XURMO Ibn Sirin (r.a.)ning aytishicha, tushdagi xurmo mol va boylik bo‘ladi. Tushida xurmo yeganini ko‘rsa va yeyuvchi ilm ahlidan bo‘lsa, ilmining ziyoda bo‘lishiga dalildir. Agar savdogar bo‘lsa, moli ziyoda bo‘lishiga dalildir. Agar tushida xurmo yeganini va danagini otib yuborganini ko‘rsa, shari’at hukmlarini bajo keltirishiga dalildir. Ba’zi bir ta’birchilarning aytishicha, tushida xurmo yesa, meros topishiga dalildir. Tushida pishmagan xurmo yeganini ko‘rsa, farzandidan meros yetishishiga dalil bo‘ladi. Agar uyida xurmo daraxti borligini va u ko‘p meva qilganini tush ko‘rsa, bir ulug‘ odamga yetishuviga va undan foydalar topishishiga dalil bo‘ladi. Agar o‘sha xurmo daraxti tomiri bilan qurib qolganini tush ko‘rsa, ularning orasiga judolik tushishiga dalildir. Agar tushida hovlisidagi xurmoning quruganini, so‘ng ko‘karganini ko‘rsa, tush ko‘ruvchi bemor bo‘lsa, shifo topishiga dalildir. Agar xurmo tagidan kesib yuborganini tush ko‘rsa, axdi oilasidan kimningdir bemor bo‘lishini bildiradi. Kirmoniy aytadiki, har kim tushida yangi xurmo mevasi bor ekanligini ko‘rsa, qiyinchilik bilan mol hosil qilishiga dalildir. Ba’zi ta’birchilarning aytishlaricha, tushdagi xurmo bir ulug‘ odamdan yetadigan foydadir. Agar uyida va hovlisida ko‘p xurmo borligini ko‘rsa, o‘sha xurmoning mikdoriga muvofiq molu matoga ega bo‘lishiga dalildir. Agar yangi yoki quritilgan xurmodan tanovul qilayotganini tush ko‘rsa, iymon halovatini topishini va ishlari tartibga tushishini bildiradi. Agar tushida xurmo daraxtining tagidan kesayotganini ko‘rsa, qulidagi ishi do‘sti tomonidan barbod qilinishiga dalildir. Jobir Mag‘ribiy (r.a.)ning aytishicha, xurmosi borligini tush ko‘rsa, boyvachcha xotinga uylanishiga dalil bo‘ladi, boshqa fikrga qaraganda mol topadi. Tushida xurmo daraxtida ko‘p uzumlar borligini va ulardan olganini ko‘rsa, qora tanli kanizakdan farzand tug‘ilishiga dalildir. Agar tushida qurigan xurmo daraxtidan yangi pishgan xurmo olganini ko‘rsa, bir munofiq kishidan muloyim so‘z eshitishiga dalildir. Boshqalarning fikriga qaraganda, nodon odamdan foydali so‘z eshitadi, bordi-yu tush egasi g‘amgin bo‘lsa, g‘amdan qutiladi. Alloh ta’olo aytadi: (Mana shu qurib qolgan) xurmo shoxini silkitgin, u senga yangi xurmo mevalarini to‘kar. . . (Maryam surasi, 25-oyat). Ja’far Sodiq (r.a.) aytadiki tushdagi xurmo saxovatli rais tomonidan yetadigan halol molni bildiradi. Tushdagi quritilgan xurmo pok din va halol molga dalildir, yangi xurmo esa ko‘z ravshanligi, halol mol, farzand hamda yaxshilikni bildiradi. HIKOYaT. Bir kishi Ibn Sirin (r.a.)ning oldiga kelib: Tushimda sulton saroyi eshigining oldida qirq dona xurmo topib oldim, — dedi. Ibn Sirin: Ertaga senga xudai o‘sha yerda qirq tayoq uradilar, — dedi. Aytganidek bo‘ldi. Boshqa yili yana o‘sha odam kelib: Tushimda sulton saroyi eshigi oldida qirqta xurmo topib oldim, — dedi. Ibn Sirin: Qirq ming dinor pul topasan, — deb javob berdi. U kishi: O‘tgan yili bu tushning ta’biri boshqa edi, bu yil esa ta’bir nima uchun boshqacha?, — deb so‘radi. Ibn Sirin aytdi: O‘tgan yili daraxt ustida xurmo yo‘q edi, ta’bir daraxt shoxiga qaratildi, bu yil esa daraxt ustida xurmo bor, daraxtlar yashil va toza, ta’biri esa men aytgandekdur. Xaligi kishi bir haftadan keyin qirq ming dinor topdi.
