XACHIR (USTUR) Ibn Sirin (r.a.)ning aytishicha, tushida xachirni ko‘rsa va u mute va tobe bo‘lmasa, badfe’l odamga dalil bo‘ladi. Agar mute va tobe bo‘lsa, yaxshilikka dalildir. Agar egarsiz xachirga minganini ko‘rsa va bu xachirning kimniki ekanini bilmasa, safarga jo‘nashiga dalildir. Agar xachirga minganini va safarga chiqqanini ko‘rsa, foyda bilan qaytadi. Xachirga egar yoki to‘qim qo‘yganini ko‘rsa, xotini tug‘mas bo‘lishiga dalildir, xususan, xachir o‘ziniki ekanini bilsa yoki birov unga hadya qilganini bilsa, yuqoridagiga dalil bo‘ladi. Kirmoniy (r.a.)ning aytishicha, qora moda xachirga minganini ko‘rsa, xachir baland bo‘yli bo‘lsa, hurmatli ayolga uylanishiga dalil bo‘ladi. Agar xachirning oq rangli ekanini ko‘rsa, oladigan xotini chiroyli va zebo bo‘lishiga dalildir. Agar xachir yashil rangda bo‘lsa, xotinining dindor va parhezgar bo‘lishiga dalildir. Xachir qizil rangda bo‘lsa, ayol shodlik va ayshu ishratni yaxshi ko‘ruvchi bo‘lishiga dalildir. Agar xachir sariq yoki malla rangda bo‘lsa, o‘sha xotin kasalmand va sariq yuzli bo‘ladi. Agar xachirni yalang‘och holatda ko‘rsa, zaif bir odamga dalil bo‘ladi. Jobir Mag‘ribiy (r.a.)ning aytishicha, urg‘ochi xachir biror xoja yoki janobning o‘g‘liga dalildir. Erkak xachir esa safar bo‘ladi. Ta’bir san’atining ustozlaridan bo‘lmish ba’zi bir kishilarning aytishicha, erkak xachir erkak kishiga, urg‘ochisi esa ayolga dalildir. Agar birovdan urg‘ochi xachir sotib olsa, biror kimsadan kanizak sotib olishini bildiradi. Agar erkak xachirni sotib yuborganini ko‘rsa, kanizagini sotishiga yoki undan judo bo‘lishiga dalildir. Agar urg‘ochi xachirga minganini ko‘rsa, hech qachon tug‘maydigan xotin olishiga dalildir. Xachirga minganini ko‘rsa, umri uzoq va murodi hosil bo‘lishini bildiradi. Xachir ortidan chopib kelayotganini ko‘rsa, unga g‘am yetishini bildiradi. Ismoil Ash’as (r.a.)ning aytishicha, xachirning hangrayotganini ko‘rsa, xotinlar tomonidan moli ko‘payishiga dalildir. Agar uning xachiri so‘zlayotganini ko‘rsa, unga shunday bir ajib ish yuzlanadiki, odamlar bundan hayratga tushadilar. Agar birorta xachirni o‘ldirib qo‘yganini ko‘rsa, mol topishiga dalildir. Xachirni o‘lib qolganini ko‘rsa yoki yo‘qolganini ko‘rsa, xotinidan yoki kanizagidan ayrilishiga dalildir. Agar o‘sha xachir erkak bo‘lsa, birorta erkakning suhbatidan judo bo‘lishini bildiradi. Bilginki, xachirning go‘shti va terisi mol bo‘ladi. Ta’birchilardan ba’zilarning aytishicha, xachir go‘shti kasallik bo‘ladi. Agar xachirning sutidan ichayotganini ko‘rsa, ichgan suti mikdoricha qiyinchilik, qo‘rquv va xavfga mubtalo bo‘ladi. Ja’far Sodiq (r.a.)ning aytishicha, tushdagi xachir besh narsani bildiradi: safarni; uzoq-umrni; dushman ustidan g‘alabani; go‘zallikni; ahmoq odamni. Urg‘ochi xachir tug‘mas xotin bo‘ladi. Xachirning bolasi esa manfaat hamda murod topmoqqa dalildir.
