YUZ (RO‘Y) Ibn Sirin (r.a.) aytadiki, har kim tushida o‘z yuzini asliga qaraganda chiroyliroq holda ko‘rsa, uning sharafi va e’tibori ziyoda bo‘lishini bildiradi. Yuzini noxush va xunuk holda ko‘rsa, obro‘yi kam bo‘lishiga dalildir. Tushida yuzini qizil va sof holda ko‘rsa, odamlar orasida yorug‘ yuzli bo‘lishini bildiradi. Tushida yuzini sariq yoki qora ekanini ko‘rsa, buning aksidir. Kirmoniy (r.a.) aytadiki, tushida yonoqlarini qizil va toza holda ko‘rsa, mashhur bo‘lishiga dalildir. Tushida yonoqlarining oqarib qolganini ko‘rsa, dinining baquvvat bo‘lishiga dalildir. Alloh ta’olo aytadi: Ammo odamlariki, yuzlari oqarur, ular Alloh rahmatida bo‘lurlar va ul rahmatda xamisha qolurlar (Oli Imron surasi, 107-oyat). Tushida yonoqlarini sarg‘aygan holda ko‘rsa, bemor bo‘lishini bildiradi. Yonoqlari qora ekanini ko‘rsa, xalq orasida rasvo bo‘lishiga dalildir. Tushida yuzi qora hamda oq liboslar kiyganini ko‘rsa, oilasida qiz tug‘ilishini bildiradi. Tushida yuzi qoraga bo‘yalganini ko‘rsa, mushrik bo‘lishiga dalildir. Tushida yuzi qon bilan bo‘yalganini yoki yuzidan zardob oqib tushayotganini, biroq hech qanday jarohat yo‘qligini ko‘rsa, moliga ziyon yetishini bildiradi. Tushida yuzi qiyshayib qolganini ko‘rsa, ahvolining yomon bo‘lishiga dalildir. Tushida yuzida xol borligini ko‘rsa, qarzdor bo‘lishiga dalildir. Jobir Mag‘ribiy (r.a.) aytadiki, tushida yuzini oynada yoki suvda chiroyli holda ko‘rsa yoki kimdir unga yuzining chiroyli ekanini aytganini ko‘rsa, ishlari yaxshi bo‘lishini bildiradi. Bordiyu xunuk ekanini ko‘rsa, ta’biri aksinchadir. Tushida yuzini qizil ko‘rsa, birov bilan tortishib qolishini va g‘azabini ichiga etishini bildiradi. Tushida yuzini oq va ravshan ko‘rsa, toat tavfiqini topishini bildiradi. Yuzini qora holda ko‘rsa, g‘amu anduh hamda kofir bo‘lish xavfi borligini bildiradi. Alloh ta’olo aytadi: Qaysi birlariga qiz (ko‘rgani haqida) xushxabar berilsa, g‘azabi kelib, yuzlari qorayib ke-tar (Nahl surasi, 58-oyat). Tushida yuzida jarohati borligini ko‘rsa, uning miqdoricha, g‘amu anduh tortishini bildiradi. Tushida yuzini tirnalganini ko‘rsa, ishlarida va oila ahvolida nuqson yuz berishiga dalildir. Tushida o‘zida ikkita yuz borligini ko‘rsa, munofiq ekaniga dalildir. Ja’far Sodiq (r.a.) tushda yuzni ko‘rish sakkiz narsani bildiradi: izzat va ulug‘likni; xorlik va haqoratni; ishlarning batartib bo‘lishini; dinu diyonatni; anduh va rasvolikni; qarzni; yaxshilikni; toatdan tavfiq topishni.
ЮЗ (РЎЙ) Ибн Сирин (р.а.) айтадики, ҳар ким тушида ўз юзини аслига қараганда чиройлироқ ҳолда кўрса, унинг шарафи ва эътибори зиёда бўлишини билдиради. Юзини нохуш ва хунук ҳолда кўрса, обрўйи кам бўлишига далилдир. Тушида юзини қизил ва соф ҳолда кўрса, одамлар орасида ёруғ юзли бўлишини билдиради. Тушида юзини сариқ ёки қора эканини кўрса, бунинг аксидир. Кирмоний (р.а.) айтадики, тушида ёноқларини қизил ва тоза ҳолда кўрса, машҳур бўлишига далилдир. Тушида ёноқларининг оқариб қолганини кўрса, динининг бақувват бўлишига далилдир. Аллоҳ таъоло айтади: Аммо одамларики, юзлари оқарур, улар Аллоҳ раҳматида бўлурлар ва ул раҳматда хамиша қолурлар (Оли Имрон сураси, 107-оят). Тушида ёноқларини сарғайган ҳолда кўрса, бемор бўлишини билдиради. Ёноқлари қора эканини кўрса, халқ орасида расво бўлишига далилдир. Тушида юзи қора ҳамда оқ либослар кийганини кўрса, оиласида қиз туғилишини билдиради. Тушида юзи қорага бўялганини кўрса, мушрик бўлишига далилдир. Тушида юзи қон билан бўялганини ёки юзидан зардоб оқиб тушаётганини, бироқ ҳеч қандай жароҳат йўқлигини кўрса, молига зиён етишини билдиради. Тушида юзи қийшайиб қолганини кўрса, аҳволининг ёмон бўлишига далилдир. Тушида юзида хол борлигини кўрса, қарздор бўлишига далилдир. Жобир Мағрибий (р.а.) айтадики, тушида юзини ойнада ёки сувда чиройли ҳолда кўрса ёки кимдир унга юзининг чиройли эканини айтганини кўрса, ишлари яхши бўлишини билдиради. Бордию хунук эканини кўрса, таъбири аксинчадир. Тушида юзини қизил кўрса, биров билан тортишиб қолишини ва ғазабини ичига этишини билдиради. Тушида юзини оқ ва равшан кўрса, тоат тавфиқини топишини билдиради. Юзини қора ҳолда кўрса, ғаму андуҳ ҳамда кофир бўлиш хавфи борлигини билдиради. Аллоҳ таъоло айтади: Қайси бирларига қиз (кўргани ҳақида) хушхабар берилса, ғазаби келиб, юзлари қорайиб ке-тар (Наҳл сураси, 58-оят). Тушида юзида жароҳати борлигини кўрса, унинг миқдорича, ғаму андуҳ тортишини билдиради. Тушида юзини тирналганини кўрса, ишларида ва оила аҳволида нуқсон юз беришига далилдир. Тушида ўзида иккита юз борлигини кўрса, мунофиқ эканига далилдир. Жаъфар Содиқ (р.а.) тушда юзни кўриш саккиз нарсани билдиради: иззат ва улуғликни; хорлик ва ҳақоратни; ишларнинг батартиб бўлишини; дину диёнатни; андуҳ ва расволикни; қарзни; яхшиликни; тоатдан тавфиқ топишни.
Tush.UZ - Tushlar tabiri