ХУРМО Ибн Сирин (р.а.)нинг айтишича, тушдаги хурмо мол ва бойлик бўлади. Тушида хурмо еганини кўрса ва еювчи илм аҳлидан бўлса, илмининг зиёда бўлишига далилдир. Агар савдогар бўлса, моли зиёда бўлишига далилдир. Агар тушида хурмо еганини ва данагини отиб юборганини кўрса, шариъат ҳукмларини бажо келтиришига далилдир. Баъзи бир таъбирчиларнинг айтишича, тушида хурмо еса, мерос топишига далилдир. Тушида пишмаган хурмо еганини кўрса, фарзандидан мерос етишишига далил бўлади. Агар уйида хурмо дарахти борлигини ва у кўп мева қилганини туш кўрса, бир улуғ одамга етишувига ва ундан фойдалар топишишига далил бўлади. Агар ўша хурмо дарахти томири билан қуриб қолганини туш кўрса, уларнинг орасига жудолик тушишига далилдир. Агар тушида ҳовлисидаги хурмонинг қуруганини, сўнг кўкарганини кўрса, туш кўрувчи бемор бўлса, шифо топишига далилдир. Агар хурмо тагидан кесиб юборганини туш кўрса, ахди оиласидан кимнингдир бемор бўлишини билдиради. Кирмоний айтадики, ҳар ким тушида янги хурмо меваси бор эканлигини кўрса, қийинчилик билан мол ҳосил қилишига далилдир. Баъзи таъбирчиларнинг айтишларича, тушдаги хурмо бир улуғ одамдан етадиган фойдадир. Агар уйида ва ҳовлисида кўп хурмо борлигини кўрса, ўша хурмонинг микдорига мувофиқ молу матога эга бўлишига далилдир. Агар янги ёки қуритилган хурмодан тановул қилаётганини туш кўрса, иймон ҳаловатини топишини ва ишлари тартибга тушишини билдиради. Агар тушида хурмо дарахтининг тагидан кесаётганини кўрса, қулидаги иши дўсти томонидан барбод қилинишига далилдир. Жобир Мағрибий (р.а.)нинг айтишича, хурмоси борлигини туш кўрса, бойвачча хотинга уйланишига далил бўлади, бошқа фикрга қараганда мол топади. Тушида хурмо дарахтида кўп узумлар борлигини ва улардан олганини кўрса, қора танли канизакдан фарзанд туғилишига далилдир. Агар тушида қуриган хурмо дарахтидан янги пишган хурмо олганини кўрса, бир мунофиқ кишидан мулойим сўз эшитишига далилдир. Бошқаларнинг фикрига қараганда, нодон одамдан фойдали сўз эшитади, борди-ю туш эгаси ғамгин бўлса, ғамдан қутилади. Аллоҳ таъоло айтади: (Мана шу қуриб қолган) хурмо шохини силкитгин, у сенга янги хурмо меваларини тўкар. . . (Марям сураси, 25-оят). Жаъфар Содиқ (р.а.) айтадики тушдаги хурмо саховатли раис томонидан етадиган ҳалол молни билдиради. Тушдаги қуритилган хурмо пок дин ва ҳалол молга далилдир, янги хурмо эса кўз равшанлиги, ҳалол мол, фарзанд ҳамда яхшиликни билдиради. ҲИКОЯТ. Бир киши Ибн Сирин (р.а.)нинг олдига келиб: Тушимда султон саройи эшигининг олдида қирқ дона хурмо топиб олдим, — деди. Ибн Сирин: Эртага сенга худаи ўша ерда қирқ таёқ урадилар, — деди. Айтганидек бўлди. Бошқа йили яна ўша одам келиб: Тушимда султон саройи эшиги олдида қирқта хурмо топиб олдим, — деди. Ибн Сирин: Қирқ минг динор пул топасан, — деб жавоб берди. У киши: Ўтган йили бу тушнинг таъбири бошқа эди, бу йил эса таъбир нима учун бошқача?, — деб сўради. Ибн Сирин айтди: Ўтган йили дарахт устида хурмо йўқ эди, таъбир дарахт шохига қаратилди, бу йил эса дарахт устида хурмо бор, дарахтлар яшил ва тоза, таъбири эса мен айтгандекдур. Халиги киши бир ҳафтадан кейин қирқ минг динор топди.
Tush.UZ - Tushlar tabiri