Latifalar

Bitta erkak yiqilib tushib, boshini yorib olibdi. Qonini yalab ko'rib, “Peshonam sho'r ekan”, - dermish.

Angela Merkel':
— Putin, biz paradga bora olmaymiz.
Putin:
— Juda yaxshi, biz asirlarning ishtirokini rejalashtirmagan edik...!

O'zbek xitoylikdan so'rabdi:
— Sizlarda aholi necha kishi?
Xitoylik aytibdi:
— Bizda aholi 1 mlrd. 300 mln.dan ortiq. Sizlarda-chi?
O'zbek:
— Bizda 32 mln. aholi bor, - debdi.
Shunda xitoylik o'zbekka qarab:
— Unda hammalaring bir-birlaringni tanisalaring kerak-a? – debdi.

Avtobusda bir odam aksiribdi. Hamma unga “Sog' bo'ling” debdi. O'sha odam yana aksiribdi. Yana unga “Sog' bo'ling!” deyishibdi. Uchinchi marta aksirgandi bir kishi “Tushunmayapti shekilli. Bud'te zdorov!” degan ekan.

— Do'stim, menga 50 ming bersang... Ertalabdan beri tuz totganim yo'q.
— Umuman olganda men ham ochman...?
— Unda 100 ming ber, seni ovqatlanishga taklif qilaman.

Afandi ko'p qavatli uyning 9-qavatiga ko'chib o'tibdi.
Bir kuni balkonda sigaret chekib tursa, pastdan ovoz kelibdi. Qarasa bitta odam "Aka pastga tushing, zarur gapim bor" - debdi.
Lift ishlamayotgan ekan, u pastga tushsa boyagi notanish kishi:
— Aka Ahmat akani uyi qaerda? - debdi.
Afandi ham "Yuring, ko'rsataman" - deb, 9-etajga olib chiqib, "Ahmad akani uyi 1-etajda" - debdi.

Otaning qiziga nasihati:
Endi ona qizim, har bir qiz o'z uyiga “Gosti”. Shunday ekan, senga aytar Statusim: Kuyovnikiga borganda “Zakrt' Profil'” bo'lgin. Eringdan boshqasi senga “Drujba” tashlasa “Ignor” qilgin. Eringni kamchiliklarini hamisha “Nevidim” qilgin. Qaynota-Qaynonangni har bir gapiga “Klass” deb turgin. Uydagi “Soobsheniya” va “Obsujdeniya”larni bizga va ko'chadagilarga aslo “Kopiravat'” qila ko'rmagin. Qo'shnilaringga “Druz'ya” bo'l! Qaynopalaring bilan esa “Luchshie Druz'ya” bo'lgin. Har bir qiliqlariga “Layk” deb turgin. Ularning “Chyorny spiska»siga aslo tusha ko'rmagin!

Talabalar she'ri:
Orziqib kutaman har kuni seni,
Uzoqdan ko'rganda ko'zlarimda nam.
Hech kimga bermayman hech kimga seni,
Meni qadrdonim - stipendiyam!!!

Bir hayvonlar mamlakatida qaysi hayvon gunoh ish qilib qo'ysa sochi olinib tashlanar ekan. Bir kuni sher gunoh ish qilib, sochi olinganda hamma ustidan kulibdi. Shu payt u o'rmonda aylanib yursa, yo'lidan sichqon chiqib qolibdi. Sher unga:
— Ey sichqon, men mushukka o'xshaymanmi? – debdi. Sichqon bo'lsa:
— Haddingdan oshma! Men tipratikanman, — deb baqirib beribdi.

— Do'stim, uyimda suvaraklar juda-yam ko'payib ketdi. Nima qilishni bilmayapman.
— Sen ularga eshitiladigan qilib “Uyda ovqat yo'q! Egulik umuman yo'q!” deb bir necha bor takrorlagin!
Ertasi kuni:
— Ho'sh, nima bo'ldi do'stim? Kecha aytganlarimni qildingmi?
— Ha, huddi sen aytgandek qildim.
— Natijasi qalay?
— Yarim tunda kimdir biqinimdan turtdi. Turib qarasam, bir gala suvaraklar atrofimni o'rab olib, “Senga ovqat olib keldik. Eb ol!” deb turishibdi...!

<< < 807 808 809 810 811 812 813 > >>

Tavsiya qilamiz

Bosh sahifa