Puli yo'q odam restorandan kabobni hidini hidlab-hidlab qaytib keladi. Tishi yo'q bo'ri ham qo'ylarni atrofini aylanib-aylanib qaytib keladi.
Ronaldo bilan Messi Farg'onaga kelibdi. Ronaldo taksi to'xtatib: — Milliy stadioniga nechi pul bo'ladi? - debdi. Taksi haydovchisi: — Besh ming! – debdi. Ronaldo taksichiga: — Ikki kishiga necha pulga olib borasiz? – desa, haydovchi hayron bo'lib: — Besh mingga olib boraman, - debdi. Shunda Ronaldo Messiga qarab: — Ko'rdingmi? Bir tiyinlik hurmating yo'q, - degan ekan.
Bir kal odam boshidan burga ushlab olibdi. — Meni boshimda nima qilasan? Sochi borlarni boshiga kirsang bo'lmaydimi?! – debdi kal. Burga unga qarab: — Men kon'ki uchayotgandim-da, - dermish.
Rentgenga birinchi martta tushayotgan bola doktorga: “Iltimos, menga 3x4 dan bitta” degan ekan.
Ikki kursdosh gaplashyapti: — Ko'ylagimni ikki kun ketma-ket yuvdim. Bugun yoqasi yana kir bo'libdi, - desa, do'sti: — Yoqangni yuvgandan ko'ra bo'yningni yuvsang, yoqang kir bo'lavermaydi, - dermish.
Vrach xonasi eshigida yozuvni o'qigan bemor tanish ism, familiyani ko'rib hayron bo'libdi. “Bu axir sinfdoshim-ku” debdi ichida. Xonaga kirib qarasa, qarshisida o'zidan ancha yosh katta ko'ringan vrach turgan ekan. — E, sinfdosh qalesan?! – debdi quvonchini yashirmay bemor. Vrach bo'lsa unga qarab: — Kechirasiz bemor, sizni tanimadim...! – deb hayron bo'libdi. — Rostan meni tanimadingmi?! 105-maktab esingdami? – so'rabdi yana bemor. — Ha, men o'sha maktabda o'qiganman. Siz o'qituvchim bo'lsangiz kerak?! Qaysi fandan dars bergansiz? – degan ekan vrach.
To'qson yoshga kirgan otaxon ko'zguga qarab, — Mana bugun to'qsonni qarshiladim, - debdi-da, boshiga qarab, — Sen ahmoq 40 yoshdayoq sochlarga ruxsat berib yubormaganingda, ular ham bugun to'qsonga kirar edi, - dermish.
Men 3 oydan beri bitta kitobni o'qiyapman. Nomi: Ingliz tilini 3 kunda o'rganing.
Ruhiy kasallar shifoxonasida: Bemorlar shifoxona tomiga chiqib olib, birma-bir pastga tashlashayotgan emish. Bosh shifokor kelib: — Nima o'ynayapsizlar? – desa, jinnilar: — Samolyot-samolyot o'yinini o'ynayapmiz, - deyishibdi. Bosh shifokor: — Ha yaxshi. Sizlarga qarab turadigan shifokorlar qani? – desa bemorlar: — Ularni avvalgi reyslarda uchirib yubordik, - deyishibdi.
Xotini: — Men ayolman! Kir yuvish mashinasi emas! Eri: — Yo'g'-e, buni qara-ya! Men ham odamman, bankomat emasman!