Poygakdagilar (hajviya) [Anvar Obidjon]

Botinkavoy bilan Tuflioy dalabogʻdagi bir uyning ostonasida uchrashib qoldilar.
– Haliyam asfalni oʻyib yuribsanmi, poshnangdan akang? – deya suqlanib gap otdi Botinkavoy.
– Bor-e! – nozlanib, burnini choʻchchaytirdi Tuflioy.– A’zoyi badaningdan achigan paypoqning hiydi kelyapti. Nariroq tur.
– Hoʻ! Namuncha osmonlaysan? Sen amrikoni xiromlardan boʻlsang, bizam salamandirlardanmiz. Xoʻjaynim katta bir zavoʻdni guldiratib turibdi. Qasrdek idorasi bor.
– Bekamning idorasini oldida senlarniki bir chaqa. Xona tugul hatto yoʻlaklarimizgayam gilam toʻshalgan.
– E-e, masalan, men mashinamizning ichidayam gilamni ezib turaman. Shuniychun doim top-tozaman... Xex-xex-xe, tunov kuni bir zoti past kalish loy ilashtirib chiqsa boʻladimi? Achitibroq soʻkay desang, xoʻjayinning qaynanasiga qarashli narsa.
– Fu! Unaqa befahmlar navalom, – pistonchasini yarqiratib suzildi Tuflioy. – Ayniqsa, toʻyga borsang, atrofingni bir zumda kalish bosadi. Biri burishgan, biri tirishgan...
– Ha, biz shukur qilishimiz kerak, – deb salmoqlandi Botinkavoy. – Harholda, obroʻyimiz bor. Tunov kuni ziyofatdan qaytayotganimizda, xoʻjayinning oʻrinbosari meni artib qoʻydi.
– Voy! Shuyam obroʻmi? Xi-xi-xi, xi-xi-xi... Agar bekam istasa, xoʻjayiningga meni oʻptirishi mumkin. Qolaversa, ziyofatdan gapirib, maqtanishingni qara. Nima, seniyam toʻriga oʻtirgizib, oldingga bedana kabob qoʻyishdimi?
– Endi-i har kimning oʻz oʻrni bor-da, akasi boʻyidan. Mana, oʻzing ham joyingni bilib turibsan-ku axir.
Shu payt darvoza ochilib, hovliga soʻlaqmonday bir yigit kirib keldi. Majnuntol ostidagi soʻrichaga oʻtirib, shumshayganicha sigaret tutatdi.
– Ana, haydovchimiz ham keldi, – deb ishora qildi Botinkavoy.
– Buyam oʻzimizdan, – deya achinqiranib xoʻrsindi Tuflioy. – Bu shoʻrlik ham bizga oʻxshab doim tashqarida qoladi.

1980

№	Muallifning boshqa asarlari
1	Oltin yurakli avtobola (qissa va hiko... [Anvar Obidjon] 7760
2	Meshpolvonning janglari [Anvar Obidjon] 7050
3	Oltiariq hangomalaridan [Anvar Obidjon] 2726
4	Bezgakshamol-2 (hajviy hangomalar) [Anvar Obidjon] 1883
5	Qorinbotir (doston) [Anvar Obidjon] 1838
6	Tushuntirish xati (hajviya) [Anvar Obidjon] 1649
7	Jaqqi (hikoya) [Anvar Obidjon] 1600
8	Maqtanchoq (hikoya) [Anvar Obidjon] 1566
9	Berkinib olgan sirgʻacha (hikoya) [Anvar Obidjon] 1456
10	Qoʻgʻirchoqlar (hikoya) [Anvar Obidjon] 1442
11	Тушунтириш хати (ҳажвия) [Anvar Obidjon] 1395
12	Kambagʻalbop Gulmatiy (hajviya) [Anvar Obidjon] 1390
13	Dardingni stadionda ayt (hajviya) [Anvar Obidjon] 1338
14	Eh, la’nati ombor… [Anvar Obidjon] 1311
15	Madaniy zoʻravonlik (hajviya) [Anvar Obidjon] 1292
16	Menga til oʻrgatmoqchi boʻlishgani (h... [Anvar Obidjon] 1285
17	Aspan attorning arizalari (hajviya) [Anvar Obidjon] 1283
18	Аёллар ва хаёллар (ҳажвия) [Anvar Obidjon] 1258
19	Baqalarning niyati buzuq (hajviya) [Anvar Obidjon] 1230
20	Ҳакка холанинг иғволари (ҳикоя) [Anvar Obidjon] 1217
21	Val… valay… (hajviya) [Anvar Obidjon] 1210
22	Ayollar va xayollar (hajviya) [Anvar Obidjon] 1200
23	Вал… валай… (ҳажвия) [Anvar Obidjon] 1199
24	Безгакшамол-2 (ҳажвий ҳангомалар) [Anvar Obidjon] 1195
25	Kezargon Boychechak (qissa) [Anvar Obidjon] 1188
26	Buzoq guvohlikka chaqirilsin! (hajviya) [Anvar Obidjon] 1186
27	Boymamat Beshinchi (hikoya) [Anvar Obidjon] 1186
28	Nishon buqoq va ritmik gimnastika (ha... [Anvar Obidjon] 1176
29	Toʻnni teskari kiyish (hajviya) [Anvar Obidjon] 1176
30	Oltin vasvasasi (hajviya) [Anvar Obidjon] 1174

№	Eng ko‘p o‘qilganlar
1	Gʻazallar, ruboylar [Zahiriddin Muhammad Bobur] 72850
2	Yulduzlar mangu yonadi (qissa) [Togʻay Murod] 67027
3	Sobiq (hikoya) [Said Ahmad] 50966
4	Qorakoʻz majnun (hikoya) [Said Ahmad] 48230
5	Guliston [Sa’diy] 44658
6	Gʻazallar [Nodira] 44063
7	Ot egasi (hikoya) [Shukur Xolmirzayev] 33080
8	Yulduzli tunlar (I- qism) [Pirimqul Qodirov] 32467
9	Мусульманские имена (част... [Ibn Mirzakarim al-Karnaki] 32297
10	Hikmatga toʻla olam (gʻazal, ruboiy... [Sa’diy Sheroziy] 27393

Tavsiya qilamiz