.

Tushda Sichqon - Сичқон ko'rsa

SICHQON (MUSH) Ibn Sirin (r.a.)ning aytishicha, tushdagi sichqon tashqaridan pokdomon, ichidan esa fosiq ayoldir. Tushida sichqonni tutib olsa yoki birov unga berganini ko‘rsa, aytilgan sifatdagi xotinga uylanishini bildiradi. Tushida sichqonni og‘ilxonada tutib olganini ko‘rsa, birorta ayolga makru hiyla bilan uylanishini bildiradi. Agar ko‘pgina sichqonlar uning uyida to‘planganini, barchasi bir xilda ekanini ko‘rsa, sichqonlar miqdoricha bo‘lgan ayollar uyida to‘planishiga dalildir. Agar sichqonlarni har xil ekanini, chunonchi, ba’zisi qora, ba’zisi oq ekanini ko‘rsa, uning ta’biri kecha va kunduzga taalluqli bo‘ladi. Chunonchi, Sayyidi Olam (s.a.v.): Kecha va kunduz odamlarning umrini qirqadigan sichqon kabidirlar,deb aytganlar. Kirmoniy (r.a.)ning aytishicha, tushida burun teshigidan yoki olat teshigidan sichqon chiqqanini ko‘rsa, nobakor qiz tug‘ilishiga dalildir. Jobir Mag‘ribiy (r.a.)ning aytishicha, tushida uyiga dala sichqonlari kelganini ko‘rsa, o‘sha yerda nobakor ayollar yig‘ilishiga dalildir. Tushdagi sichqonlar buzuq ayollarning moliga dalildir. Dala va uy sichqonlarining ta’biri bir xildir. Ismoil Ash’as (r.a.)ning aytishicha, tushida sichqonni tutib olganini va uning dumi yo‘qligini ko‘rsa, pastkash xotin olishiga dalildir. Tushida sichqon uning qo‘lida o‘lib qolganini ko‘rsa, musibat yetishiga dalildir. Tushida sichqonni oyog‘i bilan ezayotganini ko‘rsa yomon xotin olishi va undan qutilishiga dalildir. Tushida sichqonga tosh otganini ko‘rsa, birovni muttaham qilishiga dalildir. Tushda o‘rinda sichqon borligini ko‘rsa, buzuq ayol unga qasd qilishiga dalildir. Tushida sichqonni yeganini ko‘rsa, buzuq ayolning molidan yeyishiga dalildir.


СИЧҚОН (МУШ) Ибн Сирин (р.а.)нинг айтишича, тушдаги сичқон ташқаридан покдомон, ичидан эса фосиқ аёлдир. Тушида сичқонни тутиб олса ёки биров унга берганини кўрса, айтилган сифатдаги хотинга уйланишини билдиради. Тушида сичқонни оғилхонада тутиб олганини кўрса, бирорта аёлга макру ҳийла билан уйланишини билдиради. Агар кўпгина сичқонлар унинг уйида тўпланганини, барчаси бир хилда эканини кўрса, сичқонлар миқдорича бўлган аёллар уйида тўпланишига далилдир. Агар сичқонларни ҳар хил эканини, чунончи, баъзиси қора, баъзиси оқ эканини кўрса, унинг таъбири кеча ва кундузга тааллуқли бўлади. Чунончи, Саййиди Олам (с.а.в.): Кеча ва кундуз одамларнинг умрини қирқадиган сичқон кабидирлар,деб айтганлар. Кирмоний (р.а.)нинг айтишича, тушида бурун тешигидан ёки олат тешигидан сичқон чиққанини кўрса, нобакор қиз туғилишига далилдир. Жобир Мағрибий (р.а.)нинг айтишича, тушида уйига дала сичқонлари келганини кўрса, ўша ерда нобакор аёллар йиғилишига далилдир. Тушдаги сичқонлар бузуқ аёлларнинг молига далилдир. Дала ва уй сичқонларининг таъбири бир хилдир. Исмоил Ашъас (р.а.)нинг айтишича, тушида сичқонни тутиб олганини ва унинг думи йўқлигини кўрса, пасткаш хотин олишига далилдир. Тушида сичқон унинг қўлида ўлиб қолганини кўрса, мусибат етишига далилдир. Тушида сичқонни оёғи билан эзаётганини кўрса ёмон хотин олиши ва ундан қутилишига далилдир. Тушида сичқонга тош отганини кўрса, бировни муттаҳам қилишига далилдир. Тушда ўринда сичқон борлигини кўрса, бузуқ аёл унга қасд қилишига далилдир. Тушида сичқонни еганини кўрса, бузуқ аёлнинг молидан ейишига далилдир.
Tush tabirini qidiring.
Tavsiya qilamiz
.
. .
Яндекс.Метрика