Tushda Biqin - Биқин ko'rsa

BIQIN (PAXLU) Ibn Sirin (r.a.)ning aytishicha, biqin tushda ayol bo‘ladi. Agar chap biqinini shishganini ko‘rsa, xotini va kanizagi baravariga homilador bo‘lishlariga dalildir. Agar biqinining qizarganini, qonli bir parcha go‘sht biqinidan ajrab turganini ko‘rsa, ayolining bola tashlashini bildiradi. Agar ikki qo‘lini biqiniga qo‘yib turganini ko‘rsa, qattiq g‘am yetishiga dalildir. Kirmoniy (r.a.) aytadiki, agar har kim biqin suyagini shishganini ko‘rsa, otasi, onasi yoki xotinidan g‘am va anduh yetishiga dalolat qiladi. Agar chap biqinining terisi ajrab yerga tushganini ko‘rsa, moli va oilasi nobud bo‘lishiga dalildir. Agar har ikki biqinining sarg‘ayib ketganini ko‘rsa, g‘amgin bo‘lishiga dalildir. Agar biqinining teshilib qolganini va undan gavhar yoki marvarid chiqqanini ko‘rsa, olim va dono farzand tug‘ilishini bildiradi. Agar biqini katga va kuchli bo‘lib qolganini ko‘rsa, dini soz, oilasi quvvatli bo‘lishini bildiradi. Agar biqinining kichik va zaif bo‘lib qolganini ko‘rsa, ta’biri yuqorida aytilganning aksi bo‘ladi. Jobir Mag‘ribiy (r.a.)ning aytishicha, tushdagi biqinlar ayollarga dalolat qiladi. Chunki ayollar erkaklarning biqinidan yaratilgandir. Demak, biqinda ko‘ringan har qanday yaxshilik va yomonlikning ta’biri ayollarga taalluqli bo‘ladi. Agar biqinlari ko‘payib ketganini ko‘rsa, shu biqin miqdoriga muvofiq ayollar va kanizaklari ko‘payadi. Agar biqinidan ilon chiqqanini ko‘rsa, farzand tug‘ilishiga dalildir. Ja’far Sodiq (r.a.) aytadilarki, tushda biqin ko‘rmoq beshta narsaga dalildir: xotinga; qizga; kanizakka; xodimga va xonadonida bo‘lgan qariya kampirga.


БИҚИН (ПАХЛУ) Ибн Сирин (р.а.)нинг айтишича, биқин тушда аёл бўлади. Агар чап биқинини шишганини кўрса, хотини ва канизаги бараварига ҳомиладор бўлишларига далилдир. Агар биқинининг қизарганини, қонли бир парча гўшт биқинидан ажраб турганини кўрса, аёлининг бола ташлашини билдиради. Агар икки қўлини биқинига қўйиб турганини кўрса, қаттиқ ғам етишига далилдир. Кирмоний (р.а.) айтадики, агар ҳар ким биқин суягини шишганини кўрса, отаси, онаси ёки хотинидан ғам ва андуҳ етишига далолат қилади. Агар чап биқинининг териси ажраб ерга тушганини кўрса, моли ва оиласи нобуд бўлишига далилдир. Агар ҳар икки биқинининг сарғайиб кетганини кўрса, ғамгин бўлишига далилдир. Агар биқинининг тешилиб қолганини ва ундан гавҳар ёки марварид чиққанини кўрса, олим ва доно фарзанд туғилишини билдиради. Агар биқини катга ва кучли бўлиб қолганини кўрса, дини соз, оиласи қувватли бўлишини билдиради. Агар биқинининг кичик ва заиф бўлиб қолганини кўрса, таъбири юқорида айтилганнинг акси бўлади. Жобир Мағрибий (р.а.)нинг айтишича, тушдаги биқинлар аёлларга далолат қилади. Чунки аёллар эркакларнинг биқинидан яратилгандир. Демак, биқинда кўринган ҳар қандай яхшилик ва ёмонликнинг таъбири аёлларга тааллуқли бўлади. Агар биқинлари кўпайиб кетганини кўрса, шу биқин миқдорига мувофиқ аёллар ва канизаклари кўпаяди. Агар биқинидан илон чиққанини кўрса, фарзанд туғилишига далилдир. Жаъфар Содиқ (р.а.) айтадиларки, тушда биқин кўрмоқ бешта нарсага далилдир: хотинга; қизга; канизакка; ходимга ва хонадонида бўлган қария кампирга.
Tush tabirini qidiring.
Tavsiya qilamiz
Loading...
Яндекс.Метрика