Viktor Mahmudov qozog'istonlik hamkasbi bilan uchrashdi, mintaqaviy xavfsizlik masalalari ko'rib chiqildi

Тошкентда Қозоғистон ва Ўзбекистон Хавфсизлик кенгашлари аппаратлари ўртасида кенгайтирилган маслаҳатлашувлар бўлиб ўтди.

Оқўрда матбуот хизмати хабарига кўра, музокаралар чоғида минтақавий хавфсизлик ва икки томонлама ҳамкорлик масалалари кўриб чиқилди, Афғонистондаги вазиятни ҳисобга олган ҳолда Марказий Осиёдаги ҳолатнинг бугунги ҳолати ва ривожланиш истиқболлари, ҳарбий-техникавий ва ҳарбий соҳаларда ҳамкорликни янада кенгайтириш муҳокама қилинди.

Шунингдек, кун тартибига ноқонуний миграция билан курашиш, божхона назорати, фуқаро авиацияси хавфсизлигини такомиллаштириш соҳасидаги ҳамкорлик ҳам олиб чиқилди.

Бундан ташқари, томонлар Қозоғистон-Ўзбекистон давлат чегарасида назорат-ўтказиш пунктларини, автомобиль йўлларини реконструкция ва модернизация қилиш, чегараолди ҳудудларни ободонлаштириш бўйича йўл харитаси бандлари бажарилишининг дастлабки натижаларини кўриб чиқдилар.

Йиғилишни Қозоғистон Республикаси Хавфсизлик кенгаши котиби Нурлан Ермекбаев ва Ўзбекистон Республикаси Хавфсизлик кенгаши котиби Виктор Маҳмудов бошқарди. 

Katagoriya:Ozbekiston
Joylangan vaqt: July 1, 2018
Яндекс.Метрика