динда обрў топишига далил бўлади. Агар нарвон ганч ёки тошдан эканини кўрса, динда нуқсон бўлишига далилдир. Кирмоний (р.а.) айтадики, ганч ва тошдан қилинган нарвондан юқори кўтарилаётганини кўрса, бу дунёда иззат ва улуғлик топишини билдиради. Агар нарвоннинг хом ғиштдан ёки лойдан қилинганини кўрса, у дунёда обрў-эътибор топишига далолат қилади. Агар осмонга кўтарилганини ва яна қайтиб, ерга тушмаганини кўрса, ажали яқин қолганига далилдир. Агар осмонга кўтарилиб, яна қайтиб тушганини кўрса, қаттиқ бемор бўлиши, охири шифо топишига далилдир. Жаъфар Содиқ (р.а.) айтадиларки, тушида юқорига кўтарилмоқ бешта нарсани билдиради: ҳожатлар раво бўлишини; хотин олишини; улуғлик ва яқинликни; мақсадга етишишни ва ишларнинг юқорилашувини.
Tush tabirini qidiring.
Tavsiya qilamiz
Loading...
Яндекс.Метрика