ESHAK (XAR) Doniyol (a.s.) aytadilarki, tushda eshakni ko‘rmoq baxt va ulug‘lik bo‘ladi. Eshakdagi yaxshilik va yomonlik tush ko‘ruvchiga qaytuvchidir. Agar tushida eshak o‘z mulki bo‘lganini yoki uyga kirib kelganini, eshakni ushlab, bog‘lab qo‘yganini ko‘rsa, uning uchun yaxshiliklar eshigi ochilishiga va g‘amlardan qutulishiga dalildir. Agar tushida ko‘p eshaklarni ko‘rsa, molu ne’matining ziyoda bo‘lishiga dalildir. Tushdagi eng yaxshi eshak tush ko‘ruvchiga itoatda bo‘lgan eshakdir. Ibn Sirin (r.a.) aytadiki, tushida qora eshakka o‘tirganini ko‘rsa, raxbarlik va ulug‘lik topishiga, yashil rangli eshakka o‘tirganini ko‘rsa, obid va zoqid kishiga aylanishiga, qizil rangli eshakka o‘tirganini tush ko‘rsa, ayshu ishratga dalildir. Agar sariq rangli eshakka o‘tirganini ko‘rsa, bemor bo‘lishini bildiradi. Agar homilador moda eshakka o‘tirganini tush ko‘rsa, xayru xurramlikka yetishini bildiradi. Tushida eshak go‘shtidan tanovul qilayotganini ko‘rsa, tijorat orqali mol topishini bildiradi. Agar o‘z eshagini so‘yib, go‘shtidan tanovul qilayotganini tush ko‘rsa, o‘z molini sarf qilishiga dalildir. Agar tushida eshakka o‘tirganini ko‘rsa va eshak uni ko‘tarolmay o‘lib qolsa, tush sohibining tez orada vafot qilishini bildiradi. Eshakdan yiqilib tushganini tush ko‘rsa, kambag‘allik va nochorlikka tushishini bildiradi. Tushida boshqa odamga qarashli bo‘lgan eshakdan yiqilib tushganini ko‘rsa, biror kimsani zarar va ziyon ko‘rishini bildiradi. Eshakdan tushganini va eshakka biror odamning minganini tush ko‘rsa, o‘z molini nafaqa qilishiga dalildir. Agar tushida biror ishni amalga oshirish uchun eshakdan tushganini ko‘rsa, qidirayotgan ishi va hojati tez kunda ravo bo‘lishini bildiradi. Kirmoniy (r.a.) aytadiki, har kim tushida eshak sutidan ichayotganini ko‘rsa, bemor bo‘lishi va tezda shifo topishiga dalildir. Agar eshak sotib olganini va uning bahosini qancha ekanini bilmaganini tush ko‘rsa, bir ulug‘ odamga qattiq gapirishi sababli orom topishiga dalildir. Agar bir ko‘zli eshagi borligini yoki ko‘zi zaif ekanligini tush ko‘rsa, qiyinchilik bilan hayot kechirishini bildiradi. Agar eshagi borligini, biroq eshakning ikkala ko‘zi ham yo‘q ekanligini tush ko‘rsa, topgan moli yo‘q bo‘lishiga dalildir. Agar eshagining oyoq va qo‘llari ko‘p ekanini yoki uzun ekanini tush ko‘rsa, uning tobelari ko‘payishiga dalildir. Agar eshagi o‘lib qolganligini, boshqa eshakka minganini yoki eshagini sotib, boshqa olganini tush ko‘rsa, uning maishati bir holdan ikkinchi holga o‘zgarib turishini bildiradi. Tushida eshagi tuya bo‘lib qolganini ko‘rsa, uning maishati sulton orqali bo‘lishi, lekin zulm bilan bo‘lishiga dalildir. Agar eshagi qo‘y bo‘lib qolganligini tush ko‘rsa, halol mol topishiga dalildir. Agar eshagi qandaydir qushga aylanib qolganligini tush ko‘rsa, maishati o‘sha qushga mansub bo‘lgan biror narsadan bo‘lishiga dalildir. Agar eshagini o‘g‘ri urib ketganini tush ko‘rsa, xotini buzuqchilikka