Tushda Behi - Беҳи ko'rsa

BEHI (BEH) Bilginki, tushda ko‘rilgan behi haqida bu fan ustodlari o‘rtasida ikki xil fikr bor. Ba’zilarning aytishicha, bir ulug‘ odamdan xayru manfaat va yoqimli maqtov topadi, ba’zilarning aytishicha, behi farzand bo‘ladi, ba’zilarning fikricha, bemorlik bo‘ladi, deyiladi. Bemorlikka hukm qilganlari aytadilarki, agar behi sariq rangli bo‘lsa, bemorlik bo‘lishi mumkin. Ba’zilari tan ranjini tortadigan uzoq safar bo‘ladi, deydilar. Buning ma’nosi shuki, Jabroil (a.s.) Odam Ato Jannatdan chiqayotgan paytda unga behi bergan va g‘amu anduhli safar hukmini yetkazgan edi. Chunki, Odam Atoning safari Jannatdan yerga boradigan g‘amu qayg‘uli safar edi. Behini farzandga hukm qilganlarning ma’nosi shuki, Odam alayhissalom dunyo yuziga kelgach, behi yeganidan so‘ng unda maniy (erlik urug‘i) ziyoda bo‘ldi, natijada undan bir necha farzandlar vujudga keldi. Bir ulug‘ odamdan xayru manfaat va yoqimli olqish topadi deganlarning ma’nosi shuki, behi beruvchi Jabroil (a.s.) edi va oluvchi esa Odam alayhissalom edi. Uning shirin hidi esa yoqimli maqtov bo‘ladi. Ko‘rib turganingizdek, ustozlar ta’bir qilgan bu har bir tush behuda emas. Ibrohimning aytishicha, tushdagi behi, xoh vaqtida, xoh bevaqt bo‘lsin, bemorlik bo‘ladi, rangi qanchalik sariq bo‘lsa, bemorlik shunchalik og‘ir bo‘ladi. J a’far Sodiq (r.a.) aytishlaricha, o‘z vaqtida ko‘rilgan, biroq rangi ko‘k bo‘lgan behi farzandga ishoratdir. O‘z vaqtida ko‘rilmagan, rangi sariq bo‘lgan behi, bemorlikdir.


БЕҲИ (БЕҲ) Билгинки, тушда кўрилган беҳи ҳақида бу фан устодлари ўртасида икки хил фикр бор. Баъзиларнинг айтишича, бир улуғ одамдан хайру манфаат ва ёқимли мақтов топади, баъзиларнинг айтишича, беҳи фарзанд бўлади, баъзиларнинг фикрича, беморлик бўлади, дейилади. Беморликка ҳукм қилганлари айтадиларки, агар беҳи сариқ рангли бўлса, беморлик бўлиши мумкин. Баъзилари тан ранжини тортадиган узоқ сафар бўлади, дейдилар. Бунинг маъноси шуки, Жаброил (а.с.) Одам Ато Жаннатдан чиқаётган пайтда унга беҳи берган ва ғаму андуҳли сафар ҳукмини етказган эди. Чунки, Одам Атонинг сафари Жаннатдан ерга борадиган ғаму қайғули сафар эди. Беҳини фарзандга ҳукм қилганларнинг маъноси шуки, Одам алайҳиссалом дунё юзига келгач, беҳи еганидан сўнг унда маний (эрлик уруғи) зиёда бўлди, натижада ундан бир неча фарзандлар вужудга келди. Бир улуғ одамдан хайру манфаат ва ёқимли олқиш топади деганларнинг маъноси шуки, беҳи берувчи Жаброил (а.с.) эди ва олувчи эса Одам алайҳиссалом эди. Унинг ширин ҳиди эса ёқимли мақтов бўлади. Кўриб турганингиздек, устозлар таъбир қилган бу ҳар бир туш беҳуда эмас. Иброҳимнинг айтишича, тушдаги беҳи, хоҳ вақтида, хоҳ бевақт бўлсин, беморлик бўлади, ранги қанчалик сариқ бўлса, беморлик шунчалик оғир бўлади. Ж аъфар Содиқ (р.а.) айтишларича, ўз вақтида кўрилган, бироқ ранги кўк бўлган беҳи фарзандга ишоратдир. Ўз вақтида кўрилмаган, ранги сариқ бўлган беҳи, беморликдир.
Tush tabirini qidiring.
Tavsiya qilamiz
Loading...
Яндекс.Метрика