SUV OMBORI (OBXONA) Ibn Sirin (r.a.)ning aytishicha, kimki tushida suv ombori qurayotganini ko‘rsa, uning mol-dunyo yig‘ishga haris bo‘lishiga va o‘z molidan hech narsa xarj qilishni xohlamasligiga dalildir. Ba’zi ta’birchilarning aytishicha, yengil tabiatli ayolga ega bo‘ladi va bu ayol haromxo‘r va bediyonat bo‘ladi. Agar suv omborida hojat ushatayotganini ko‘rsa, o‘z molini sarf qilishiga dalildir. Omborxonada yiqilganini yoki suv chohiga tushub ketganini ko‘rsa, mol jamlashga mukkasidan ketishiga dalildir. Agar bir kishi o‘zi bunyod qilgan suv omboriga yiqilib tushsa, birovning molini zo‘rlik bilan tortib olishiga dalil bo‘ladi. Agar suv chohiga yiqilsa va qo‘l-oyog‘i singanini ko‘rsa, og‘ir kulfatga duchor bo‘lishiga dalil bo‘ladi. Hazrati Sodiq (r.a.) aytadiki, tushda suv omborini ko‘rmoq besh narsaga dalil bo‘ladi: harom molga; dunyo maishatiga; xazinaga; xarom ishga; haromxo‘r xodima ayolga.
СУВ ОМБОРИ (ОБХОНА) Ибн Сирин (р.а.)нинг айтишича, кимки тушида сув омбори қураётганини кўрса, унинг мол-дунё йиғишга ҳарис бўлишига ва ўз молидан ҳеч нарса харж қилишни хоҳламаслигига далилдир. Баъзи таъбирчиларнинг айтишича, енгил табиатли аёлга эга бўлади ва бу аёл ҳаромхўр ва бедиёнат бўлади. Агар сув омборида ҳожат ушатаётганини кўрса, ўз молини сарф қилишига далилдир. Омборхонада йиқилганини ёки сув чоҳига тушуб кетганини кўрса, мол жамлашга муккасидан кетишига далилдир. Агар бир киши ўзи бунёд қилган сув омборига йиқилиб тушса, бировнинг молини зўрлик билан тортиб олишига далил бўлади. Агар сув чоҳига йиқилса ва қўл-оёғи синганини кўрса, оғир кулфатга дучор бўлишига далил бўлади. Ҳазрати Содиқ (р.а.) айтадики, тушда сув омборини кўрмоқ беш нарсага далил бўлади: ҳаром молга; дунё маишатига; хазинага; харом ишга; ҳаромхўр ходима аёлга.
Tush.UZ - Tushlar tabiri