Latifalar

Bir kuni afandi do'sti bilan gaplashib qolibdi:
— Bilasanmi do'stim, eng katta baliq qaysi?
— Kit, - debdi afandi.
— O'sha kitdan to'rttasini ovlaganman, - deb maqtanibdi do'sti.
Biroz turib yana:
— Eng katta ayiq qaysi? – so'rabdi do'sti.
— Oq ayiq, - javob beribdi afandi.
— Oq ayiqdanam to'rttasini otganman, - debdi do'sti.
Jahli chiqqan afandi “Shoshmay tur” deb:
— O'lik dengizni bilasanmi do'stim? O'sha dengizni men o'ldirganman, - degan ekan.

— Tabriklayman do'stim! Uylanibsan. To'ydan keyin hayotingda nima o'zgarishlar ro'y berdi?
— Avval bitta odamga ovqat qilardim.
— Endi-chi?
— Endi, ikki kishilik ovqat qilyapman.

Bir kishi soch-soqollarini o'stirib yurar ekan. Bir kuni sartaroshga kirib, soch-soqollarini oldirib, kal bo'lib uyiga kirib kelsa, xotini yugurib kelib, quchoqlab olibdi.
— Ha xotin, tinchlikmi? – desa, - xotini:
— O'ling, sizmidingiz, - dermish.

Bir otaxon vrachga boribdi. Vrach otaxonni tekshirib turib, badanida “galiya” deb yozilgan taturovkani ko'rib qolibdi.
— Ie otaxon, sevgan qizingiz bo'lganmidi? – deb so'rabdi vrach.
Otaxon:
— Yo'g'-e bolam! Portugaliyaga urushga borganimda “Portugaliya” deb yozdirib olgandim. Nechi yil o'tdi. Yozuvni yarmi o'chib, “galiya”si qoldi, - dermish.

Buvisi 18 yoshli nabira qizi ko'chadan yarim kechada kirib kelganini ko'rib, tanbeh bermoqchi bo'lib debdi:
— Yoshing 18 da bo'lsa. Qachongacha bu ahvolda ko'cha sang'ib yurasan?!
Nabirasi:
— Menimcha, 20 yoshgacha yursam kerak....
Buvisi:
— Keyin-chi???
— Turmushga chiqib ketaman, buvijon!

Qarz oluvchilar bir nechta turga bo'linadi:
1. Surbetlar.
2. O'ta surbetlar.
3. Antisurbetlar.
4. Sehrgar surbetlar.
Surbet qarzdorlar:
“Pul berib tura olmaysanmi?” deyishadi.
O'ta surbetlar:
“Oylik olishing bilan menga qarz berib turarsan...!”
Antisurbetlar:
“ O'tgan safar olgan qarzimni bera olmayapman. Yana ozgina pul berib tursang, hammasini keyin bitta qilib qaytarardim”.
Sehrgar surbetlar:
Pul berasiz-u, ularni sehrini ko'rasiz. Ko'zdan g'oyib bo'lishadi. Ko'rinmas odamga aylanishadi. Bir umrga...

Ayrim ayollar go'sht qiymalagichning tishlarini o'tkirligini barmoqlari yordamida tekshirib ko'rmoqchi bo'ladilar.

— Qulog'im og'riyapti desam ko'zimga dori quyyapsizmi?
Doktor:
— Har bir kasallikning oldini olgan yaxshi. Agar men hozir dori quymasam, ertaga qulog'ingizning og'rig'i unga ham o'tib ketishi mumkin.

Bir yigit uyiga qo'ng'iroq qilsa, besh yoshli qizi olibdi:
— Oying qani?
Qizaloq:
— Tepadagi yotoqxonadalar. Bitta amaki bilan gaplashib o'tirishibdi, - debdi.
Yigitni rangi o'chib :
— Hoziroq tepaga chiqasanda, “Dadam keldilar!” deysan, keyin menga nima bo'lganini aytasan! - deb buyuribdi.
Oradan besh daqiqa o'tib qizaloq go'shakni olib:
— Allo! Dada! Oyim zinadan yugurib tushayotib xalatiga uralashib yiqilib, "Voy-voylab" yotibdilar. Haligi amaki ikkinchi etajdan o'zini hovuzga tashlab, suv yo'qligi uchun uxlab qoldi, - desa, yigit hayron bo'lib:
— Ie, uyimizda hovuz yo'q edi-yu?!
— Dada, o'zingiz qurdirdingiz-ku hovuzni... - debdi. Yigit battar ajablanib:
— Bu o'zi Eshmatovlar xonadonimi? - deb so'rasa, qizaloq:
— Yo'q, ularniki emas - debdi.
Yigit telefoniga terilgan raqamlarga bir qarabdi-da, jilmayib:
— Uzr qizaloq, adashibman, - degan ekan.

Sharbat siqib chiqarish bo'yicha musobaqa uyushtirilibdi.
Ishtirokchilar bir qo'li bilan apel'sindan kim ko'proq sharbat olishga bellasha boshlabdilar.
Birinchi ishtirokchi 100 gr. sharbat, ikkinchi ishtirokchi 200 gr. sharbat, uchinchisi esa 500 gr. sharbat siqib olibdi.
G'olib bo'lgan ishtirokchiga savol berishibdi. “Kasbingiz nima?” deyishsa, u “Soliq idorasi xodimiman” deb javob beribdi.

<< < 809 810 811 812 813 814 815 > >>

Tavsiya qilamiz

Bosh sahifa