yo‘l qo‘yganini va bu xotindan ajralib ketishini bildiradi. Agar eshagining kuchli va quvvatli ekanini tush ko‘rsa, dunyo kasbu kori uning uchun oson kechishini bildiradi, agar buning aksini ko‘rsa, dunyo kasbu kori unga qiyin bo‘lishiga dalildir. Agar tushida eshakka yuk ortganini va yukning ustiga o‘tirib olganini ko‘rsa, boy bo‘lishiga dalildir. Agar eshak bilan jimo’ qilayotganini ko‘rsa, murodiga yetishishiga dalildir. Tushida eshakni orqasiga ko‘tarib olib, suvdan o‘tqazib qo‘yganini ko‘rsa, kuchli va quvvatli bo‘lishi, baxtu iqbol topishiga dalildir. Agar eshakning hangrayotganini tush ko‘rsa, bu yaxshilik belgisi emas. Alloh ta’olo aytadi: (Yurganingda) o‘rtahol yurgin va ovozingni past qilgin. Chunki, ovozlarning eng yoqimsizi eshaklar ovozidir (Luqmon surasi, 19-oyat). Mag‘ribiy (r.a.) aytadiki, har kim eshakka o‘tirganini, eshak esa bong urayotganini tush ko‘rsa, ayoli badfe’l ekaniga dalildir. Agar tushida eshagi borligini va bu eshagini boshqa eshakka alishganini va bu eshak o‘z eshagidan yomonroq ekanini ko‘rsa, ahvoli yomon bo‘lishiga dalildir, bordi-yu alishgan eshagi o‘z eshagidan yaxshiroq bo‘lsa, ahvoli yaxshi bo‘lishi va moli ko‘payishiga dalildir. Agar eshagini ot yoki tuyaga alishganini tush ko‘rsa, podshohdan molu manfaat topishini bildiradi. Agar eshagini birorta qush bilan alishganini tush ko‘rsa, o‘sha qo‘shning qadri va qiymatiga yarasha biror narsaga erishuviga dalildir. Ja’far Sodiq (r.a.) aytadiki, tushida eshakni ko‘rmoq, o‘nta narsani bildiradi: vaqtni; davlatni; rahbarlikni; rayosatni; molnii; xotin yoki kanizakni; shodlikni; iqbolni; ulug‘vorlikni; martabani.
ЭШАК (ХАР) Дониёл (а.с.) айтадиларки, тушда эшакни кўрмоқ бахт ва улуғлик бўлади. Эшакдаги яхшилик ва ёмонлик туш кўрувчига қайтувчидир. Агар тушида эшак ўз мулки бўлганини ёки уйга кириб келганини, эшакни ушлаб, боғлаб қўйганини кўрса, унинг учун яхшиликлар эшиги очилишига ва ғамлардан қутулишига далилдир. Агар тушида кўп эшакларни кўрса, молу неъматининг зиёда бўлишига далилдир. Тушдаги энг яхши эшак туш кўрувчига итоатда бўлган эшакдир. Ибн Сирин (р.а.) айтадики, тушида қора эшакка ўтирганини кўрса, рахбарлик ва улуғлик топишига, яшил рангли эшакка ўтирганини кўрса, обид ва зоқид кишига айланишига, қизил рангли эшакка ўтирганини туш кўрса, айшу ишратга далилдир. Агар сариқ рангли эшакка ўтирганини кўрса, бемор бўлишини билдиради. Агар ҳомиладор мода эшакка ўтирганини туш кўрса, хайру хуррамликка етишини билдиради. Тушида эшак гўштидан тановул қилаётганини кўрса, тижорат орқали мол топишини билдиради. Агар ўз эшагини сўйиб, гўштидан тановул қилаётганини туш кўрса, ўз молини сарф қилишига далилдир. Агар тушида эшакка ўтирганини кўрса ва эшак уни кўтаролмай ўлиб қолса, туш соҳибининг тез орада вафот қилишини билдиради. Эшакдан йиқилиб тушганини туш кўрса, камбағаллик ва ночорликка тушишини билдиради. Тушида бошқа одамга қарашли бўлган эшакдан йиқилиб тушганини кўрса, бирор кимсани зарар ва зиён кўришини билдиради. Эшакдан тушганини ва эшакка бирор одамнинг минганини туш кўрса, ўз молини нафақа қилишига далилдир. Агар тушида бирор ишни амалга ошириш учун эшакдан тушганини кўрса, қидираётган иши ва ҳожати тез кунда раво бўлишини билдиради. Кирмоний (р.