CHO‘LOQ YOKI OQSOQ BO‘LISH (LANG SHUDAN) Ibn Sirin (r.a.)ning aytishicha, tushida cho‘loq bo‘lib qolganini ko‘rsa, yaxshi yoki yomon ishlarning payida bo‘lishi, sust va zaif bo‘lib, qudratga ega bo‘lmasligiga dalildir. Ba’zi ta’birchilarning aytishicha, tushida o‘zini cho‘loq va xor holda ko‘rsa, odamlarning oldida xor va nochor bo‘lishiga dalildir. Kirmoniy (r.a.)ning aytishicha, har kim tushida o‘zini cho‘loq bo‘lganini ko‘rsa, din va dunyoda ishi yaxshi bo‘lmasligi va maqsadiga yetolmasligiga dalildir. Tushida o‘zini qasddan cho‘loq qilganini ko‘rsa, o‘z hayotini yaxshilash uchun birovdan yordam so‘rashiga dalildir. Tushida cho‘loq bo‘lib qolganini va hassaga suyanib ketayotganini ko‘rsa, odamlar ishonadigan bir kishidan ko‘mak so‘rashi va murodi hosil bo‘lishiga dalildir. Agar o‘zini qasddan cho‘loq qilganini ko‘rsa, birovga yuzaki ishonishi va e’tiqodi haqiqiy emasligiga dalildir. Mag‘ribiy (r.a.)ning aytishicha, tushida ikki oyog‘ining cho‘loq ekanini, ikkita yog‘ochga suyanib, yo‘l yurayotganini ko‘rsa, oilani boshqarishda ojiz va kambag‘al bo‘lishiga dalildir. Tushida oyog‘iga kirib ketgan tikon sababli tik turolmayotgani va yurolmayotganini ko‘rsa, birovning yomonligidan omonda bo‘lishiga dalildir. Tushida har ikki oyog‘ida tikon bo‘lib, shishb ketganini, biroq oqsamayotganini ko‘rsa, dushmanning unga hasad qilishiga, biroq moli va obro‘yi ziyoda bo‘lishiga dalildir. Ismoil Ash’as (r.a.)ning aytishicha, cho‘loq odam tushida tuzalib qolganini va oqsamayotganini ko‘rsa, yurishmay qolgan ishlari yurishib ketishi, noumid bo‘lgan ishi ro‘yobga chiqishi va ishlari bir tartibga tushishini bildiradi. Ja’far Sodiq (r.a.)ning aytishicha, tushdagi cho‘loqlik besh narsaga dalildir: ishlardagi sustkashlikka; umidsizlikka; kambag‘allikka; g‘amu anduhga; tirikchilikdagi nuqsonga.
ЧЎЛОҚ ЁКИ ОҚСОҚ БЎЛИШ (ЛАНГ ШУДАН) Ибн Сирин (р.а.)нинг айтишича, тушида чўлоқ бўлиб қолганини кўрса, яхши ёки ёмон ишларнинг пайида бўлиши, суст ва заиф бўлиб, қудратга эга бўлмаслигига далилдир. Баъзи таъбирчиларнинг айтишича, тушида ўзини чўлоқ ва хор ҳолда кўрса, одамларнинг олдида хор ва ночор бўлишига далилдир. Кирмоний (р.а.)нинг айтишича, ҳар ким тушида ўзини чўлоқ бўлганини кўрса, дин ва дунёда иши яхши бўлмаслиги ва мақсадига етолмаслигига далилдир. Тушида ўзини қасддан чўлоқ қилганини кўрса, ўз ҳаётини яхшилаш учун бировдан ёрдам сўрашига далилдир. Тушида чўлоқ бўлиб қолганини ва ҳассага суяниб кетаётганини кўрса, одамлар ишонадиган бир кишидан кўмак сўраши ва муроди ҳосил бўлишига далилдир. Агар ўзини қасддан чўлоқ қилганини кўрса, бировга юзаки ишониши ва эътиқоди ҳақиқий эмаслигига далилдир. Мағрибий (р.а.)нинг айтишича, тушида икки оёғининг чўлоқ эканини, иккита ёғочга суяниб, йўл юраётганини кўрса, оилани бошқаришда ожиз ва камбағал бўлишига далилдир. Тушида оёғига кириб кетган тикон сабабли тик туролмаётгани ва юролмаётганини кўрса, бировнинг ёмонлигидан омонда бўлишига далилдир. Тушида ҳар икки оёғида тикон бўлиб, шишб кетганини, бироқ оқсамаётганини кўрса, душманнинг унга ҳасад қилишига, бироқ моли ва обрўйи зиёда бўлишига далилдир. Исмоил Ашъас (р.а.)нинг айтишича, чўлоқ одам тушида тузалиб қолганини ва оқсамаётганини кўрса, юришмай қолган ишлари юришиб кетиши, ноумид бўлган иши рўёбга чиқиши ва ишлари бир тартибга тушишини билдиради. Жаъфар Содиқ (р.а.)нинг айтишича, тушдаги чўлоқлик беш нарсага далилдир: ишлардаги сусткашликка; умидсизликка; камбағалликка; ғаму андуҳга; тирикчиликдаги нуқсонга.
Tush.UZ - Tushlar tabiri