Surxondaryoda haydovchi YHXB xodimini jarohatladi

Shu yil 12 oktabr kuni Surxondaryo viloyatining Angor tumanida viloyat YHXB xodimi safdor B.P. Yangi turmush mahallasida xizmat olib borgan, deb xabar qilmoqda O'zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, u shu yerda harakatlanib kelayotgan, Muzrabot tumanida yashovchi S.M. boshqaruvidagi “Matiz” rusumli avtomashinasini to'xtatib, undan avtomashina hujjatlarini taqdim etishini so'raganida, haydovchi S.M. xodimning qonuniy talablariga bo'ysunmay avtomashinani harakatlantirib safdor B.P.ni turtib yuborgan.

Natijada safdor B.P. jarohat olib, unga kasalxonada tibbiy yordam ko'rsatilgan. S.M. qo'lga olingan. 

Holat yuzasidan dastlabki tergovoldi harakatlari olib borilmoqda.

Katagoriya:Jamiyat
Joylangan vaqt: October 15, 2018
Яндекс.Метрика