а.) айтадики, ҳар ким тушида эшак сутидан ичаётганини кўрса, бемор бўлиши ва тезда шифо топишига далилдир. Агар эшак сотиб олганини ва унинг баҳосини қанча эканини билмаганини туш кўрса, бир улуғ одамга қаттиқ гапириши сабабли ором топишига далилдир. Агар бир кўзли эшаги борлигини ёки кўзи заиф эканлигини туш кўрса, қийинчилик билан ҳаёт кечиришини билдиради. Агар эшаги борлигини, бироқ эшакнинг иккала кўзи ҳам йўқ эканлигини туш кўрса, топган моли йўқ бўлишига далилдир. Агар эшагининг оёқ ва қўллари кўп эканини ёки узун эканини туш кўрса, унинг тобелари кўпайишига далилдир. Агар эшаги ўлиб қолганлигини, бошқа эшакка минганини ёки эшагини сотиб, бошқа олганини туш кўрса, унинг маишати бир ҳолдан иккинчи ҳолга ўзгариб туришини билдиради. Тушида эшаги туя бўлиб қолганини кўрса, унинг маишати султон орқали бўлиши, лекин зулм билан бўлишига далилдир. Агар эшаги қўй бўлиб қолганлигини туш кўрса, ҳалол мол топишига далилдир. Агар эшаги қандайдир қушга айланиб қолганлигини туш кўрса, маишати ўша қушга мансуб бўлган бирор нарсадан бўлишига далилдир. Агар эшагини ўғри уриб кетганини туш кўрса, хотини бузуқчиликка йўл қўйганини ва бу хотиндан ажралиб кетишини билдиради. Агар эшагининг кучли ва қувватли эканини туш кўрса, дунё касбу кори унинг учун осон кечишини билдиради, агар бунинг аксини кўрса, дунё касбу кори унга қийин бўлишига далилдир. Агар тушида эшакка юк ортганини ва юкнинг устига ўтириб олганини кўрса, бой бўлишига далилдир. Агар эшак билан жимоъ қилаётганини кўрса, муродига етишишига далилдир. Тушида эшакни орқасига кўтариб олиб, сувдан ўтқазиб қўйганини кўрса, кучли ва қувватли бўлиши, бахту иқбол топишига далилдир. Агар эшакнинг ҳанграётганини туш кўрса, бу яхшилик белгиси эмас. Аллоҳ таъоло айтади: (Юрганингда) ўртаҳол юргин ва овозингни паст қилгин. Чунки, овозларнинг энг ёқимсизи эшаклар овозидир (Луқмон сураси, 19-оят). Мағрибий (р.а.) айтадики, ҳар ким эшакка ўтирганини, эшак эса бонг ураётганини туш кўрса, аёли бадфеъл эканига далилдир. Агар тушида эшаги борлигини ва бу эшагини бошқа эшакка алишганини ва бу эшак ўз эшагидан ёмонроқ эканини кўрса, аҳволи ёмон бўлишига далилдир, борди-ю алишган эшаги ўз эшагидан яхшироқ бўлса, аҳволи яхши бўлиши ва моли кўпайишига далилдир. Агар эшагини от ёки туяга алишганини туш кўрса, подшоҳдан молу манфаат топишини билдиради. Агар эшагини бирорта қуш билан алишганини туш кўрса, ўша қўшнинг қадри ва қийматига яраша бирор нарсага эришувига далилдир. Жаъфар Содиқ (р.а.) айтадики, тушида эшакни кўрмоқ, ўнта нарсани билдиради: вақтни; давлатни; раҳбарликни; раёсатни; молнии; хотин ёки канизакни; шодликни; иқболни; улуғворликни; мартабани.
Tush.UZ - Tushlar tabiri