Tushda Baliq - Балиқ ko'rsa

BALIQ (MOHIY) — Doniyol (a.s.)ning aytishlaricha, tushdagi baliq issiq havoli dengizlarda balo va qiyinchilik, sovuq havoli dengizlarda, ta’biri aksincha bo‘ladi. Tushida yangi va katga baliqlarning ko‘pligini ko‘rsa, molu dunyoga dalildir. Mayda baliqlar g‘amu anduh bo‘ladi. Baliqning qornidan marvarid topib olganini ko‘rsa, o‘g‘il tug‘ilishiga dalildir. Ibn Sirin (r.a.)ning aytishicha, tushida kimdir unga quri tilgan yoki sho‘r balikdan berganini ko‘rsa, podshohdan yoki bir ulug‘ odamdan zarar yetishiga dalildir. Tushida sho‘r baliq yeganini ko‘rsa, g‘ulomi zarar yetkazishiga dalildir. Tushida tuzlangan va qovurilgan baliq yeganini ko‘rsa, safar qilishi, ilm qidirishi yoki bir odam bilan suhbat qurishiga dalildir. Mayda baliqlarni tushda yeyish xususamt bo‘ladi. Tushida baliqning a’zolaridan, masalan, qonni, suyakni yoki baliq qornida bo‘lgan biror narsani topsa, uning mikdoricha mol, xayru barakat topishiga yoki aqlli g‘ulomga dalolat qiladi. Agar dengiz yoki daryoda katga baliq tutib olganini ko‘rsa, moli ko‘p oiladan xotin olishiga dalil bo‘ladi. Jobir Mag‘ribiy (r.a.)ning aytishicha, tushdagi toza va qovurilgan baliq molu ne’mat bo‘ladi, toza baliq Jannatdagi taomlardan biri bo‘lib, Iso (a.s.)ga osmondan tushirilgan. Alloh ta’olo aytadi: Iso ibn Maryam dedi: Ey, Rabbimiz Alloh! Bizga osmondan (bir) dasturxon tushirginki, u avvalu oxirimiz uchun bayram hamda Sendan (bizga) mo‘’jiza bo‘lsin. . . (Moida surasi, 114-oyat). Agar tushida og‘zidan baliq chiqqanini ko‘rsa, ishlarda yolg‘on gapirishga yo‘l qo‘yishiga dalil bo‘ladi. Agar baliq o‘z olatidan chiqqanini ko‘rsa, qiz tug‘ilishiga dalildir. Agar ayol kishi og‘zidan baliq chiqqanini ko‘rsa, g‘amgin bo‘lishini bildiradi. Agar daryodan baliq ushlab olganini ko‘rsa, ulug‘ bir odamdan molu ne’mat topishiga dalildir. Agar toza va yangi baliq yeganini ko‘rsa, uning mikdoricha mol hosil qilishini bildiradi. Ismoil Ash’as (r.a.)ning aytishicha, tushida baliqfurushlik qilganini ko‘rsa, unga va uning odamlariga xayru manfaat yetishini bildiradi. Tushida hovuz yoki arikdan baliq tutib olganini ko‘rsa, odamlardan makru hiyla bilan biror narsa undirishiga dalildir. Agar daryodagi baliqlar u bilan so‘zlashganini ko‘rsa, podshoh siri oshkor bo‘lishiga dalildir. Ja’far Sodiq (r.a.)ning aytishicha, tushdagi baliq olti narsani bildiradi: vazirni; lashkarni; balog‘atga yetgan qizni; harbiy urushni; g‘amu anduhni va hind kanizagini.


БАЛИҚ (МОҲИЙ) — Дониёл (а.с.)нинг айтишларича, тушдаги балиқ иссиқ ҳаволи денгизларда бало ва қийинчилик, совуқ ҳаволи денгизларда, таъбири аксинча бўлади. Тушида янги ва катга балиқларнинг кўплигини кўрса, молу дунёга далилдир. Майда балиқлар ғаму андуҳ бўлади. Балиқнинг қорнидан марварид топиб олганини кўрса, ўғил туғилишига далилдир. Ибн Сирин (р.а.)нинг айтишича, тушида кимдир унга қури тилган ёки шўр баликдан берганини кўрса, подшоҳдан ёки бир улуғ одамдан зарар етишига далилдир. Тушида шўр балиқ еганини кўрса, ғуломи зарар етказишига далилдир. Тушида тузланган ва қовурилган балиқ еганини кўрса, сафар қилиши, илм қидириши ёки бир одам билан суҳбат қуришига далилдир. Майда балиқларни тушда ейиш хусусамт бўлади. Тушида балиқнинг аъзоларидан, масалан, қонни, суякни ёки балиқ қорнида бўлган бирор нарсани топса, унинг микдорича мол, хайру баракат топишига ёки ақлли ғуломга далолат қилади. Агар денгиз ёки дарёда катга балиқ тутиб олганини кўрса, моли кўп оиладан хотин олишига далил бўлади. Жобир Мағрибий (р.а.)нинг айтишича, тушдаги тоза ва қовурилган балиқ молу неъмат бўлади, тоза балиқ Жаннатдаги таомлардан бири бўлиб, Исо (а.с.)га осмондан туширилган. Аллоҳ таъоло айтади: Исо ибн Марям деди: Эй, Раббимиз Аллоҳ! Бизга осмондан (бир) дастурхон туширгинки, у аввалу охиримиз учун байрам ҳамда Сендан (бизга) мўъжиза бўлсин. . . (Моида сураси, 114-оят). Агар тушида оғзидан балиқ чиққанини кўрса, ишларда ёлғон гапиришга йўл қўйишига далил бўлади. Агар балиқ ўз олатидан чиққанини кўрса, қиз туғилишига далилдир. Агар аёл киши оғзидан балиқ чиққанини кўрса, ғамгин бўлишини билдиради. Агар дарёдан балиқ ушлаб олганини кўрса, улуғ бир одамдан молу неъмат топишига далилдир. Агар тоза ва янги балиқ еганини кўрса, унинг микдорича мол ҳосил қилишини билдиради. Исмоил Ашъас (р.а.)нинг айтишича, тушида балиқфурушлик қилганини кўрса, унга ва унинг одамларига хайру манфаат етишини билдиради. Тушида ҳовуз ёки арикдан балиқ тутиб олганини кўрса, одамлардан макру ҳийла билан бирор нарса ундиришига далилдир. Агар дарёдаги балиқлар у билан сўзлашганини кўрса, подшоҳ сири ошкор бўлишига далилдир. Жаъфар Содиқ (р.а.)нинг айтишича, тушдаги балиқ олти нарсани билдиради: вазирни; лашкарни; балоғатга етган қизни; ҳарбий урушни; ғаму андуҳни ва ҳинд канизагини.
Tush tabirini qidiring.
Tavsiya qilamiz
. .
Яндекс.Метрика