TEPALIK (PUSHTA) Ibn Sirin (r.a.)ning aytishicha, agar tushida cho‘ldagi tepalik ustida o‘tirganini yoki tog‘dagi bir tepalik ustida o‘tirganini ko‘rsa, bir ulug‘ va martabali kishidan obro‘-e’tibor topishini bildiradi, biroq bu obro‘-e’tibor o‘sha tog‘ atrofidagi yerlarning kengligi mikdoriga bog‘liqdir. Agar o‘sha tepalikning ustida tik turganini ko‘rsa, bir ulug‘ kishiga yaqinlashishi mol va hurmat topishini bildiradi. Agar o‘sha tepalik o‘zining mulki va mavzei ekanini ko‘rsa, bir ulug‘ kishi unga qahr qilishi, molu ne’matini tortib olishi va uning o‘rniga o‘tirishini bildiradi. Agar o‘sha tepalikning qismi o‘ziniki ekanini ko‘rsa, shu qismning katta-kichikligiga qarab, ne’mat va ulug‘lik topadi. Agar o‘sha tepalikdan qulab tushsa yoki kimdir uni yiqitib yuborsa, bir ulug‘ kishi tomonidan behurmat qilinishini va zarar topishini bildiradi. Agar tepalikka zo‘r qiyinchilik bilan ko‘tarilayotganini ko‘rsa, unga g‘amu anduh yetishiga dalil bo‘ladi. Ja’far Sodiq (r.a.)ning aytishlaricha, tushda tepalikni ko‘rmoq to‘rt narsani bildiradi: balandlikni; molni; quvvatni; sog‘liqni.
ТЕПАЛИК (ПУШТА) Ибн Сирин (р.а.)нинг айтишича, агар тушида чўлдаги тепалик устида ўтирганини ёки тоғдаги бир тепалик устида ўтирганини кўрса, бир улуғ ва мартабали кишидан обрў-эътибор топишини билдиради, бироқ бу обрў-эътибор ўша тоғ атрофидаги ерларнинг кенглиги микдорига боғлиқдир. Агар ўша тепаликнинг устида тик турганини кўрса, бир улуғ кишига яқинлашиши мол ва ҳурмат топишини билдиради. Агар ўша тепалик ўзининг мулки ва мавзеи эканини кўрса, бир улуғ киши унга қаҳр қилиши, молу неъматини тортиб олиши ва унинг ўрнига ўтиришини билдиради. Агар ўша тепаликнинг қисми ўзиники эканини кўрса, шу қисмнинг катта-кичиклигига қараб, неъмат ва улуғлик топади. Агар ўша тепаликдан қулаб тушса ёки кимдир уни йиқитиб юборса, бир улуғ киши томонидан беҳурмат қилинишини ва зарар топишини билдиради. Агар тепаликка зўр қийинчилик билан кўтарилаётганини кўрса, унга ғаму андуҳ етишига далил бўлади. Жаъфар Содиқ (р.а.)нинг айтишларича, тушда тепаликни кўрмоқ тўрт нарсани билдиради: баландликни; молни; қувватни; соғлиқни.
Tush.UZ - Tushlar tabiri