SHISHA QADAH (OBGINA) Doniyol (a.s.)ning aytishlaricha, tushdagi shisha qadah xotin bo‘ladi. Agar shisha qadahda suv ichayotganini ko‘rsa, xotin olishi va mol topishiga dalildir. Agar biror kishiga qadaxda sharob berayotganligini ko‘rsa, har xil odamlardan xotin tilayotganligidan dalildir. Ibn Sirin (r.a.)ning aytishicha, oq qadahga ega bo‘lganligini va unga o‘z nomining yozilganligini ko‘rsa, diniy va dunyoviy davlat topishiga va hojatlari ravo bo‘lishiga dalildir. O‘sha qadahga podshohning nomi yozilganini ko‘rsa, bordi-yu tush ko‘ruvchi podshoh bo‘lsa, ajali yaqin qolganligiga dalildir, agar podshoh bo‘lmasa, qadahning katta-kichikligi mikdoriga qarab nimadandir shodlik topadi. Jobir Mag‘ribiy (r.a.)ning aytishicha, qadahga ega ekanligini, biroq qo‘lidan tushib, sinib ketganligini ko‘rsa, xotinini taloq qilishiga, agar xotini bo‘lmasa, qarindoshlaridan birining xotini dunyodan o‘tishiga dalildir. Bilginki, qadah yasovchi ishboshqaruvchiga o‘xshashdir. Ba’zi ta’birchilarning aytishicha, qadah yasovchi kishi ayollarning ishlarini amalga oshiruvchi va doimo ularning masalalari bilan igug‘ullanuvchi kishiga dalildir.
ШИША ҚАДАҲ (ОБГИНА) Дониёл (а.с.)нинг айтишларича, тушдаги шиша қадаҳ хотин бўлади. Агар шиша қадаҳда сув ичаётганини кўрса, хотин олиши ва мол топишига далилдир. Агар бирор кишига қадахда шароб бераётганлигини кўрса, ҳар хил одамлардан хотин тилаётганлигидан далилдир. Ибн Сирин (р.а.)нинг айтишича, оқ қадаҳга эга бўлганлигини ва унга ўз номининг ёзилганлигини кўрса, диний ва дунёвий давлат топишига ва ҳожатлари раво бўлишига далилдир. Ўша қадаҳга подшоҳнинг номи ёзилганини кўрса, борди-ю туш кўрувчи подшоҳ бўлса, ажали яқин қолганлигига далилдир, агар подшоҳ бўлмаса, қадаҳнинг катта-кичиклиги микдорига қараб нимадандир шодлик топади. Жобир Мағрибий (р.а.)нинг айтишича, қадаҳга эга эканлигини, бироқ қўлидан тушиб, синиб кетганлигини кўрса, хотинини талоқ қилишига, агар хотини бўлмаса, қариндошларидан бирининг хотини дунёдан ўтишига далилдир. Билгинки, қадаҳ ясовчи ишбошқарувчига ўхшашдир. Баъзи таъбирчиларнинг айтишича, қадаҳ ясовчи киши аёлларнинг ишларини амалга оширувчи ва доимо уларнинг масалалари билан игуғулланувчи кишига далилдир.
Tush.UZ - Tushlar tabiri