ХАЧИР (УСТУР) Ибн Сирин (р.а.)нинг айтишича, тушида хачирни кўрса ва у муте ва тобе бўлмаса, бадфеъл одамга далил бўлади. Агар муте ва тобе бўлса, яхшиликка далилдир. Агар эгарсиз хачирга минганини кўрса ва бу хачирнинг кимники эканини билмаса, сафарга жўнашига далилдир. Агар хачирга минганини ва сафарга чиққанини кўрса, фойда билан қайтади. Хачирга эгар ёки тўқим қўйганини кўрса, хотини туғмас бўлишига далилдир, хусусан, хачир ўзиники эканини билса ёки биров унга ҳадя қилганини билса, юқоридагига далил бўлади. Кирмоний (р.а.)нинг айтишича, қора мода хачирга минганини кўрса, хачир баланд бўйли бўлса, ҳурматли аёлга уйланишига далил бўлади. Агар хачирнинг оқ рангли эканини кўрса, оладиган хотини чиройли ва зебо бўлишига далилдир. Агар хачир яшил рангда бўлса, хотинининг диндор ва парҳезгар бўлишига далилдир. Хачир қизил рангда бўлса, аёл шодлик ва айшу ишратни яхши кўрувчи бўлишига далилдир. Агар хачир сариқ ёки малла рангда бўлса, ўша хотин касалманд ва сариқ юзли бўлади. Агар хачирни яланғоч ҳолатда кўрса, заиф бир одамга далил бўлади. Жобир Мағрибий (р.а.)нинг айтишича, урғочи хачир бирор хожа ёки жанобнинг ўғлига далилдир. Эркак хачир эса сафар бўлади. Таъбир санъатининг устозларидан бўлмиш баъзи бир кишиларнинг айтишича, эркак хачир эркак кишига, урғочиси эса аёлга далилдир. Агар бировдан урғочи хачир сотиб олса, бирор кимсадан канизак сотиб олишини билдиради. Агар эркак хачирни сотиб юборганини кўрса, канизагини сотишига ёки ундан жудо бўлишига далилдир. Агар урғочи хачирга минганини кўрса, ҳеч қачон туғмайдиган хотин олишига далилдир. Хачирга минганини кўрса, умри узоқ ва муроди ҳосил бўлишини билдиради. Хачир ортидан чопиб келаётганини кўрса, унга ғам етишини билдиради. Исмоил Ашъас (р.а.)нинг айтишича, хачирнинг ҳанграётганини кўрса, хотинлар томонидан моли кўпайишига далилдир. Агар унинг хачири сўзлаётганини кўрса, унга шундай бир ажиб иш юзланадики, одамлар бундан ҳайратга тушадилар. Агар бирорта хачирни ўлдириб қўйганини кўрса, мол топишига далилдир. Хачирни ўлиб қолганини кўрса ёки йўқолганини кўрса, хотинидан ёки канизагидан айрилишига далилдир. Агар ўша хачир эркак бўлса, бирорта эркакнинг суҳбатидан жудо бўлишини билдиради. Билгинки, хачирнинг гўшти ва териси мол бўлади. Таъбирчилардан баъзиларнинг айтишича, хачир гўшти касаллик бўлади. Агар хачирнинг сутидан ичаётганини кўрса, ичган сути микдорича қийинчилик, қўрқув ва хавфга мубтало бўлади. Жаъфар Содиқ (р.а.)нинг айтишича, тушдаги хачир беш нарсани билдиради: сафарни; узоқ-умрни; душман устидан ғалабани; гўзалликни; аҳмоқ одамни. Урғочи хачир туғмас хотин бўлади. Хачирнинг боласи эса манфаат ҳамда мурод топмоққа далилдир.
Tush.UZ - Tushlar tabiri