Latifalar

— Bugun ishxonada direktorimiz komp'yuter o'yinlari bo'yicha musobaqa uyushtirdi.
— Xo'sh, nima bo'ldi, gapir?
— G'olib bo'lgan xodimlarni uchtasi ishdan bo'shatildi!

Mutaxasisilarning fikricha hozirgi zamonda ayollarga emas, erkaklarga haykal qo'yish kerak.
Chunki ayollarning haykali har bitta dorixonaning tepasida bor!

Qo'shnisini eshigini taqqillatgan kishi hovliga kirib:
— Kiraveraymi? Itingiz tishlamaydimi? - deb so'rabdi.
— Bilmadim. O'zim ham qiziqib ketyapman. Kecha olib kelganman o'zi... - dermish uy egasi.

Ilmu tolib piru komildan so'rabdur:
— Aytingchi ustoz, nechun sessiya yiliga ikki marotaba bo'lur?
Piru komil javob beribdir:
— Agar sessiya yilda uch marotaba bo'lsa, u talabaga og'irlik qiladir. Agar sessiya yilda bir marotaba bo'lsa, bu domullaga og'irlik qilgan bo'lardi.

Ovchi yigit ovdan katta ayiq bilan qaytayotsa, qo'shnisi ko'rib qolib, so'rabdi:
— Hormang qo'shni! Ov zo'r bo'pti-ku!
— Ha, miltig'imda uch dona o'q bor edi. Birinchisini otdim, tegmadi. Ikkinchisini otdim tegmadi. Uchinchisi ham...
— Unda ayiqni qanday o'ldirdingiz?
— Ayiq meni miltiqdan otishimni ko'rib, kulaverib o'lib qoldi.

Faqatgina ko'ngli ochiq o'zbek ayollari chang yutgich bilan gilamni tozalayotganlarida gilamdan ip bo'lagini topib olsalar,
ipni qo'llari bilan olib, uni yana qaytib gilamga tashlaydilar! Chunki ular chang yutgichga yana bir bor imkon berishni xohlashadi...

Xotini ota-onasini uyidan xomush qaytib kelib, erini yoniga o'tirib unga debdi:
— Otamni biznesi muvafaqqiyatsizlikka uchradi. Endi umuman pulsiz qoldilar...
Eri bu gapni eshitib, jig'ibiyron bo'la boshlabdi:
— Bilardim, otang bizni ajratish yo'lini baribir topishlariga ishonchim komil edi...!

XXI asrda vafot etadigan boylarning vasiyatnomalarida juda ko'p parol' va loginlar bo'lishi aniq!

Ishga ketayotgan er xotiniga debdi:
— Mayli, men ketdim. Bugun kech qaytaman.
Xotini bo'lsa eriga:
— Aniq kech kelasizmi??? - dermish.

Askarlar safda tursa, komandir kelib:
— Oddiy askar Jamilov, safdan chiq! - debdi.
Shunda Jamilov turgan joyida erga yiqilibdi. Komandir unga:
— Nima bo'ldi? - desa,
— Orqamdagi boshqa bir askar safdan chiqdi, - debdi.

<< < 805 806 807 808 809 810 811 > >>

Tavsiya qilamiz

Bosh sahifa