XAT, MAKTUB (NOMA) Ibn Sirin (r.a.)ning aytishicha, tushida boshi bekitilgan xatni ko‘rsa, yashirin narsa haqida eshitishiga dalildir. Agar xat bekitilmagan, ochiq bo‘lsa, biror narsaning fosh bo‘lishiga dalildir. Agar xat muhrlangan bo‘lsa, unga yetadigan narsa yaxshi ekaniga dalildir. Kirmoniy (r.a )ning aytishicha, tushida kimdir unga xat berganini va u xatni o‘qiganini ko‘rsa, birovdan unga yaxshilik yetishiga dalildir. Agar xatning boshlanishi (unvoni) bo‘lmasa, g‘amu anduhga dalil bo‘ladi. Agar boshlanishi bo‘lsa, muhr urilgan bo‘lsa, biroq xatni hech kim ochmasa, tashqaridan yaxshi ko‘rinadigan, ammo ichkaridan g‘amu anduhga sabab bo‘ladigan bir ishga mashg‘ul bo‘lishiga dalildir. Agar xatning muhrini ochgani va uni o‘qiganini ko‘rsa, izzati va obro‘yi ziyoda bo‘lishiga dalildir. Agar xatni o‘quvchi haqiqatan o‘qishni biladigan kishi bo‘lsa, izzat va obro‘yi yanada ziyoda bo‘lishiga dalildir. Ba’zi ta’birchilarning aytishicha, ajali yaqinlashgan bo‘lishi mumkin. Mag‘ribiy (r.a.)ning aytishicha, tushida podshoh xotini unga berganlarini, xatni ochmagani va o‘qimaganipi ko‘rsa, g‘amu anduhga dalildir. Ochsa, o‘qisa va unda bashoratli xabar bo‘lsa, shodlik, xurramlik va foydaga dalildir. Bordi-yu unda sovuq va yoqimsiz so‘zlar yozilgan bo‘lsa, noxush, achchiq va halokatli hayotga dalildir. Tushida muhrlangan xat topib, uni podshohga berganini ko‘rsa, xayru manfaatga dalildir. Ismoil Ash’as (r.a.)ning aytishicha, tushida qo‘liga osmondan xat kelib tushganini ko‘rsa, yaxshilik va umidvorlikka, ishlari yaxshi bo‘lishiga dalildir. Agar unda yoqimsiz so‘zlar yozilgan bo‘lsa, ishlari izdan chiqishiga dalildir.
ХАТ, МАКТУБ (НОМА) Ибн Сирин (р.а.)нинг айтишича, тушида боши бекитилган хатни кўрса, яширин нарса ҳақида эшитишига далилдир. Агар хат бекитилмаган, очиқ бўлса, бирор нарсанинг фош бўлишига далилдир. Агар хат муҳрланган бўлса, унга етадиган нарса яхши эканига далилдир. Кирмоний (р.а )нинг айтишича, тушида кимдир унга хат берганини ва у хатни ўқиганини кўрса, бировдан унга яхшилик етишига далилдир. Агар хатнинг бошланиши (унвони) бўлмаса, ғаму андуҳга далил бўлади. Агар бошланиши бўлса, муҳр урилган бўлса, бироқ хатни ҳеч ким очмаса, ташқаридан яхши кўринадиган, аммо ичкаридан ғаму андуҳга сабаб бўладиган бир ишга машғул бўлишига далилдир. Агар хатнинг муҳрини очгани ва уни ўқиганини кўрса, иззати ва обрўйи зиёда бўлишига далилдир. Агар хатни ўқувчи ҳақиқатан ўқишни биладиган киши бўлса, иззат ва обрўйи янада зиёда бўлишига далилдир. Баъзи таъбирчиларнинг айтишича, ажали яқинлашган бўлиши мумкин. Мағрибий (р.а.)нинг айтишича, тушида подшоҳ хотини унга берганларини, хатни очмагани ва ўқимаганипи кўрса, ғаму андуҳга далилдир. Очса, ўқиса ва унда башоратли хабар бўлса, шодлик, хуррамлик ва фойдага далилдир. Борди-ю унда совуқ ва ёқимсиз сўзлар ёзилган бўлса, нохуш, аччиқ ва ҳалокатли ҳаётга далилдир. Тушида муҳрланган хат топиб, уни подшоҳга берганини кўрса, хайру манфаатга далилдир. Исмоил Ашъас (р.а.)нинг айтишича, тушида қўлига осмондан хат келиб тушганини кўрса, яхшилик ва умидворликка, ишлари яхши бўлишига далилдир. Агар унда ёқимсиз сўзлар ёзилган бўлса, ишлари издан чиқишига далилдир.
Tush.UZ - Tushlar tabiri