.

Tushda Og‘iz - Оғиз ko'rsa

OG‘IZ (DAHON) Ibn Sirin (r.a.) aytadiki, tushdagi og‘iz ishlarning kaliti, ishlarning xotimasidir, og‘zidan chiqqan har bir narsa, agar yaxshi bo‘lsa, gavhar va kalomga, agar yomon bo‘lsa, dunyosiga dalil bo‘ladi. Og‘izdagi narsa karohiyatli (yoqimsiz) bo‘lsa, hayotdagi mehnat va ranjga dalildir, og‘izdagi narsa shirin va tomog‘idan osonlik bilan o‘tadigan bo‘lsa, hayotdagi ayshu rohatga dalildir. Ibn Sirin (r.a.)ning aytishicha, tushida og‘zining qattiq yopilib qolganini ko‘rsa, halok bo‘lishiga dalildir. Tushida og‘zining arpa yoki bo‘g‘doy uni bilan to‘ldirilganini ko‘rsa, ajali yaqin qolganini bildiradi. Tushida og‘zining katta bo‘lib qolganini, unga ko‘p ovqat sig‘ayotganini ko‘rsa, uning mikdoriga qarab molu ne’mat topishini bildiradi. Tushida og‘zini yaxshi va soz holda ko‘rsa, yaxshi so‘zlar eshitishiga dalildir. Tushida og‘zining go‘pgglari tushib ketganini ko‘rsa, ziyon yetishini bildiradi. Tushida og‘zidan qon kelayotganini ko‘rsa, birov bilan so‘zlashuvini bildiradi. Ismoil Ash’as (r.a.) aytadiki, tushida og‘zidan qurt yoki biror jonivorning chiqqanini ko‘rsa, ayollarining biridan judo bo‘lishini bildiradi. Tushida og‘zidan iflos narsa chiqqanini ko‘rsa, biror yerga olib borgan narsasi minnat tufayli botil bo‘lishini bildiradi. Tushida og‘zidan marvaridlar chiqayotganini va odamlar terib olayotganini ko‘rsa, odamlar uning ilmidan bahramand bo‘lishlarini bildiradi. Tushida kimdir uning og‘ziga muhr bosganini ko‘rsa va uning kim ekanini bilmasa, rasvo bo‘lishiga dalildir. Alloh ta’olo aytadi: Bu Kunda Biz ularning og‘izlarini muhrlab qo‘yurmiz. Bizga ularning qilib o‘tgan ishlari haqida qo‘llari so‘zlab, oyoqlari guvohlik be-rur (Yosin surasi, 65-oyat). Hofiz Mu’abbir (r.a.) aytadiki, tushida og‘zidan biror yaxshi narsaning chiqqanini ko‘rsa, ma’nodor yaxshi so‘z aytishiga dalildir. Buning aksini ko‘rsa, ta’biri aksincha bo‘ladi. Tushida og‘ziga bir narsa solganini va u yaxshi narsa ekanini ko‘rsa, halol narsa yeyishini bildiradi. Ja’far Sodiq (r.a.) aytadiki, tushda og‘zini ko‘rish yetti narsaga dalolat qiladi: manzilga; xazinaga; ishlarning yurishib ketishiga; molga; hojatga; vazirga; darvozabonga.


ОҒИЗ (ДАҲОН) Ибн Сирин (р.а.) айтадики, тушдаги оғиз ишларнинг калити, ишларнинг хотимасидир, оғзидан чиққан ҳар бир нарса, агар яхши бўлса, гавҳар ва каломга, агар ёмон бўлса, дунёсига далил бўлади. Оғиздаги нарса кароҳиятли (ёқимсиз) бўлса, ҳаётдаги меҳнат ва ранжга далилдир, оғиздаги нарса ширин ва томоғидан осонлик билан ўтадиган бўлса, ҳаётдаги айшу роҳатга далилдир. Ибн Сирин (р.а.)нинг айтишича, тушида оғзининг қаттиқ ёпилиб қолганини кўрса, ҳалок бўлишига далилдир. Тушида оғзининг арпа ёки бўғдой уни билан тўлдирилганини кўрса, ажали яқин қолганини билдиради. Тушида оғзининг катта бўлиб қолганини, унга кўп овқат сиғаётганини кўрса, унинг микдорига қараб молу неъмат топишини билдиради. Тушида оғзини яхши ва соз ҳолда кўрса, яхши сўзлар эшитишига далилдир. Тушида оғзининг гўпгглари тушиб кетганини кўрса, зиён етишини билдиради. Тушида оғзидан қон келаётганини кўрса, биров билан сўзлашувини билдиради. Исмоил Ашъас (р.а.) айтадики, тушида оғзидан қурт ёки бирор жониворнинг чиққанини кўрса, аёлларининг биридан жудо бўлишини билдиради. Тушида оғзидан ифлос нарса чиққанини кўрса, бирор ерга олиб борган нарсаси миннат туфайли ботил бўлишини билдиради. Тушида оғзидан марваридлар чиқаётганини ва одамлар териб олаётганини кўрса, одамлар унинг илмидан баҳраманд бўлишларини билдиради. Тушида кимдир унинг оғзига муҳр босганини кўрса ва унинг ким эканини билмаса, расво бўлишига далилдир. Аллоҳ таъоло айтади: Бу Кунда Биз уларнинг оғизларини муҳрлаб қўюрмиз. Бизга уларнинг қилиб ўтган ишлари ҳақида қўллари сўзлаб, оёқлари гувоҳлик бе-рур (Ёсин сураси, 65-оят). Ҳофиз Муъаббир (р.а.) айтадики, тушида оғзидан бирор яхши нарсанинг чиққанини кўрса, маънодор яхши сўз айтишига далилдир. Бунинг аксини кўрса, таъбири аксинча бўлади. Тушида оғзига бир нарса солганини ва у яхши нарса эканини кўрса, ҳалол нарса ейишини билдиради. Жаъфар Содиқ (р.а.) айтадики, тушда оғзини кўриш етти нарсага далолат қилади: манзилга; хазинага; ишларнинг юришиб кетишига; молга; ҳожатга; вазирга; дарвозабонга.
Tush tabirini qidiring.
Tavsiya qilamiz
.
. .
Яндекс.Метрика